കരിപ്പൂരിൽ 87 ലക്ഷത്തിന്റെ സ്വർണം പിടികൂടി

കരിപ്പൂർ: വിമാനത്താവളത്തിൽ 87.08 ലക്ഷം രൂപയുടെ സ്വർണം പിടികൂടി. വിമാനത്തിന്റെ ശുചിമുറിയിൽനിന്നും യാത്രക്കാരന്റെ ബാഗിൽ ബട്ടൺസിനുള്ളിലായി ഒളിപ്പിച്ച നിലയിലും കടത്താൻ ശ്രമിച്ച സ്വർണമാണ് പിടിച്ചത്. എയർ കസ്റ്റംസ് ഇന്റലിജൻസാണ് 1611 ഗ്രാം സ്വർണം കണ്ടെടുത്തത്. ഷാർജയിൽ നിന്നെത്തിയ എയർ ഇന്ത്യ വിമാനത്തിന്റെ ശുചിമുറിയിൽനിന്നാണ് സ്വർണം കണ്ടെത്തിയത്. 1604 ഗ്രാം സ്വർണമിശ്രിതമാണ് പരിശോധനയിൽ കണ്ടെടുത്തത്. കാസർകോട് സ്വദേശി ഫയാസ് അഹമ്മദ് റാണയിൽ (26) നിന്ന് 349 ഗ്രാം സ്വർണമാണ് പിടിച്ചത്.