Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightകോടതി കാമുകനൊപ്പം...

കോടതി കാമുകനൊപ്പം വിട്ട യുവതിയെ പിതാവി​െൻറ നേതൃത്വത്തിൽ തട്ടിക്കൊണ്ടുപോയി

text_fields
bookmark_border
missing
cancel

കോലഞ്ചേരി: കോടതി കാമുകനൊപ്പം വിട്ട യുവതിയെ പിതാവി​​െൻറ നേതൃത്വത്തിൽ തട്ടിക്കൊണ്ടുപോയി. വടയമ്പാടി സ്വദേശി സാജു തുരുത്തികുന്നേലി​​െൻറ മകൾ ശിവകാമിയെയാണ് പിതാവി​​െൻറ നേതൃത്വത്തിൽ നാല്​ കാറിലായെത്തിയ സംഘം  കൊച്ചി-ധനുഷ്‌കോടി ദേശീയപാത ശാസ്താംമുകളിൽനിന്ന്​ തട്ടിക്കൊണ്ടുപോയത്. വെള്ളിയാഴ്​ച വൈകീട്ട് അഞ്ചോടെയാണ് സംഭവം. ആലപ്പുഴ വണ്ടാനം സ്വദേശി രമേശി​​െൻറ മകൻ ശ്രീശാന്തിനൊപ്പമാണ് കോലഞ്ചേരി കോടതി ശിവകാമിയെ വിട്ടയച്ചത്. 

ആയുർവേദ ഡോക്ടറായ ശിവകാമിയും ബി.എസ്​സി നഴ്‌സിങ്​ വിദ്യാർഥിയായ ശ്രീശാന്തും ബംഗളൂരുവിൽ  ഇ​േൻറൺഷിപ് ചെയ്യുന്നതിനിടെയാണ്​ പരിചയപ്പെട്ടത്​. ഇവർ പിന്നീട് അഞ്ചൽ മഹാ​േദവ ക്ഷേത്രത്തിൽ ​ വിവാഹിതരായി. നാലുദിവസം മുമ്പ് ശിവകാമിയെ വീട്ടിൽനിന്ന്​ കാണാതായി. തുടർന്ന് പിതാവ് പുത്തൻകുരിശ് പൊലീസിൽ പരാതി നൽകി. പൊലീസ് അന്വേഷണത്തിനിടെ വെള്ളിയാഴ്​ച രാവിലെ യുവാവി​​െൻറ കുടുംബത്തോടൊപ്പം ശിവകാമി പുത്തൻകുരിശ് പൊലീസിൽ ഹാജരായി.

തുടർന്ന് പൊലീസ് കോലഞ്ചേരി കോടതിയിൽ ഹാജരാക്കിയപ്പോൾ വിവാഹ രേഖകളടക്കം സമർപ്പിച്ച് ശ്രീശാന്തിനൊപ്പം പോകണമെന്ന് ശിവകാമി അറിയിച്ചു. കോടതി യുവതിയെ ശ്രീശാന്തിനൊപ്പം വിട്ടയച്ചു. തുടർന്ന് ആലപ്പുഴക്ക് യുവാവിനൊപ്പം മടങ്ങുംവഴിയാണ് നാല്​ കാറിലായെത്തിയ പിതാവി​​െൻറ നേതൃത്വത്തി​െല സംഘം ഇവരെ ആക്രമിച്ച് ശിവകാമിയുമായി കടന്നത്. സംഘർഷത്തിൽ ശ്രീശാന്തി​​െൻറ സഹാദരൻ നിശാന്തിന് ഗുരുതര പരിക്കേറ്റു. ആക്രമിച്ചവരെ കണ്ടെത്താൻ പുത്തൻകുരിശ് പൊലീസ് ഇൻസ്‌പെക്ടർ സാജൻ സേവ്യറി​​െൻറ നേതൃത്വത്തിൽ അന്വേഷണം ഊർജിതമാക്കി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kerala newsgirl missingmalayalam news
News Summary - Girl missing-Kerala news
Next Story