സ്വർണക്കടത്ത്​ കേസ്​: സെക്രട്ടറിയേറ്റ്​ വളപ്പിൽ യൂത്ത്​ കോൺഗ്രസ്​ പ്രതിഷേധം

തിരുവനന്തപുരം: വിമാനത്താവളം വഴി നയതന്ത്ര ബാഗേജിൽ സ്വർണം കടത്തിയ സംഭവത്തിൽ സെക്ര​ട്ടറിയേറ്റ്​ വളപ്പിനുള്ളിൽ യൂത്ത്​ കോൺഗ്രസ്​ പ്രതിഷേധം. മുഖ്യമന്ത്രിയുടെ രാജി ആവശ്യപ്പെട്ടാണ്​ പ്രതിഷേധം നടന്നത്​.

മന്ത്രിസഭയോഗം നടക്കുന്നതിനിടെയാണ്​ പുറത്ത്​ പ്രതിഷേധം അരങ്ങേറിയത്​. കരി​ങ്കൊടിയുമായി മുദ്രാവാക്യം വിളിച്ച്​ മൂന്ന്​ യൂത്ത്​ കോൺഗ്രസ്​ പ്രവർത്തകർ സെക്രട്ടറിയേറ്റ്​ വളപ്പിലേക്ക്​​ തള്ളിക്കയറാൻ ശ്രമിക്കുകയായിരുന്നു. 

സാധാരണ നിലയിൽ സെക്രട്ടറിയേറ്റ്​ വളപ്പ്​ സമരത്തിന്​ വേദിയാവാറില്ല. പ്രവർത്തകരെ പൊലീസ്​ അറസ്​റ്റ്​ ചെയ്​തു നീക്കി.