സംഗീതാത്മകമായ ജനറ്റിക് കോഡ്

ജനറ്റിക് കോഡും അമിനോ ആസിഡുകളും ഇനി മെലഡിയായി പഠിക്കാം. ലോക്ഡൗണിൽ പരീക്ഷകളും മറ്റും നീണ്ടുപോയപ്പോൾ പ്ലസ്​ ടു, നീറ്റ് മെഡിക്കൽ പ്രവേശനപ്പരീക്ഷകൾ എഴുതുന്ന വിദ്യാർഥികൾക്ക് ജനറ്റിക് കോഡും അമിനോ ആസിഡുകളും അനായാസം ഹൃദിസ്​ഥമാക്കാൻ ‘ജനറ്റിക് കോഡ് മെലഡി’ക്ക് സംഗീതം പകർന്നത്​ ഇൻറ​േഗ്രറ്റഡ് ബി.എസ്​-എം.എസ്​(ഐസർ ഭോപാൽ) അവസാനവർഷ വിദ്യാർഥി ഫാസിൽ ഹമീദ് ആണ്​.

ഐസർ ഭോപാൽ, ഐ.ഐ.എം ബാംഗ്ലൂർ കാമ്പസുകളിൽ ചിത്രീകരിച്ച കവർസോങ്ങിന് ഓർക്കസ്​​േട്രഷൻ നൽകി ഈ വിദ്യാർഥി ആലപിച്ച പാട്ടി​​െൻറ ഓഡിയോ ലോഞ്ച് ചെയ്തത് ഐസർ ഭേപോൽ ഡയറക്ടർ ശിവ ഉമാപതിയും ഇന്ത്യയിലെ അറിയപ്പെടുന്ന സീനിയർ സയൻറിസ്​റ്റ്​ കങ്കൺ ഭട്ടാചാര്യയുമായിരുന്നു.

കൂട്ടുകാരനും, ഗിത്താറിസ്​റ്റുമായ സാദിഖുമായി ചേർന്ന് ‘ഖുദാഫിസ്​’ എന്ന പേരിൽ ഗസലി​െൻറ വേരുകൾ തേടിയുള്ള പാട്ടിന് ഈണം നൽകി ആലപിച്ചതാണ് ആദ്യ സംരംഭം. വളാഞ്ചേരി എം.ഇ.എസ്​ കെ.വി.എം കോളജ് പ്രിൻസിപ്പൽ ഡോ. അബ്​ദുൽ ഹമീദി​െൻറ മകനാണ് ഫാസിൽ.