സ്വര്‍ണവില മാറ്റമില്ലാതെ തുടരുന്നു

കോഴിക്കോട്: ചൊവ്വാഴ്ച 320 രൂപയുടെ വർധനക്കു ശേഷം സംസ്ഥാനത്ത് സ്വര്‍ണവില മാറ്റമില്ലാതെ തുടരുന്നു. 57,040 രൂപയാണ് ഒരു പവന്‍ സ്വര്‍ണത്തിന്റെ ബുധനാഴ്ചത്തെ വില. ഗ്രാമിന് 7130 രൂപ നല്‍കണം.

രണ്ടാഴ്ചയ്ക്കിടെ 3500 രൂപ ഇടിഞ്ഞ ശേഷം തിരിച്ചുകയറിയ സ്വര്‍ണവില പിന്നീട് ഏറിയും കുറഞ്ഞും കഴിഞ്ഞ ദിവസം ഒറ്റയടിക്ക് 560 രൂപ വര്‍ധിക്കുകയായിരുന്നു. പിന്നീട് രണ്ടു ദിവസങ്ങളിലായി 560 രൂപ കുറഞ്ഞ ശേഷം ചൊവ്വാഴ്ച തിരിച്ചുകയറി. ഇന്നലെ പവന് 320 രൂപയുടെ വര്‍ധനയാണ് രേഖപ്പെടുത്തിയത്.