മലദ്വാരത്തിൽ ഒളിപ്പിച്ച 43 ലക്ഷം രൂപയുടെ സ്വർണം പിടികൂടി

നെടുമ്പാശേരി: കൊച്ചി രാജ്യാന്തര വിമാനത്താവളത്തിൽ വൻ സ്വർണവേട്ട. മലദ്വാരത്തിലൊളിപ്പിച്ചു കൊണ്ടുവന്ന 43 ലക്ഷം രൂപയുടെ സ്വർണമാണ് പിടികൂടിയത്.

സംഭവത്തിൽ തൃശൂർ സ്വദേശി അനസ് പുതുവലശേരിയെ കസ്റ്റംസ് പിടികൂടി. അബൂദാബിയിൽ നിന്നാണ് ഇയാൾ നെടുമ്പാശ്ശേരിയിലേക്ക് വന്നത്.

സംശയത്തെ തുടർന്ന് കസ്റ്റംസ് നടത്തിയ പരിശോധനയിൽ 1162 ഗ്രാം സ്വർണമാണ് കസ്റ്റംസ് ഇയാളിൽനിന്ന് പിടിച്ചെടുത്തത്.