Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightവിവാഹമോചനശേഷം...

വിവാഹമോചനശേഷം തിരുവനന്തപുരത്തേക്ക്​; നക്ഷത്ര പാർട്ടികളിലൂടെ ഉന്നത ബന്ധം സൂക്ഷിച്ചു

text_fields
bookmark_border
വിവാഹമോചനശേഷം തിരുവനന്തപുരത്തേക്ക്​; നക്ഷത്ര പാർട്ടികളിലൂടെ ഉന്നത ബന്ധം സൂക്ഷിച്ചു
cancel

തിരുവനന്തപുരം: വ്യാജരേഖ കേസിൽ ക്രൈംബ്രാഞ്ച് അന്വേഷണം നടക്കുന്നതിനിടെ  സ്വർണക്കടത്തിലെ മുഖ്യ ആസൂത്രക സ്വപ്​ന സുരേഷ്​ സർക്കാർ വകുപ്പിൽ ജോലിയിൽ പ്രവേശിച്ചതങ്ങനെയെന്ന് അന്വേഷിക്കണമെന്ന്​ ആവശ്യം. ​കേസിൽ പ്രതിയാ​ണെന്ന വിവരം മറച്ചുവെച്ച ശേഷമാണോ ഐ.ടി വകുപ്പിൽ ജോലിക്കു​കയറിയതെന്ന അന്വേഷണവും നടക്കുന്നു​. 

അബൂദബിയിൽ പഠിച്ചുവളർന്ന സ്വപ്​ന അബൂദബി വിമാനത്താവളത്തിലെ പാസഞ്ചർ സർവിസ്​ വിഭാഗത്തിൽ ജോലി ചെയ്​തിരുന്നു. വിവാഹിതയായെങ്കിലും പിന്നീട്​ ബന്ധം വേർപിരിഞ്ഞതോടെ മകളുമായി തിരുവനന്തപുരത്തെത്തി. ആദ്യം ട്രാവൽ ഏജൻസിയിൽ ജോലി ചെയ്​തു. പിന്നീട്​ എയർ ഇന്ത്യ സാറ്റ്​സിൽ ​േജാലിയിൽ പ്രവേശിച്ചു. 2016ൽ ഇവിവെച്ച് ​വ്യാജരേഖ ചമച്ചകേസിൽ കുടുങ്ങിയതോടെ അബൂദബിയിലേക്ക്​ മടങ്ങി. ശേഷം യു.എ.ഇ കോൺസുലേറ്റിൽ കോൺസുലേറ്റ്​ ജനറലി​​െൻറ സെക്രട്ടറിയായെത്തി. ഇവിടെവെച്ച്​ ഉന്നത ഉദ്യോഗസ്​ഥരുമായി അടുത്ത ബന്ധം സൂക്ഷിച്ചു. കഴിഞ്ഞവർഷം ക്രമ​ക്കേടുകൾ കണ്ടെത്തിയതോടെ അവിടെനിന്നും പുറത്തായി. 

ഉന്നതരുമായി അടുത്ത സൗഹൃദം പുലർത്തിവന്ന സ്വപ്​ന നക്ഷത്ര ഹോട്ടലുകളിലെ പാർട്ടികളിൽ സ്​ഥിരം സാന്നിധ്യമായി. നഗരത്തിൽ കോടികൾ മുതൽമുടക്കി വീടി​​െൻറ നിർമാണം തുടങ്ങിയാതായും വിവരമുണ്ട്​. അറബി, ഇംഗ്ലീഷ്​ ഭാഷകൾ അനായേസേന കൈാര്യം ചെയ്​തിരുന്ന ​സ്വപ്​നക്ക്​ ഉയരങ്ങളിലേക്ക്​ കുതിക്കാൻ വിദേശത്തും സ്വദേശത്തും ഭാഷ ഒരു തടസമായിരുന്നില്ല.  

