സ്വർണക്കടത്ത്​: പണത്തി​െൻറ ഉറവിടവും അന്വേഷിക്കുന്നു; കസ്​റ്റംസ്​ ഉദ്യോഗസ്ഥരും നിരീക്ഷണത്തിൽ

നെടുമ്പാശ്ശേരി: സ്വർണക്കടത്ത് മാഫിയക്ക്​ പണം ലഭ്യമാകുന്നത് ഏതൊക്കെ വഴിയിലൂടെയാണെന്നും അന്വേഷിക്കുന്നു. ഇത ിന്​ ഡി.ആർ.ഐ-ആദായനികുതി വകുപ്പുൾപ്പെടെ മറ്റ്​ ഏജൻസികളുടെ സഹായം തേടും. സംസ്ഥാനത്തെ ചില സ്വർണവ്യാപാരികളിൽനിന്ന ്​ ഇവർക്ക് മുൻകൂറായി പണം ലഭിക്കുന്നതായി സൂചന ലഭിച്ചിട്ടുണ്ട്. അനധികൃതമായി വിദേശനാണയം സ്വീകരിച്ച് ദുബൈയിലേക്ക് കടത്തുകയാണ്​ ചെയ്യുന്നത്​. ഇതുപയോഗിച്ചാണ് സ്വർണം വാങ്ങി തിരികെയെത്തുന്നത്.

നെടുമ്പാശ്ശേരി കേന്ദ്രീകരിച്ച് മൂവാറ്റുപുഴ കള്ളക്കടത്ത് റാക്കറ്റ് വീണ്ടും സജീവമായിട്ടും കസ്​റ്റംസ് ഇൻറലിജൻസ് ജാഗ്രത പാലിച്ചി​രുന്നില്ല. കസ്​റ്റംസ് ഇൻറലിജൻസിലെ ഹവിൽദാറും ഈ റാക്കറ്റി​​െൻറ കണ്ണിയാവുകയായിരുന്നു. ഇൗ ഹവിൽദാറി​ൽനിന്നാണ്​ മൂവാറ്റുപുഴ ഫൈസലി​​െൻറ പങ്കാളിത്തം വ്യക്തമായത്. ഫൈസലിനെ പിടികൂടി ചോദ്യം ചെയ്തപ്പോൾ നാലുമാസത്തിനി​െട കോടിക്കണക്കിന് രൂപയുടെ സ്വർണം കൊണ്ടുവന്നതായി വെളിപ്പെട്ടു. സ്വർണം കൊണ്ടുവന്ന ഏതാനും പേരെ വരും ദിവസങ്ങളിലായി ഡി.ആർ.ഐ കസ്​റ്റഡിയിലെടുക്കും. ഇവരെ മാപ്പുസാക്ഷികളാക്കി കേസിന് ബലമുണ്ടാക്കാനാണിത്.

കസ്​റ്റംസിലെ ഹവിൽദാറുടെ ബാച്ചിൽപെട്ട 20 ഉദ്യോഗസ്ഥർ ഡി.ആർ.ഐ നിരീക്ഷണത്തിലാണ്. ഇവരിൽ ഒരു അസിസ്​റ്റൻറ്​ കമീഷണറെ കസ്​റ്റഡിയിലെടുത്ത് വിശദമായി ചോദ്യം ചെയ്യാനാണ്​ ഡി.ആർ.​െഎ നീക്കം. ഇദ്ദേഹം ഡ്യൂട്ടിയിലുള്ള ദിവസങ്ങളിൽ നിരവധി പേർ കസ്​റ്റംസ് ഏരിയയിൽ സന്ദർശകരായെത്തിയിട്ടുണ്ടെന്ന് കണ്ടെത്തിയതിനെത്തുടർന്നാണിത്. അതുപോലെ വിമാനത്തിലെയും വിമാനത്താവളത്തിലെയും ശൗചാലയങ്ങളിൽ ഉടമസ്ഥരില്ലാതെ കണ്ടെത്തിയ സ്വർണത്തി​​െൻറ അന്വേഷണവും കസ്​റ്റംസ് വേണ്ടരീതിയിൽ മുന്നോട്ടുകൊണ്ടുപോയില്ലെന്നും ഡി.ആർ.ഐ കണ്ടെത്തിയിട്ടുണ്ട്.