വിജിലൻസിനെ കൊണ്ട്​ സി.ബി.ഐയെ ‘വെട്ടി’; തിരിച്ചടിയായി ഇ.ഡി നീക്കം

തി​രു​വ​ന​ന്ത​പു​രം: വി​ജി​ല​ൻ​സ്​ അ​ന്വേ​ഷ​ണം പ്ര​ഖ്യാ​പി​ച്ച്​ സി.​ബി.​ഐ​യെ ‘വെ​ട്ടി​യ’ സ​ർ​ക്കാ​റി​ന്​ തി​രി​ച്ച​ടി​യാ​യി ഇ.​ഡി​യു​ടെ നീ​ക്കം. കേ​ന്ദ്ര ഏ​ജ​ൻ​സി​ക​ൾ​ക്കെ​തി​രാ​യ അ​ന്വേ​ഷ​ണ​ത്തി​ന്​ ക​മീ​ഷ​നെ പോ​ലും നി​യോ​ഗി​ച്ച്​ പ്ര​തി​രോ​ധം സൃ​ഷ്ടി​ച്ച സ​ർ​ക്കാ​റി​ന്​ വെ​ല്ലു​വി​ളി​യാ​ണി​ത്. ഇ.​ഡി​ക്ക്​ പി​ന്നാ​ലെ സി.​ബി.​ഐ​യും സ​ജീ​വ​മാ​യാ​ൽ പ​ല ആ​രോ​പ​ണ​ങ്ങ​ളി​ലേ​ക്കും ​അ​ന്വേ​ഷ​ണം നീ​ങ്ങാ​നാ​ണ്​ സാ​ധ്യ​ത.

യു.​എ.​ഇ​യി​ലെ സ​ന്ന​ദ്ധ​സം​ഘ​ട​ന​യു​ടെ സാ​മ്പ​ത്തി​ക സ​ഹാ​യ​ത്തി​ൽ വ​ട​ക്കാ​ഞ്ചേ​രി​യി​ൽ ലൈ​ഫ്​ പ​ദ്ധ​തി​യി​ൽ ന​ട​ന്ന നി​ർ​മാ​ണ​ങ്ങ​ളു​മാ​യി ബ​ന്ധ​പ്പെ​ട്ട ആ​ക്ഷേ​പ​ങ്ങ​ളെ തു​ട​ർ​ന്ന്​ അ​ന്വേ​ഷ​ണം സി.​ബി.​ഐ ഏ​റ്റെ​ടു​ത്ത​തോ​ടെ​യാ​ണ്​ സ​ർ​ക്കാ​ർ പ്ര​തി​രോ​ധ​വു​മാ​യി​ രം​ഗ​ത്തെ​ത്തി​യ​ത്. വി​ഷ​യ​ത്തി​ൽ വി​ജി​ല​ൻ​സ്​ അ​ന്വേ​ഷ​ണം പ്ര​ഖ്യാ​പി​ച്ചാ​യി​രു​ന്നു പ്ര​തി​രോ​ധം. സി.​ബി.​ഐ​യേ​ക്കാ​ൾ വേ​ഗ​ത്തി​ലാ​യി​രു​ന്നു പി​ന്നീ​ട്​ വി​ജി​ല​ൻ​സി​ന്‍റെ നീ​ക്കം. ഫ​യ​ലു​ക​ൾ മു​ഴു​വ​ൻ വി​ജി​ല​ൻ​സ്​ പി​ടി​ച്ചെ​ടു​ത്തു. ഉ​ദ്യോ​ഗ​സ്ഥ വീ​ഴ്ച ക​ണ്ടെ​ത്തി എം. ​ശി​വ​ശ​ങ്ക​റെ ഉ​ൾ​പ്പെ​ടെ പ്ര​തി​യാ​ക്കു​ക​യും ചെ​യ്​​തു. വി​ജി​ല​ൻ​സ്​ അ​ന്വേ​ഷ​ണം ചൂ​ണ്ടി​ക്കാ​ട്ടി സി.​ബി.​ഐ അ​ന്വേ​ഷ​ണ​ത്തി​ന്​ താ​ൽ​ക്കാ​ലി​ക ത​ട​യു​മി​ട്ടു.

