സ്വർണ നിക്ഷേപ തട്ടിപ്പിലൂടെ 70 കോടി തട്ടിയെന്ന്​: സ്വർണ ആലപ്പാട്ടിനെതിരെ പരാതിക്കാർ കൂടുന്നു

തൃശൂർ: നിക്ഷേപ തട്ടിപ്പിലൂടെ 70 കോടിയോളം രൂപ തട്ടിയെടുത്തുവെന്ന ആക്ഷേപം നേരിടുന്ന പാടൂക്കാട് സ്വർണ ആലപ്പാട്ടിനെതിരെ പൊലീസിന് കൂടുതൽ പരാതി ലഭിച്ചു.

ഒളിവിലായിരുന്ന ജ്വല്ലറി ഉടമകളായ കൊട്ടേക്കാട് വിൻസെൻറ് ആലപ്പാട്ട്, സുനിൽ ആലപ്പാട്ട് എന്നിവർ അറസ്​റ്റിലായതിന് പിന്നാലെയാണ് വീണ്ടും പരാതികൾ ലഭിച്ചത്.

20 കേസുകളാണ് ഇതുവരെ രജിസ്​റ്റര്‍ ചെയ്തത്. പ്രതികളെ കസ്​റ്റഡിയിൽ വാങ്ങാനുള്ള നടപടികളിലേക്ക് ഉടൻ കടക്കുമെന്ന് പൊലീസ് വ്യക്തമാക്കി.