ഇ​ന്‍സ്​​റ്റ​ഗ്രാ​മി​ലൂ​ടെ പ​രി​ച​യ​പ്പെ​ട്ട വിദ്യാർഥിനിയില്‍ നിന്ന്​ സ്വര്‍ണവും പണവും തട്ടി; യുവാവ് അറസ്​റ്റില്‍

ച​ങ്ങ​നാ​ശ്ശേ​രി: ഇ​ന്‍സ്​​റ്റ​ഗ്രാ​മി​ലൂ​ടെ പ​രി​ച​യ​പ്പെ​ട്ട വി​ദ്യാ​ർ​ഥി​നി​യി​ല്‍നി​ന്ന്​ സ്വ​ര്‍ണ​വും പ​ണ​വും ത​ട്ടി​യെ​ടു​ത്ത സം​ഘ​ത്തി​ല്‍പെ​ട്ട യു​വാ​വി​നെ ച​ങ്ങ​നാ​ശ്ശേ​രി പൊ​ലീ​സ് പി​ടി​കൂ​ടി.

കാ​വാ​ലം ക​ട്ട​ക്കു​ഴി​ച്ചി​റ ജോ​സ്ബി​നാ​ണ്(19) അ​റ​സ്​​റ്റി​ലാ​യ​ത്. ന​ഗ​ര​ത്തി​ലെ സ്‌​കൂ​ളി​ലെ ഒ​മ്പ​താം ക്ലാ​സ് വി​ദ്യാ​ര്‍ഥി​നി​യെ ക​ബ​ളി​പ്പി​ച്ചാ​ണ് അ​ഞ്ച​ര പ​വ​നോ​ളം ആ​ഭ​ര​ണ​ങ്ങ​ള്‍ അ​പ​ഹ​രി​ച്ച​ത്. 2020 ജൂ​ണ്‍ മു​ത​ല്‍ പെ​ണ്‍കു​ട്ടി​യു​മാ​യി സ​മൂ​ഹ മാ​ധ്യ​മം​വ​ഴി ചാ​റ്റ് ചെ​യ്ത് ബ​ന്ധം സ്ഥാ​പി​ച്ച ജോ​സ്ബി​ന്‍ ആ​ദ്യം ര​ണ്ടു ഗ്രാ​മു​ള്ള ക​മ്മ​ലും തു​ട​ര്‍ന്ന് പാ​ദ​സ​രം, മാ​ല തു​ട​ങ്ങി അ​ഞ്ച​ര പ​വ​നോ​ളം ആ​ഭ​ര​ണ​ങ്ങ​ൾ ത​ട്ടി​യെ​ടു​ക്കു​ക​യാ​യി​രു​ന്നു.

രാ​ത്രി​ക​ളി​ല്‍ വീ​ടി​നു​മു​ന്നി​ല്‍ ബൈ​ക്കു​ക​ള്‍ വ​ന്നു​നി​ല്‍ക്കു​ന്ന​ത്​ ശ്ര​ദ്ധ​യി​ല്‍പെ​ട്ട് സം​ശ​യം തോ​ന്നി​യ ര​ക്ഷി​താ​വ് വി​ദ്യാ​ര്‍ഥി​നി​യു​ടെ ഫോ​ണ്‍ പ​രി​ശോ​ധി​ച്ച​പ്പോ​ഴാ​ണ് പ്ര​തി​യു​മാ​യു​ള്ള ബ​ന്ധം ക​ണ്ടു​പി​ടി​ച്ച​ത്.

തു​ട​ര്‍ന്ന് ര​ക്ഷി​താ​വ് ന​ല്‍കി​യ പ​രാ​തി​യി​ല്‍ പോ​ക്‌​സോ നി​യ​മ​പ്ര​കാ​രം യു​വാ​വി​നെ ച​ങ്ങ​നാ​ശ്ശേ​രി പൊ​ലീ​സ് അ​റ​സ്​​റ്റ്​ ചെ​യ്യു​ക​യാ​യി​രു​ന്നു. ആ​ഭ​ര​ണ​ങ്ങ​ള്‍ ആ​ല​പ്പു​ഴ​യി​ലെ സ്വ​കാ​ര്യ പ​ണ​മി​ട​പാ​ട്​ സ്ഥാ​പ​ന​ത്തി​ല്‍നി​ന്ന്​ പൊ​ലീ​സ് ക​ണ്ടെ​ടു​ത്തു.

അ​റ​സ്​​റ്റി​ലാ​യ യു​വാ​വി​നെ കൂ​ടാ​തെ നി​ര​വ​ധി പേ​ര്‍ സം​ഘ​ത്തി​ലു​ള്ള​താ​യി പൊ​ലീ​സി​ന്​ സൂ​ച​ന ല​ഭി​ച്ചി​ട്ടു​ണ്ട്. മ​റ്റ് ജി​ല്ല​ക​ളി​ലു​ള്ള​വ​രും കൃ​ത്യ​ത്തി​ല്‍ ഭാ​ഗ​മാ​യി​ട്ടു​ണ്ടെ​ന്നും അ​ന്വേ​ഷ​ണം കൂ​ടു​ത​ല്‍ പേ​രി​ലേ​ക്ക് വ്യാ​പി​പ്പി​ക്കു​മെ​ന്നും പൊ​ലീ​സ് പ​റ​ഞ്ഞു.

ല​ഹ​രി മ​രു​ന്നു​ള്‍പ്പെ​ടെ​യു​ള്ള​വ സ്‌​കൂ​ള്‍ കു​ട്ടി​ക​ള്‍ക്ക് ന​ല്‍കി വ​രു​തി​യി​ലാ​ക്കു​ന്ന​താ​യും സൂ​ച​ന ല​ഭി​ച്ച​താ​യി പൊ​ലീ​സ് പ​റ​ഞ്ഞു. ച​ങ്ങ​നാ​ശ്ശേ​രി സ്​​റ്റേ​ഷ​ന്‍ ഹൗ​സ് ഓ​ഫി​സ​ര്‍ ആ​സാ​ദ് അ​ബു​ൽ ക​ലാ​മി​െൻറ നേ​തൃ​ത്വ​ത്തി​ല്‍ ക്രൈം ​എ​സ്.​ഐ ര​മേ​ശ​ന്‍, ആ​ൻ​റ​ണി മൈ​ക്കി​ള്‍, പി.​കെ. അ​ജേ​ഷ് കു​മാ​ര്‍, ജീ​മോ​ന്‍ എ​ന്നി​വ​ര​ട​ങ്ങി​യ പൊ​ലീ​സ് സം​ഘ​മാ​ണ് അ​റ​സ്​​റ്റി​ന്​ നേ​തൃ​ത്വം ന​ല്‍കി​യ​ത്. പ്ര​തി​യെ റി​മാ​ന്‍ഡ് ചെ​യ്തു.