സ്വ​ർ​ണ​ക്ക​ട​ത്ത്​ കേ​സ്​ പ്ര​തി സ്വ​പ്ന​യ​ട​ക്ക​മു​ള്ള​വ​ർ​ക്ക്​ കൈ​ക്കൂ​ലി ന​ൽ​കി​യെ​ന്ന് ക​രാ​റു​കാ​ര​ന്‍ സ​ന്തോ​ഷ് ഈ​പ്പ​ൻ വെ​ളി​പ്പെ​ടു​ത്തി​യ​തോ​ടെ​യാ​ണ് ലൈ​ഫ്മി​ഷ​ന്‍ അ​ഴി​മ​തി​യി​ല്‍ വി​ജി​ല​ൻ​സ് അ​ന്വേ​ഷ​ണം പ്ര​ഖ്യാ​പി​ച്ച​ത്. യൂ​നി​ടാ​ക് ക​മ്പ​നി ക​രാ​റി​ന്‍റെ ഭാ​ഗ​മാ​യ​തെ​ങ്ങ​നെ, ക​മീ​ഷ​ൻ തു​ക​യെ​ത്ര, ക​രാ​റി​ൽ സ്വ​ർ​ണ​ക്ക​ട​ത്ത്​ കേ​സി​ലെ പ്ര​തി​ക​ളു​ടെ പ​ങ്ക് തു​ട​ങ്ങി​യ കാ​ര്യ​ങ്ങ​ൾ പ​രി​ശോ​ധി​ക്കാ​നാ​യി​രു​ന്നു അ​ന്വേ​ഷ​ണം. ര​ണ്ട​ര​വ​ര്‍ഷം പി​ന്നി​ട്ടി​ട്ടും അ​ന്വേ​ഷ​ണം എ​ങ്ങു​മെ​ത്തി​യി​ല്ല. പ​ദ്ധ​തി​യു​മാ​യി ബ​ന്ധ​പ്പെ​ട്ട ഫ​യ​ലു​ക​ൾ സി.​ബി.​ഐ​ക്ക് വി​ട്ടു​ന​ല്‍കാ​തെ വി​ജി​ല​ന്‍സ് പി​ടി​ച്ചെ​ടു​ക്കു​ക​യാ​യി​രു​ന്നു. ഏ​റെ​നാ​ള്‍ ഇ​ഴ​ഞ്ഞു​നീ​ങ്ങി​യ വി​ജി​ല​ന്‍സ് അ​ന്വേ​ഷ​ണം മു​ഖ്യ​മ​ന്ത്രി​ക്കും കു​ടും​ബ​ത്തി​നു​മെ​തി​രെ സ്വ​പ്ന പു​തി​യ വെ​ളി​പ്പെ​ടു​ത്ത​ൽ ന​ട​ത്തി​യ​പ്പോ​ൾ വീ​ണ്ടും സ​ജീ​വ​മാ​യി. ഇ​തോ​ടെ സി.​ബി.​ഐ അ​ന്വേ​ഷ​ണം നി​ല​ച്ചു.

കോ​ട​തി അ​നു​മ​തി​യോ​ടെ ക​ഴി​ഞ്ഞ​വ​ർ​ഷം അ​വ​സാ​നം അ​ന്വേ​ഷ​ണം പു​ന​രാ​രം​ഭി​ച്ച സി.​ബി.​ഐ ശി​വ​ശ​ങ്ക​ർ, സ്വ​പ്ന സു​രേ​ഷ്​ എ​ന്നി​വ​രെ ചോ​ദ്യം​ചെ​യ്തു. എ​ന്നാ​ൽ, സം​സ്ഥാ​ന സ​ർ​ക്കാ​ർ സി.​ബി.​ഐ അ​ന്വേ​ഷ​ണം വേ​ണ്ടെ​ന്ന നി​ല​പാ​ടി​ൽ ഉ​റ​ച്ചു​നി​ൽ​ക്കു​ന്ന​തി​നാ​ൽ നി​യ​മ​പ്ര​ശ്ന​ങ്ങ​ൾ ഇ​പ്പോ​ഴും തു​ട​രു​ക​യാ​ണ്.

സ്വ​പ്ന സു​രേ​ഷി​ന്റെ മൊ​ഴി​യു​ടെ അ​ടി​സ്ഥാ​ന​ത്തി​ലാ​ണ് ശി​വ​ശ​ങ്ക​റി​നെ​തി​രാ​യ ഇ​പ്പോ​ഴ​ത്തെ ഇ.​ഡി നീ​ക്ക​മെ​ന്നാ​ണ്​ സൂ​ച​ന. അ​ന്വേ​ഷ​ണം വീ​ണ്ടും മു​ഖ്യ​മ​ന്ത്രി​യു​ടെ ഓ​ഫി​സി​ലേ​ക്ക്​ നീ​ങ്ങാ​നു​ള്ള സാ​ധ്യ​ത​യും ത​ള്ളി​ക്ക​ള​യാ​നാ​കി​ല്ല.