അമ്മയോടൊപ്പം ചേറ്റുവ പുഴയിൽ ചാടിയ വിദ്യാർഥിനിയുടെ മൃതദേഹവും കണ്ടെത്തി

ചാവക്കാട്: അമ്മയോടൊപ്പം ചേറ്റുവ പുഴയിൽ ചാടിയ വിദ്യാർഥിനിയുടെ മൃതദേഹം കണ്ടെത്തി. നെല്ലുവായ് മുരിങ്ങാത്തേര ി മുല്ലയ്ക്കൽ രജനി(44)യുടെ മകൾ ശ്രീഭദ്രയുടെ മൃതദേഹമാണ് ഇന്നു രാവിലെ 7.45 ഓടെ കണ്ടെത്തിയത്. രജനിയുടെ മൃതദേഹം ഇന്നലെ തന്നെ ലഭിച്ചിരുന്നു. രജനിയുടെ മൃതദേഹം കണ്ടെത്തിയ സ്ഥലത്ത് നിന്നും തന്നെയാണ് ശ്രീഭദ്രയുടെ മൃതദേഹവും ലഭിച്ചത്​.

ബുധനാഴ്​ചയാണ് രജനി മകൾക്കൊപ്പം പുഴയിൽ ചാടിയത്. എരുമപ്പെട്ടി ഗവ. ഹയർ സെക്കൻഡറി സ്‌കൂളിലെ ഒമ്പതാം തരം വിദ്യാർഥിനിയാണ്​ ശ്രീഭദ്ര.

വൈകീട്ട് 4.30ഓടെ ചേറ്റുവ പാലത്തിന് വടക്ക് പുഴയോരത്ത് ബാഗും മൊബൈൽ ഫോണും രണ്ടു ജോഡി ചെരിപ്പും കണ്ടെത്തിയതിനെത്തുടർന്ന് പൊലീസും ഫയർഫോഴ്സും നാട്ടുകാരും ചേർന്ന് തെരച്ചിൽ നടത്തുകയായിരുന്നു.