സ്വർണത്തിന്​ തുടർച്ചയായി രണ്ടാം ദിവസവും വിലകൂടി

കൊച്ചി: തുടർച്ചയായി രണ്ടാം ദിവസവും സ്വർണ വില വർധിച്ചു. പവന്​ 200 രൂപയാണ്​ കൂടിയത്​. ഒരു പവൻ സ്വർണത്തി​െൻറ വില ഇന്ന് 38,160 ആയി. ഗ്രാം വില 25 രൂപ കൂടി 4770ൽ എത്തി

ചൊവ്വാഴ്​ച പവന്​ 1200 രൂപ കുത്തനെ കുറഞ്ഞ ശേഷം നാലുദിവസം കൊണ്ട്​ 480 രൂപയാണ്​ പവന്​ വർധിച്ചത്​. 37,960 രൂപയായിരുന്നു വെള്ളിയാഴ്​ചത്തെ വില.

അമേരിക്കൻ പ്രസിഡൻറ്​ തെരഞ്ഞെടുപ്പുമായി ബന്ധപ്പെട്ട അനിശ്ചിതത്വങ്ങൾ അവസാനിച്ചതോടെയാണ് അന്താരാഷ്​ട്ര വിപണിയിൽ സ്വർണവില കുറഞ്ഞത്. അതേസമയം ദീപാവലി, ധൻതേരസ് ഉത്സവങ്ങൾ ആഭ്യന്തര വിപണിയിൽ സ്വർണത്തിന്​ പുത്തനുണർവ് സമ്മാനിക്കുകയായിരുന്നു. കോവിഡ് 19 രൂക്ഷത കുറയുന്നതിൻെറ സൂചനകളും വാക്​സിൻ സംബന്ധിച്ച പ്രതീക്ഷകളും ദീപാവലി ആഘോഷങ്ങളും സ്വർണ വിപണിക്ക് കൂടുതൽ ആത്മവിശ്വാസം നൽകി. കഴിഞ്ഞ വർഷത്തെ ദീപാവലി ധൻതേരസ് വ്യാപാരത്തിൻെറ 65-70% വരെ ഈ വർഷം നടക്കുമെന്നാണ്​ പ്രതീക്ഷ.