വെള്ളം നിറച്ച ബക്കറ്റിൽ വീണ് ഒന്നര വയസ്സുകാരി മരിച്ചു

നെടുമങ്ങാട്: വീട്ടുവളപ്പിൽ വെള്ളം നിറച്ചുവെച്ച ബക്കറ്റിൽ വീണ് ഒന്നര വയസ്സുകാരി മരിച്ചു. ആനാട് പഞ്ചായത്തിലെ പറയങ്കാവ് ഷംനാദ് മൻസിലിൽ സിദ്ദീഖ്-സജിന മോൾ ദമ്പതികളുടെ മകൾ നൈമ ഫാത്തിമയാണ് മരിച്ചത്.

ചൊവ്വാഴ്ച വൈകീട്ട് മൂന്നരയോടെ കുട്ടി വീട്ടുമുറ്റത്ത് കളിച്ചുകൊണ്ടിരി​ക്കെ മാതാവ് നമസ്കരിക്കാൻ മുറിയിലേക്ക് പോയിരുന്നു. തിരികെ വന്നപ്പോൾ കുട്ടി ബക്കറ്റിൽ തലകീഴായി വീണ് കിടക്കുന്നതാണ് കണ്ടത്. ഉടൻ കന്യാകുളങ്ങര ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മൃതദേഹം കന്യാകുളങ്ങര ആശുപത്രി മോർച്ചറിയിൽ. സഹോദരങ്ങൾ: അസ്‌ന ഫാത്തിമ, ആലിയ ഫാത്തിമ.