കണ്ണൂര്‍ വിമാനത്താവളത്തില്‍ 88 ലക്ഷം രൂപയുടെ സ്വര്‍ണം പിടിച്ചു

മട്ടന്നൂര്‍: കണ്ണൂര്‍ വിമാനത്താവളത്തില്‍ യാത്രക്കാരനില്‍നിന്ന് 88 ലക്ഷം രൂപയുടെ സ്വര്‍ണം പിടിച്ചു. ഷാര്‍ജയില്‍നിന്ന് എയര്‍ ഇന്ത്യ എക്‌സ്പ്രസ് വിമാനത്തിലെത്തിയ കാസർകോട് സ്വദേശി സല്‍മാന്‍ ഫരീദില്‍നിന്നാണ് 1530 ഗ്രാം സ്വര്‍ണം പിടിച്ചത്. രണ്ട് ട്രോളി ബാഗുകളില്‍ ഒളിപ്പിച്ചാണ് സ്വര്‍ണം കടത്താന്‍ ശ്രമിച്ചത്. കസ്റ്റംസും ഡി.ആര്‍.ഐ.യും ചേര്‍ന്നാണ് പരിശോധന നടത്തിയത്.