ആറ്റിൽ ചാടി മരിച്ച പെൺകുട്ടികളുടെ മൃതദേഹങ്ങൾ സംസ്കരിച്ചു

അഞ്ചൽ: വൈക്കത്തിന് സമീപം മൂവാറ്റുപുഴയാറ്റിൽ ചാടി മരിച്ച ആയൂർ നീറായ്ക്കോട് അഞ്ജുഭവനിൽ ആര്യ ജി. അശോക് (21), അറയ്ക്കൽ അനിൽ ഭവനിൽ അഞ്ജു (21) എന്നിവരുടെ മൃതദേഹങ്ങൾ അവരവരുടെ വീടുകളിലെത്തിച്ച് സംസ്കരിച്ചു.

കഴിഞ്ഞ 13ന് വീടുവിട്ടിറങ്ങിയ ഇരുവരും വൈക്കത്തിന് സമീപം മുറിഞ്ഞപുഴ പാലത്തിൽ നിന്നും മൂവാറ്റുപുഴ ആറ്റിലേക്ക് ചാടിയാണ് മരിച്ചത്. വൈക്കം പൊലീസി​െൻറ നിയമനടപടിക്ക് ശേഷം അഞ്ചൽ, ചടയമംഗലം പൊലീസുകൾക്ക് കൈമാറി.

വൈക്കത്തുനിന്ന്​ ആംബുലൻസിൽ എത്തിച്ച മൃതദേഹങ്ങൾ അവരവരുടെ വീടുകളിലെത്തിച്ച് ചൊവ്വാഴ്ച വൈകീട്ട് ആറോടെയാണ്​ സംസ്കരിച്ചത്​.