മോദിഭരണത്തിനെതിരെ വിശാല ബഹുജന പ്രക്ഷോഭത്തിന് തയാറാവുക -ആർ.എം.പി.ഐ

കോ​ഴി​ക്കോ​ട്: ജ​ന​ങ്ങ​ള​നു​ഭ​വി​ക്കു​ന്ന ദു​രി​ത​ങ്ങ​ൾ​ക്ക് അ​റു​തി​യാ​വാ​ൻ മോ​ദി​ഭ​ര​ണ​ത്തി​നെ​തി​രെ വി​ശാ​ല ബ​ഹു​ജ​ന ഐ​ക്യ​വും പ്ര​ക്ഷോ​ഭ​ങ്ങ​ളും സം​ഘ​ടി​പ്പി​ക്കാ​ൻ ആ​ഹ്വാ​നം​ചെ​യ്ത് ആ​ർ.​എം.​പി.​ഐ​യു​ടെ ര​ണ്ടാം അ​ഖി​ലേ​ന്ത്യാ സ​മ്മേ​ള​ന​ത്തി​ന് ഉ​ജ്ജ്വ​ല സ​മാ​പ​നം. സ​മ്മേ​ള​ന​ത്തി​ന് സ​മാ​പ​നം​കു​റി​ച്ച് ആ​യി​ര​ങ്ങ​ൾ പ​​ങ്കെ​ടു​ത്ത ബ​ഹു​ജ​ന​റാ​ലി​യും ​നൂ​റു​ക​ണ​ക്കി​ന് റെ​ഡ് വ​ള​ന്റി​യ​ർ​മാ​ർ പ​​ങ്കെ​ടു​ത്ത മാ​ർ​ച്ചും ന​ട​ന്നു.

അ​തി​രൂ​ക്ഷ​മാ​യ വി​ല​ക്ക​യ​റ്റ​വും തൊ​ഴി​ലി​ല്ലാ​യ്മ​യും രാ​ജ്യ​ത്ത് പൊ​ട്ടി​ത്തെ​റി​യു​ടെ സാ​ഹ​ച​ര്യ​മാ​ണു​ണ്ടാ​ക്കു​ന്ന​ത്. അ​സ​മ​ത്വം ഏ​റ്റ​വും ഉ​യ​ർ​ന്ന​നി​ല​യി​ലെ​ത്തി. ഭ​ര​ണ​ഘ​ട​ന ഉ​റ​പ്പു​ന​ൽ​കു​ന്ന പൗ​രാ​വ​കാ​ശ​ങ്ങ​ൾ പൊ​തു​വാ​യും ന്യൂ​ന​പ​ക്ഷ​ങ്ങ​ൾ​ക്ക് വി​ശേ​ഷി​ച്ചും നി​ഷേ​ധി​ക്ക​പ്പെ​ടു​ന്നു. ഈ ​സാ​ഹ​ച​ര്യ​ത്തി​ൽ എ​ല്ലാ ജ​നാ​ധി​പ​ത്യ​ശ​ക്തി​ക​ളു​ടേ​യും വി​ശാ​ല ഐ​ക്യ​നി​ര​യും ബ​ഹു​ജ​ന പ്ര​ക്ഷോ​ഭ​ങ്ങ​ളും ഉ​യ​ര​ണ​മെ​ന്ന് സ​മ്മേ​ള​നം ആ​ഹ്വാ​നം​ചെ​യ്തു. അം​ബേ​ദ്ക​ർ ജ​ന്മ​ദി​ന​മാ​യ ഏ​പ്രി​ൽ 14 മു​ത​ൽ മേ​യ് ഒ​ന്നു​വ​രെ കേ​ന്ദ്ര​സ​ർ​ക്കാ​റി​ന്റെ ജ​ന​വി​രു​ദ്ധ​ന​യ​ങ്ങ​ൾ​ക്കും അ​ത് പി​ന്തു​ട​രു​ന്ന സം​സ്ഥാ​ന സ​ർ​ക്കാ​റു​ക​ൾ​ക്കു​മെ​തി​രെ സ​മ​ര​പ​രി​പാ​ടി​ക​ൾ സം​ഘ​ടി​പ്പി​ക്കാ​നും സ​മ്മേ​ള​നം തീ​രു​മാ​നി​ച്ചു.

