വനിത നേതാവി​നെ കരണത്തടിക്കുമെന്ന്​ എം.എൽ.എ: പ്രസംഗം വിവാദത്തിൽ

കോഴി​േക്കാട്​: വനിത നേതാവി​നെ കരണക്കുറ്റിക്ക് അടിച്ച് പഠിപ്പിക്കുമെന്ന തിരുവമ്പാടി എം.എൽ.എ ജോർജ്​​ എം. തോമസി​​​െൻറ പ്രസംഗം വിവാദത്തിൽ. ബുധനാഴ്​ച മുക്കത്ത്​ നടന്ന സി.പി.എമ്മി​​​​െൻറ ഗെയിൽ വിശദീകരണ സമ്മേളനത്തിൽ അധ്യക്ഷ പ്രസംഗത്തിലാണ്​​ വെൽഫെയർപാർട്ടി സംസ്ഥാന സെക്രട്ടറി ശ്രീജ നെയ്യാറ്റിൻകരയെ കരണക്കുറ്റിക്ക് അടിച്ച് പഠിപ്പിക്കുമെന്ന്​ എം.എൽ.എ പ്രസ്​താവിച്ചത്​. ​​​‘പിണറായി വിജയനെ അരച്ച് കലക്കി കുടിക്കാനല്ലേ ദേഷ്യവുമായി ഒരു പെണ്ണൊരുത്തി വന്നിരുന്നത്​. എന്തൊക്കെ പുലഭ്യാണ് വിളിച്ച് പറഞ്ഞതെന്നാ വിചാരിച്ചത്. ഞമ്മളെങ്ങാനും അടുത്തുണ്ടെങ്കില്‍ യാതോരു മര്യാദയും ഇല്ലാതെ കരണക്കുറ്റിക്ക് അടിച്ച് പഠിപ്പിക്കുമായിരുന്നു’​ തുടങ്ങിയ രീതിയിലായിരുന്നു​ എം.എൽ.എയു​െട പ്രസംഗം. 

ഒക്ടോബര്‍ 22ന് എരഞ്ഞിമാവില്‍ വെൽഫെയർ പാർട്ടിയുടെ ഗെയില്‍വിരുദ്ധ ഐക്യദാര്‍ഢ്യസമ്മേളനം ഉദ്ഘാടനം ചെയ്യു​​േമ്പാൾ ശ്രീജ നടത്തിയ പ്രസംഗത്തിന്​ മറുപടിയെ​ന്നോണമാണ്​ എം.എൽ.എ മുക്കത്ത്​ സംസാരിച്ചത്​. ഉദ്​ഘാടന പ്രസംഗത്തിൽ ഗെയിൽ വിരുദ്ധ  സമരത്തിൽ മുഖ്യമന്ത്രി പിണറായി വിജയൻ ഏകാധിപത്യപരമായാണ്​ പെറുമാറുന്നതെന്ന്​ ശ്രീജ അഭിപ്രായപ്പെട്ടിരുന്നു. ജനാധിപത്യ സർക്കാറിന്​ യോജിച്ച നിലപാടല്ല സംസ്ഥാന സർക്കാറി​േൻറതെന്നും മോദിയുടെ ശൈലി പിന്തുടരാനാണ്​ പിണറായി വിജയൻ ശ്രമിക്കുന്നതെന്നും ശ്രീജ ആരോപിച്ചിരുന്നു. എം.എൽ.എയുടെ പ്രസംഗത്തി​നെതിരെ വ്യാപക പ്രതിഷേധമുയർന്നിട്ടുണ്ട്​. പ്രസംഗത്തി​​​െൻറ വിഡി​േയാ ക്ലിപ്പുകൾ സമൂഹ മാധ്യമങ്ങളിൽ പ്രചരിക്കുകയും വലിയ ചർച്ചകൾ നടക്കുകയും ചെയ്യുന്നുണ്ട്​. ഒന്നാംനൂറ്റാണ്ടിലെ പ്രാകൃതബോധത്തിന് കൈയും കാലും വെച്ചവനാണ് ജോർജെന്നും, ജനങ്ങളെ വോട്ടും വാങ്ങി ജയിച്ച ജനപ്രതിനിധി ഇത്ര ധിക്കാരത്തോടെ ഇങ്ങനെയൊക്കെ തറ നിലവാരത്തില്‍ പ്രസംഗിക്കാമോ തുടങ്ങിയവയാണ്​ സമൂഹ മാധ്യമങ്ങളിലെ പ്രധാന പരിഹാസം. 

