Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightസ്വർണലേ​ലത്തിൽ...

സ്വർണലേ​ലത്തിൽ ക്രമക്കേട്: ജീവനക്കാരിൽ നിന്ന്​ ​68.32 ലക്ഷം ഈടാക്ക​​ും

text_fields
bookmark_border
സ്വർണലേ​ലത്തിൽ ക്രമക്കേട്: ജീവനക്കാരിൽ നിന്ന്​ ​68.32 ലക്ഷം ഈടാക്ക​​ും
cancel

കൽപറ്റ: പണയംവെച്ച സ്വർണം ലേലം ചെയ്​തതിൽ ബാങ്കിന്​ നഷ്​ടം വരുത്തിയെന്ന കണ്ടെത്തലിൽ ജില്ല ബാങ്ക്​ ജനറൽ മാനേജർ അടക്കം അഞ്ച്​ ജീവനക്കാരിൽനിന്ന്​ 68,32,918 രൂപ ഇൗടാക്കാൻ സഹകരണസംഘം രജിസ്​ട്രാറുടെ ഉത്തരവ്​.

വയനാട്​ ജില്ല സഹകരണ ബാങ്കിൽ 2013-14, 2014^15, 2015-16 വർഷങ്ങളിൽ നടന്ന ക്രമക്കേട്​ സഹകരണ വകുപ്പി​െൻറ പരിശോധനയിൽ കണ്ടെത്തിയതിനെ തുടർന്നാണ്​ രജിസ്​ട്രാർ ഡോ. നരസിംഹുകാരി ടി.എൽ. റെഡ്​ഡി സഹകരണ നിയമം 68(2) പ്രകാരം കർശന നിർദേശം നൽകിയത്​.

​കാലാവധി കഴിഞ്ഞിട്ടും തിരിച്ചെടുക്കാത്ത സ്വർണം േലലത്തിൽ വിറ്റ കാലയളവിൽ ജില്ല ബാങ്കിൽ പ്ലാനിങ്​​ ആൻഡ്​​ ഡെവലപ്​മെൻറ്​ സെക്​ഷനിൽ സുപ്രണ്ടുമാരായിരുന്ന ടി. കെ. ഹരിദാസ്​, ശാന്തമ്മ സി. മാത്യു ( 8,54,114 രൂപ വീതം), ഡെപ്യൂട്ടി ജനറൽ മാനേജർമാരായ ശശിധരൻ നായർ, എം. പി. ഷിബു , ജനറൽ മാനേജർ പി. ഗോപകുമാർ (17,08,230 രൂപ വീതം) എന്നിവർക്കെതിരെയാണ്​ നടപടി.

12 ശതമാനം പലിശയടക്കം തുക രണ്ടു മാസത്തിനകം അടച്ചില്ലെങ്കിൽ ജപ്​തി നടപടി സ്വീകരിക്കും.

പണയ തോതിനെക്കാൾ സ്വർണത്തിന്​ വില കുറഞ്ഞപ്പോൾ തിരിച്ചടവിന്​ ശാഖ മാനേജർമാർക്ക്​ വിവരം നൽകുന്നതുൾപ്പെടെ സ്വർണലേലത്തിലെ വിവിധ വീ​ഴ്​ചകളിൽ​ ജില്ല ജോ. രജിസ്​ട്രാർ ഓഫിസിലെ ഡെപ്യൂട്ടി രജിസ്​ട്രാർ നടത്തിയ പരിശോധനയും ക്രമക്കേട്​ ചൂണ്ടിക്കാണിച്ച്​ ജോ. രജിസ്​ട്രാർ നൽകിയ റിപ്പോർട്ടും​ ജീവനക്കാരുടെ മറുപടിയും പരിഗണിച്ചാണ്​ നടപടി.

വിപണിയിലെ ഏറ്റക്കുറച്ചിലും ബാങ്കിന്​ സംഭവിക്കുന്ന ലാഭ നഷ്​ടങ്ങളും വിലയിരുത്തുന്നതിലും ബന്ധ​െപ്പട്ടവരെ വിവരം അറിയിക്കുന്നതിലും ഉദ്യോഗസ്ഥർ പരാജയപ്പെട്ടതായി റിപ്പോർട്ടിലുണ്ട്​.

സ്വർണം ലേലം ചെയ്യുന്നതിൽ തട്ടിപ്പ്​ വ്യാപകം

കൽപറ്റ: ബാങ്കുകളിൽ പണയം വെച്ച സ്വർണം തിരിച്ചെടുക്കാത്ത സാഹചര്യത്തിൽ ലേലം ചെയ്​ത്​ വിൽക്കുന്നതിൽ സംസ്ഥാനത്ത്​ വ്യാപക തട്ടിപ്പ്​. പണയ സ്വർണം ലേലത്തിനെടുക്കുന്ന സംഘങ്ങൾ വർഷങ്ങളായി സജീവമാണ്​. ചില ഭരണസമിതിയംഗങ്ങളും ബാങ്ക്​ ജീവനക്കാരും ഇതിൽ കണ്ണികളാണ്​.

സാധാരണക്കാർ​ ലേലത്തി​െൻറ നാലയലത്തു പോലും എത്താറില്ലെന്ന്​ ബാങ്ക്​​ വൃത്തങ്ങൾ പറഞ്ഞു. പത്രപരസ്യത്തി​െൻറ ​െചലവ്​ അടക്കം ലേലം പിടിക്കുന്ന ആൾ നൽകണം.

പണയകാലാവധി കഴിഞ്ഞ സ്വർണാഭരണങ്ങൾ ഓ​േരാന്നായി ലേലം ചെയ്യാതെ മൊത്തം വിൽപന നടത്തുകയാണ്​ പലയിടത്തുമുള്ള രീതി. അപ്പോൾ ചെറുകിടക്കാർ പുറത്താവും. പഴയ സ്വർണം കൈക്കലാക്കുന്നവർ ഇത്​ തങ്കമാക്കി വിൽക്കുകയാണ്​ പതിവ്​. മഹാരാഷ്​ട്ര സ്വദേശികളായ ചിലർ വർഷങ്ങളായി ഈ രംഗത്തുണ്ട്​.

അവധി കഴിഞ്ഞ സ്വർണാഭരണങ്ങൾ, ലേലം ചെയ്യാതെ 'കൈക്കലാക്കുന്ന' ലോബി ചില ബാങ്കുകളിലും ഉണ്ട്​. ഇതിനെക്കുറിച്ച്​ പരാതി ഉയർന്നാൽ പോലും അന്വേഷണം ഉണ്ടാകാറില്ല.

Show Full Article
TAGS:Gold auction scam wayanad co-operative bank 
Next Story