നികുതിവെട്ടിച്ച്​ ട്രെയിനിൽ കടത്തിയ രണ്ടുകോടിയുടെ സ്വർണാഭരണം പിടികൂടി

കോഴിക്കോട്​: നികുതിവെട്ടിച്ച്​ ട്രെയിനിൽ കടത്തിയ രണ്ട്​ കോടിയിൽപരം രൂപയുടെ സ്വർണാഭരണങ്ങൾ പിടികൂടി. രാജസ്​ഥാൻ സ്വദേശി രമേശ് സിങ്​ രാജാവത്ത് (28) കടത്തിയ സ്വർണമാണ്​ വ്യാഴാഴ്​ച രാവിലെയോടെ കോഴിക്കോട്​ യെിൽവേ സംരക്ഷണ സേന പിടികൂടിയത്​.

നേത്രാവതി എക്​സ്​​പ്രസിൽ സ്​ക്വാഡ്​ പരിശോധന നടത്തവെ വടകരയിൽ നിന്ന്​ സംശയകര സാഹചര്യത്തിൽ കണ്ടെത്തിയ ബാഗ്​ ​പരിശോധിച്ച​പ്പോഴാണ്​ ആഭരണങ്ങൾ കണ്ടെത്തിയത്​. തുടർന്ന്​ ബാഗി​ന്‍റെ ഉടമ രമേശ് സിങ്​ രാജാവത്തി​നെ കസ്​റ്റഡിയിലെടുത്ത്​ കോഴിക്കോട്​ സ്​റ്റേഷനിലെത്തിച്ച്​ ചോദ്യം ചെയ്യുകയായിരുന്നു. ആഭരണങ്ങൾ 4.239 കിലോഗ്രാം ഉണ്ടെന്ന്​ വ്യക്​തമായതോടെ നികുതി അടച്ചതി​ന്‍റെ ഉൾപ്പെടെ രേഖകൾ ആവശ്യപ്പെ​ട്ടെങ്കിലും 2.812 കിലോഗ്രാമി​​േൻറത്​ മാത്രമാണ്​ കാണിക്കാനായത്​.

താനെയിൽ നിന്ന് എറണാകുളം ജങ്​ഷനിലേക്കുള്ള റെയിൽ‌വേ ടിക്കറ്റ്​​ കൈവശമുണ്ടായിരുന്ന ഇയാൾ കോഴിക്കോ​ട്ടെ ജ്വല്ലറികളിലേക്കുള്ള ആഭരണമാ​െണന്നാണ്​ ചോദ്യം ​െചയ്യലിനിടെ വ്യക്​തമാക്കിയത്​. കാണിച്ച രേഖകൾ വ്യാജമാണെന്ന സംശയത്താൽ ആർ.പി.എഫ്​ വിവരം സംസ്​ഥാന ജി.എസ്.ടി വകുപ്പ് അധികൃതരെ അറിയിച്ച്​ സ്വർണാഭരണവും ഇയാളെയും കൈമാറി.