എം.എൽ.എയുടെ പ്രസംഗത്തിനെതി​െ​ര ​​ശ്രീജ ​ഫേസ്​ബുക്കിൽ പ്രതികരിച്ചിരുന്നു. ഒരു പാർട്ടിയുടെ സംസ്ഥാന സെക്രട്ടറി എന്ന നിലയിലാണ്​ താൻ ജനകീയ സമരപ്പന്തലിലെത്തിയത്.  വിഷയവുമായി ബന്ധപ്പെട്ട് നടത്തിയ പ്രഭാഷണമാണ് എം.എൽ.എയു​െട ഭീഷണിക്ക്​ കാരണമായ​െതന്നാണ്​ മനസ്സിലാക്കുന്നത്​. രാഷ്​ട്രീയമായി സംവദിക്കാൻ എത്തുന്ന വനിത നേതാക്കളെ കരണക്കുറ്റിക്കടിക്കലാണോ എം.എൽ.എയായ താങ്കളുടെ പണി. ആ സമരപ്പന്തലിൽ ചെങ്കൊടിയുമേന്തി എത്തിയ നൂറു കണക്കിന് സഖാക്കളെ ഗെയിൽ പദ്ധതിയെ കുറിച്ച് ബോധ്യപ്പെടുത്താൻ ജോർജ്​ എം. തോമസിന്​ കഴിഞ്ഞിട്ടുണ്ടോ. അവരെയും  കരണക്കുറ്റിക്കടിക്കാൻ താങ്കൾ  ആഹ്വാനം ചെയ്യുമോ​'യെന്നും​ ​ശ്രീജ ഫേ​സ്​ബുക്​​ പോസ്​റ്റിലൂടെ ചോദിക്കുന്നുണ്ട്

സ്ത്രീത്വത്തെ അപമാനിച്ച ജോർജ് എം. തോമസ് എം.എൽ.എ മാപ്പ് പറയണം -വെൽഫെയർ പാർട്ടി
കോഴിക്കോട്​: വെൽഫെയർ പാർട്ടി സംസ്ഥാന സെക്രട്ടറി ശ്രീജ നെയ്യാറ്റിൻകരയുടെ കരണക്കുറ്റി അടിച്ച് പഠിപ്പിക്കുമെന്ന എം.എൽ.എയുടെ ഭീഷണി പ്രഖ്യാപനം സ്ത്രീത്വത്തെ അപമാനിക്കലാണെന്നും, പരസ്യമായി മാപ്പ് പറയണമെന്നും അല്ലാത്തപക്ഷം ബന്ധപ്പെട്ടവർ നിയമ നടപടി സ്വീകരിക്കണമെന്നും വെൽഫെയർ പാർട്ടി തിരുവമ്പാടി മണ്ഡലം കമ്മിറ്റി പ്രസ്​താവനയിൽ  ആവശ്യപ്പെട്ടു. തങ്ങൾക്കെതിരായ അഭിപ്രായങ്ങളെയും വീക്ഷണങ്ങളെയും ശാരീരികമായും കായികമായും കൈകാര്യം ചെയ്യുന്ന സി.പി.എമ്മി​​​െൻറ തനിനിറമാണ് എം.എൽ.എയുടെ പ്രഖ്യാപനത്തിലൂടെ പുറത്ത് വന്നിരിക്കുന്നതെന്ന്​ കമ്മിറ്റി അഭിപ്രായപ്പെട്ടു. മണ്ഡലം പ്രസിഡൻറ്​​ ചന്ദ്രൻ കല്ലുരുട്ടി അധ്യക്ഷത വഹിച്ചു. ലിയാഖത്ത് മുറമ്പാത്തി, അസീസ് തോട്ടത്തിൽ, സഫീറ കൊടിയത്തൂർ, സഫിയ ടീച്ചർ എന്നിവർ സംസാരിച്ചു.