മൂന്ന് ലക്ഷവും രണ്ട്​ പവനും നഷ്​ടപ്പെട്ടു; 24 മണിക്കൂറിനകം പണം തിരികെയെത്തി

തിരൂരങ്ങാടി: വീട്ടിലെത്തിച്ച് മണിക്കൂറുകൾക്കകം മൂന്ന് ലക്ഷം രൂപ അലമാരയിൽനിന്ന്​ കാണാതായ സംഭവത്തിൽ സൂപ്പർ ​ൈക്ലമാക്​സ്​. പൊലീസെത്തി പരിശോധിച്ചതോടെ പണം 24 മണിക്കൂറിനകം തിരികെയെത്തി. ചെറുമുക്ക് ജീലാനി നഗറിലെ മഠത്തിൽ മികച്ചാൻ മുഹമ്മദാലിയുടെ വീട്ടിൽനിന്ന്​ തിങ്കളാഴ്ച രാത്രിയാണ് പണവും രണ്ട്​ പവൻ സ്വർണാഭരണവും നഷ്​ടപ്പെട്ടത്​. ഇതിൽ മൂന്ന് ലക്ഷം രൂപ ചൊവ്വാഴ്​ച രാത്രി തിരികെ ലഭിച്ചു. എന്നാൽ, വളയും മോതിരവുമടങ്ങുന്ന രണ്ട് പവൻ കിട്ടിയില്ല.

മുഹമ്മദാലി ചെറുമുക്കിൽ ഏഴേമുക്കാൽ സ​െൻറ്​ 13 ലക്ഷം രൂപക്ക് വിറ്റിരുന്നു. നേര​േത്ത നൽകിയ പണത്തി​​െൻറ ബാക്കി മൂന്ന്​ ലക്ഷം ഭൂമി വാങ്ങിയ വ്യക്തി തിങ്കളാഴ്ച രാത്രി എട്ടിന്​ എത്തിച്ചു. ഭാര്യ റംലത്തും മുഹമ്മദലിയുടെ സഹോദരൻ ഹംസയും ചേർന്ന് പണം വാങ്ങുകയും റംലത്ത്​ അലമാരയിൽ വെച്ച് പൂട്ടി താക്കോൽ കിടക്കയുടെ താഴെ വെച്ചതായും പറയുന്നു. പണം കൊണ്ടുവന്നയാൾ ചായ കുടിച്ച് തിരിച്ചുപോയി.

പിന്നീട് റംലത്തും മരുമകൾ അസ്മാബിയും മാത്രമാണ് വീട്ടിലുണ്ടായിരുന്നത്. റംലത്ത് നമസ്കരിക്കാനും മരുമകൾ വീടി​​െൻറ മുകളിലേക്ക് വസ്​ത്രം അലക്കാനുമായി പോയി. രാത്രി 10.30ഓടെ ശബ്​ദം കേട്ട് മുറിയിലെത്തിയപ്പോൾ അലമാര തുറന്ന് കിടക്കുന്നതായും നേര​േത്ത കൊണ്ടുവെച്ച മൂന്ന് ലക്ഷം രൂപയും സ്വർണാഭരണവും നഷ്​ടപ്പെട്ടെന്നുമാണ് പരാതി. ഇവർ അറിയിച്ചതിനെ തുടർന്ന് തിങ്കളാഴ്​ച രാത്രിതന്നെ താനൂർ എസ്.എച്ച്.ഒ എ.എം. സിദ്ദീഖ്, എസ്.ഐ നവീൻ എന്നിവരുടെ നേതൃത്വത്തിൽ പൊലീസ് സ്ഥലത്തെത്തി പരിശോധിച്ചു.

പൊലീസ് കേസെടുത്ത് അന്വേഷണം ആരംഭിച്ചതോടെ നഷ്​ട​െപ്പട്ട പണം ചൊവ്വാഴ്​ച രാത്രി 9.30ഓടെ വീടി​​െൻറ അടുക്കളയുടെ ഉള്ളിലേക്ക് വലിച്ചെറിഞ്ഞ നിലയിൽ കണ്ടെത്തി. താനൂർ പൊലീസെത്തി പണം എണ്ണി തിട്ടപ്പെടുത്തി സ്​റ്റേഷനിലേക്ക് കൊണ്ടുപോയി. സംഭവത്തിൽ ദുരൂഹത നിലനിൽക്കുന്നുണ്ട്.