ഞായറാഴ്​ച യു.എ.ഇ കാൺസുലേറ്റി​​െൻറ ഡി​പ്ലോമാറ്റിക്​ ബാഗേജിൽ സ്വർണം കടത്താൻ ശ്രമിച്ചതിൽ കോൺസുലേറ്റിലെ ഉന്നത സ്​ഥാനത്തിരിക്കുന്ന സ്​ത്രീക്കും പങ്ക്​ എന്ന വിവരമായിരുന്നു ആദ്യം പുറത്തുവന്നത്​. പിന്നീട്​ പിടിയിലായ മുൻ പി.ആർ.ഒ സരിത്തിനെ ചോദ്യം ചെയ്​തതോടെ സ്വപ്​ന സുരേഷി​​െൻറ പങ്കി​​െൻറ സൂചന ലഭിക്കുകയായിരുന്നു. ഇതോടെ അന്വേഷണം പല ഉന്നതരിലേക്കും നീണ്ടു. സ്വപ്​ന സുരേഷ്​ സുരേഷിനെ കോൺസുലേറ്റിൽ നിന്ന്​ പിരിച്ചുവിട്ടതായും ഐ.ടി വകുപ്പിൽ ജോലി ചെയ്യുകയുമാ​െണന്നും വിവരം ലഭിക്കുകയായിരുന്നു. കേസിൽ സ്വപ്​നയുടെ ബന്ധം പുറത്തുവന്നതോടെ തിങ്കളാഴ്​ചതന്നെ ഐ.ടി വകുപ്പ്​ സ്വപ്​നയെ പുറത്താക്കി. എങ്കിലും ക്രൈംബ്രാഞ്ച്​ അന്വേഷണം നേരിടുന്ന വ്യക്തി സംസ്​ഥാന ഐ.ടി വകുപ്പിൽ കയറിപ്പറ്റിയതെങ്ങനെയെന്ന ചോദ്യം ഉയർന്നു. 

യു.എ.ഇ കോൺസുലേറ്റിൽ ജോലിക്ക്​ കയറുംമുമ്പ്​ എയർ ഇന്ത്യ സാറ്റ്​സിൽ സ്വപ്​ന ജോലിചെയ്​തിരുന്നു. ഇവിടെ ആറുമാസത്തോളം ട്രെയിനർ ആയിരുന്ന സ്വപ്​ന വ്യാജരേഖ ചമച്ച കേസിൽ ഉൾപ്പെടുക്കുകയായിരുന്നു. കേസിൽ ക്രൈംബ്രാഞ്ച്​ അന്വേഷണവും നടക്കുന്നു. എയർ ഇന്ത്യ ഗ്രൗണ്ട്​ ഹാൻഡ്​ലിങ്​ വിഭാഗത്തിലെ ഓഫിസർ എൽ.എസ്​. ഷിബുവിനെ കള്ളക്കേസിൽ കുടുക്കിയതിന്​ പിന്നിലെ ഗൂഡാലോചന അന്വേഷിക്കുന്ന ക്രൈംബ്രാഞ്ച്​ രണ്ടുതവണ ചോദ്യം ചെയ്തിരുന്നു. 

ഷിബുവിനെതിരെ കള്ളപരാതി തയാറാക്കിയതും എയർ ഇന്ത്യ എൻക്വയറി കമ്മിറ്റിക്ക്​ മുമ്പിൽ വ്യാജപ്പേരിൽ പെൺകുട്ടിയെ ഹാജരാക്കിയതായും സ്വപ്​ന സമ്മതിച്ചിരുന്നു. അന്വേഷണം നടക്കുന്നതിനിടെ കഴിഞ്ഞ മാസം വീണ്ടും ചോദ്യം ചെയ്യാൻ വിളിച്ചിരുന്നെങ്കിലും സ്വപ്​ന ഹാജരായിരുന്നില്ല. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

News Summary - Gold Smuggling Case Swapna Suresh Government Post Controversy -Kerala news
Next Story