ഫെ​ബ്രു​വ​രി 23 മു​ത​ൽ നാ​ലു ദി​വ​സ​ങ്ങ​ളി​ലാ​യി​ട്ടാ​യി​രു​ന്നു സ​മ്മേ​ള​നം. റാ​ലി ഇ​ൻ​ഡോ​ർ സ്റ്റേ​ഡി​യം പ​രി​സ​ര​ത്തു​നി​ന്നാ​രം​ഭി​ച്ച് മാ​വൂ​ർ റോ​ഡ്, മാ​നാ​ഞ്ചി​റ വ​ഴി മു​ത​ല​ക്കു​ളം മൈ​താ​നി​യി​ൽ സ​മാ​പി​ച്ചു. പൊ​തു​സ​മ്മേ​ള​ന​ത്തി​ൽ മം​ഗ​ത് റാം ​പ​സ് ല, ​കെ. ഗം​ഗാ​ധ​ർ, ഹ​ർ ക​ൻ​വ​ൽ സി​ങ്, എ​ൻ. വേ​ണു, കെ.​എ​സ്. ഹ​രി​ഹ​ര​ൻ, കെ.​കെ. ര​മ എം.​എ​ൽ.​എ, അ​ഡ്വ. പി. ​കു​മാ​ര​ൻ​കു​ട്ടി, ച​ന്ദ്ര​ൻ കു​ള​ങ്ങ​ര സം​സാ​രി​ച്ചു.

കെ. ​ഗം​ഗാ​ധ​ർ ചെ​യർമാൻ, മം​ഗ​ത് റാം​പ​സ് ല ജ​നറൽ സെ​ക്രട്ടറി

കോ​ഴി​ക്കോ​ട്: ആ​ർ.​എം.​പി.​ഐ ദേ​ശീ​യ ചെ​യ​ർ​മാ​നാ​യി കെ. ​ഗം​ഗാ​ധ​റി​നേ​യും (ത​മി​ഴ്നാ​ട്), ജ​ന​റ​ൽ സെ​ക്ര​ട്ട​റി​യാ​യി മം​ഗ​ത് റാം ​പ​സ് ല​യേ​യും (പ​ഞ്ചാ​ബ്), ട്ര​ഷ​റ​റാ​യി രാ​ജേ​ന്ദ്ര പ​ര​ഞ്ജ് പേ​യേ​യും (മ​ഹാ​രാ​ഷ്ട്ര) തി​ര​ഞ്ഞെ​ടു​ത്തു.

സ്റ്റാ​ൻ​ഡി​ങ് ക​മ്മി​റ്റി അം​ഗ​ങ്ങ​ളാ​യി ഹ​ർ​ക​ൻ വ​ൻ​സി​ങ്, കെ.​എ​സ്. ഹ​രി​ഹ​ര​ൻ എ​ന്നി​വ​ര​ട​ങ്ങു​ന്ന 27 അം​ഗ കേ​ന്ദ്ര ക​മ്മി​റ്റി​യേ​യും പി.​ജെ. മോ​ൺ​സി (കേ​ര​ളം), ചെ​യ​ർ​മാ​നാ​യി മൂ​ന്നം​ഗ ക​ൺ​ട്രോ​ൾ ക​മീ​ഷ​നേ​യും തി​ര​ഞ്ഞെ​ടു​ത്തു. കേ​ര​ള​ത്തി​ൽ​നി​ന്ന് കെ.​കെ. ര​മ എം.​എ​ൽ.​എ, എ​ൻ. വേ​ണു, ടി.​എ​ൽ. സ​ന്തോ​ഷ്, അ​ഡ്വ. പി. ​കു​മാ​ര​ൻ​കു​ട്ടി എ​ന്നി​വ​ർ അം​ഗ​ങ്ങ​ളാ​ണ്.