Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightപുതുപ്പള്ളിയെന്നാൽ...

പുതുപ്പള്ളിയെന്നാൽ ഉമ്മൻചാണ്ടിയായിട്ട്​ 50വർഷം

text_fields
bookmark_border
പുതുപ്പള്ളിയെന്നാൽ ഉമ്മൻചാണ്ടിയായിട്ട്​ 50വർഷം
cancel

കോട്ടയം: ഉമ്മൻ ചാണ്ടിയുടെ നിയമസഭ അംഗത്വത്തി​െൻറ സുവർണ ജൂബിലി ആഘോഷ​ം കോട്ടയത്ത്​. ഇൗ മാസം 17ന്​ നടക്കുന്ന സമ്മേളനം കോൺഗ്രസ്​ അധ്യക്ഷ സോണിയ ഗാന്ധി ഉദ്​ഘാടനം ചെയ്യും.

പുതുപ്പള്ളി മണ്ഡലത്തെ​ തുടർച്ചയായി 50 വർഷം നിയമസഭയിൽ പ്രതിനിധാനം ചെയ്യുന്ന ഉമ്മൻ ചാണ്ടി കോൺഗ്രസിൽ അപൂർവമായൊരു റെക്കോഡാണ്​ സ്വന്തമാക്കുന്നത്​. അന്തരിച്ച കെ.എം. മാണിക്ക് ശേഷം കേരള രാഷ്​ട്രീയത്തിൽ അപൂർവനേട്ടം സ്വന്തമാക്കുന്ന രണ്ടാമത്തെ നേതാവാണ്​ പ്രവർത്തകരുടെ പ്രിയപ്പെട്ട്​ ഒ.സി. കോൺഗ്രസിൽ തന്നെ,ഈ നേട്ടം സ്വന്തമാക്കിയ രാജ്യത്തെ ഏകനേതാവെന്ന വിശേഷണവും പ്രവർത്തകർ ചാർത്തി നൽകുന്നു.

പുതുപ്പള്ളിയിൽനിന്ന്​ 1970 സെപ്റ്റംബർ 17നാണ്​ ആദ്യമായി നിയമസഭ അംഗമാകുന്നത്​. 7288 വോട്ടി​െൻറ ഭൂരിപക്ഷത്തിലായിരുന്നു കന്നി ജയം.

പിന്നീടുണ്ടായ പത്ത് ​െതരഞ്ഞെടുപ്പിലും പുതുപ്പള്ളിയിൽനിന്ന്​ വിജയിച്ച്​ നിയമസഭയിലെത്തി. ഇതിനിടെ രണ്ടുതവണ മുഖ്യമന്ത്രിയുമായി. കോവിഡ്​ മാനദണ്ഡങ്ങൾ പാലിച്ച്​ ചടങ്ങ്​ ഗംഭീരമാക്കാനാണ്​ പ്രവർത്തകരുടെ തീരുമാനം. പരിപാടിയുടെ ഒരുക്കം പുരോഗമിക്കുകയാണെന്നും അടുത്തദിവസങ്ങളിൽ ചടങ്ങി​െൻറ കൂടുതൽ വിശദാംശങ്ങൾ പുറത്തുവിടുമെന്നും നേതാക്കൾ അറിയിച്ചു.

Show Full Article
TAGS:Oommen Chandy Golden Jubilee of Oommen Chandy 
Next Story