'ഓക്​സിജൻ നൽകിയതിന്​ നന്ദി'; കേരളത്തിന്​ നന്ദി പറഞ്ഞ്​ ഗോവ ആരോഗ്യ മന്ത്രി

തിരുവനന്തപുരം: കേരളത്തിനും ആരോഗ്യ മന്ത്രി കെ.കെ ശൈലജക്കും നന്ദിയർപ്പിച്ച്​ ഗോവ ആരോഗ്യ മന്ത്രി വിശ്വജിത്ത്​ റാണെ. 20,000ലിറ്ററോളം ലിക്വിഡ്​ ഓക്​സിജൻ നൽകിയ സഹായിച്ചതിനാണ്​ ഗോവ ആരോഗ്യ മന്ത്രി നന്ദിയർപ്പിച്ചത്​.

'' 20,000 ലിറ്റർ ലിക്വിഡ്​ ഓക്​സിജൻ നൽകി ഗോവയെ സഹായിച്ചതിന്​ കേരള ആരോഗ്യ മന്ത്രി ശ്രീമതി ശൈലജ ടീച്ചർക്ക്​ ഞാൻ നന്ദിയർപ്പിക്കുന്നു. കോവിഡിനെതിരായ പോരാട്ടത്തിന്​ നൽകിയ സംഭാവനക്ക്​ ഗോവയിലെ ജനങ്ങൾ നിങ്ങളോട്​ കടപ്പെട്ടിരിക്കും'' -വിശ്വജിത്​ റാണെ ട്വീറ്റ്​ ചെയ്​തു.