പൊമ്പിളൈ ഒരുമൈ നേതാവ്​ ഗോമതി വെൽഫെയർ പാർട്ടിയിൽ ചേർന്നു

മൂന്നാറിലെ പൊമ്പിളൈ ഒരുമൈ നേതാവ്​ ഗോമതി വെൽഫെയർ പാർട്ടിയിൽ ചേർന്നു. ആലുവ മണ്ഡലം വെൽഫെയർ പാർട്ടി തെരരഞ്ഞെടുപ്പ്​ പ്രചാരണ സമ്മേളനത്തിൽ വെച്ചായിരുന്നു അവർ പാർട്ടിയുടെ പ്രാഥമിക അംഗത്വം സ്വീകരിച്ചത്​. വെൽഫെയർ പാർട്ടി സംസ്ഥാന ജനറൽ സെക്രട്ടറി കെ.എ ഷെഫീക്കാണ്​ മെമ്പർഷിപ്പ് നൽകിയത്​.

തോട്ടം തൊഴിലാളികളുടെ അവകാശങ്ങൾക്കായി പൊമ്പിളൈ ഒരുമയുടെ ​േനതൃത്വത്തിൽ മൂന്നാറിൽ നടത്തിയ സമരങ്ങൾ വലിയ വാർത്താ പ്രാധാന്യം നേടിയിരുന്നു. പരമ്പരാഗത തൊഴിലാളി യൂണിയനുകളെ വെല്ലുവിളിച്ച് തോട്ടം തൊഴിലാളികളായ സ്​ത്രീകൾ നടത്തിയ പൊമ്പിളൈ ഒരുമൈ സമരങ്ങളിലൂടെയാണ്​ ഗോമതി ​ശ്രദ്ധ നേടിയത്​.

2015 ​ൽ നടന്ന തദ്ദേശ തെരഞ്ഞെടുപ്പിൽ ​​േബ്ലാക്ക് പഞ്ചായത്തിലേക്ക് നല്ലതണ്ണി ഡിവിഷനില്‍ നിന്ന്​ പൊമ്പിളൈ ഒരുമൈ സ്​ഥാനാർഥിയായി മത്സരിച്ച ഗോമതി വിജയിച്ചിരുന്നു.