Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_right'പെ​​െട്ടന്ന്​ സുഖമായി ...

'പെ​​െട്ടന്ന്​ സുഖമായി വന്നോളൂ, ഞങ്ങളെല്ലാം ​പ്രാർഥിക്കുന്നുണ്ട്​...'

text_fields
bookmark_border
ajeesh pol
cancel
camera_alt

അജീഷ്​ പോൾ വിഡിയോ കാളിൽ സംഭാഷണത്തിൽ

തൊടുപുഴ: സഹപ്രവർത്തകരെ വിഡിയോ കാളിൽ കണ്ടപ്പോൾ അജീഷ്​ പോളി​െൻറ മുഖം സന്തോഷംകൊണ്ട്​ വിടർന്നു. ''സാ​​െറ...'' ആ വാക്ക്​ മുറിഞ്ഞു. സഹപ്രവർത്തകരെ ഒാരോരുത്തരെയായി കണ്ട അജീഷ്​ വേദനകളെല്ലാം മറന്ന്​ വീണ്ടും വീണ്ടും ചിരിച്ചു. ദിവസങ്ങളായി നിറഞ്ഞ പ്രാർഥനകളോടെ അജീഷി​െൻറ മടങ്ങിവരവിന്​ കാത്തിരിക്കുന്ന കൂട്ടുകാർക്കും സന്തോഷം അടക്കാനായില്ല. മെല്ലെ ജീവിതത്തിലേക്ക്​ മടങ്ങിവന്നുകൊണ്ടിരിക്കുന്ന അജീഷിന്​ അറ്റുപോയ ഒാർമകൾ തിരിച്ചുനൽകാനായിരുന്നു സഹപ്രവർത്തകരുടെ ശ്രമം. അജീഷുമായുള്ള അവരുടെ വിഡിയോ കാൾ സംഭാഷണം ഉള്ളുതൊടുന്ന കാഴ്​ചയായി സമൂഹ മാധ്യമങ്ങളിൽ വൈറലാവുകയാണ്​.

മാസ്​ക്​ വെക്കാത്തത്​ ചോദ്യം ചെയ്​തതിന്​ കോവിൽക്കടവ്​ സ്വദേശി സുലൈമാൻ ഇൗ മാസം ഒന്നിനാണ്​ മറയൂർ സ്​റ്റേഷനിലെ സിവിൽ പൊലീസ്​ ഒാഫിസർ അജീഷിനെ കല്ലുകൊണ്ട്​ ഇടിച്ച്​ പരിക്കേൽപിച്ചത്​. ആലുവ രാജഗിരി ആശുപത്രിയിൽ ചികിത്സയിൽ കഴിയുന്ന അജീഷ്​ അപകടനില തരണം ചെയ്തു​. അജീഷിനൊപ്പം നിൽക്കുന്ന ബന്ധുക്കളുടെ സഹായത്തോടെയാണ്​ പുറത്തുനിന്ന്​ സഹപ്രവർത്തകർ വിഡിയോ കാൾ ചെയ്​തത്​. വിളിച്ച ഉദ്യോഗസ്ഥൻ പറഞ്ഞു: ''എല്ലാവരുമുണ്ടിവിടെ. മനസ്സിലാകുന്നുണ്ടോ? എസ്​.​െഎ സാറ്​, സുധീഷ്​ സാറ്​, അബ്ബാസ്​ സാറ്​, കവിത മാഡം...ഒന്നു പറഞ്ഞേ ഞങ്ങടെ പേരൊന്നു​ പറഞ്ഞേ''. എല്ലാവരെയും മനസ്സിലായതുപോലെ അജീഷ്​ ചിരിച്ചു.

പേരുകൾ ഒാർത്തെടുക്കാൻ അടുത്തുള്ള ആളുടെ സഹായത്തോടെ ഒരുശ്രമം. ''എന്നെ മനസ്സിലായോ അജീഷേ''. ഒാരോരുത്തരും മാറിമാറി ചോദിച്ചു. എന്താണ്​ കഴിച്ച​തെന്ന അന്വേഷണത്തിന്​ കഞ്ഞി എന്ന്​ മറുപടി. പെ​െട്ടന്ന്​ സുഖമായിട്ട്​ വന്നോളൂ, സന്തോഷമായിട്ടിരുന്നോ, ഞങ്ങളെല്ലാം പ്രാർഥിക്കുന്നുണ്ട്​ എന്ന വാക്കുകൾ കേട്ടപ്പോൾ അജീഷ്​ പറഞ്ഞു: ''ഒാകെ..ഒാകെ''. ഇതിനിടെ ''എന്നാ മാഡം'' എന്ന അജീഷി​െൻറ വാക്കുകൾകൂടി കേട്ടപ്പോൾ കൂട്ടുകാരൻ ഒാർമകൾ വീണ്ടെടുത്തുതുടങ്ങിയതി​െൻറ ആഹ്ലാദം അവർ പരസ്​പരം പങ്കുവെച്ചു. ഇതിനിടെ അജീഷ്​ പറഞ്ഞു, ''എല്ലാവരും ഹാപ്പിയാണ്...''

നാളെ വിളിക്കാം എന്ന്​ പറഞ്ഞ്​ അവർ ഫോൺ വെക്കു​േമ്പാൾ പ്രിയ കൂട്ടുകാരൻ ഉടൻ തിരിച്ചുവരും എന്ന ആത്മവിശ്വാസം അവരുടെയെല്ലാം മുഖത്തുണ്ടായിരുന്നു. ആക്രമണത്തിൽ സി.ഐ രതീഷിനും പരിക്കേറ്റിരുന്നു. വെൻറിലേറ്ററിൽ കഴിഞ്ഞിരുന്ന അജീഷിനെ പിന്നീട്​ ​െഎ.സി.യുവിലേക്കും തുടർന്ന്​ മുറിയിലേക്കും മാറ്റി. ചികിത്സ ചെലവ്​ പൂർണമായും സർക്കാർ ഏറ്റെടുത്തിട്ടുണ്ട്​.

Show Full Article
TAGS:police 
News Summary - ‘Get well soon, we are all praying ..’
Next Story