'ആൺകുട്ടികളും പെൺകുട്ടികളും ഒരുമിച്ചിരുന്നാൽ എന്താണ് പ്രശ്നം?'; മുനീറിന് മറുപടിയുമായി മന്ത്രി ശിവൻ കുട്ടി

തിരുവനന്തപുരം: ജെൻഡർ ന്യൂട്രാലിറ്റി വിവാദത്തിൽ പ്രതികരണവുമായി പൊതുവിദ്യാഭ്യാസ മന്ത്രി വി. ശിവൻകുട്ടി. ആൺകുട്ടികളും പെൺകുട്ടികളും ഒരുമിച്ചിരുന്നാൽ എന്താണ് പ്രശ്നമെന്ന് ശിവൻകുട്ടി ചോദിച്ചു. മുൻ മന്ത്രി അടക്കമുള്ളവർ അവരുടെ മാനസികാവസ്ഥ തുറന്ന് കാട്ടുകയാണ്. ഇത് ലീഗിന്‍റെ പൊതുനിലപാടാണെന്ന് കരുതുന്നില്ലെന്നും ശിവൻകുട്ടി ചൂണ്ടിക്കാട്ടി.

ജെ​ൻ​ഡ​ർ ന്യൂ​ട്രാ​ലി​റ്റി​യു​ടെ കാ​ല​ത്ത് പ്രാ​യ​പൂ​ർ​ത്തി​യാ​യ പു​രു​ഷ​ൻ ആ​ൺ​കു​ട്ടി​യു​മാ​യി ലൈം​ഗി​ക ബ​ന്ധ​ത്തി​ൽ ഏ​ർ​പ്പെ​ട്ടാ​ൽ പോ​ക്സോ കേ​സെ​ടു​ക്കു​ന്ന​ത് എ​ന്തി​നാ​ണെ​ന്ന വി​ചി​ത്ര​വാ​ദ​വു​മാ​യി എം.​കെ. മു​നീ​ർ കഴിഞ്ഞ ദിവസം രംഗത്തെത്തിയിരുന്നു. ''മു​തി​ർ​ന്ന പു​രു​ഷ​നും ആ​ൺ​കു​ട്ടി​യു​മാ​യി ലൈം​ഗി​ക​ബ​ന്ധ​ത്തി​ലേ​ർ​പ്പെ​ട്ടാ​ൽ പോ​ക്സോ കേ​സെ​ടു​ക്കു​ന്ന​ത് എ​ന്തി​നാ​ണ്. അ​ത് ജെ​ൻ​ഡ​ർ ന്യൂ​ട്രാ​ലി​റ്റി​യ​ല്ലേ? അ​തി​ന്റെ പേ​രി​ലെ​ന്തി​നാ​ണ് പോ​ക്സോ കേ​സെ​ടു​ക്കു​ന്ന​ത്''-​വി​വാ​ദ പ്ര​സം​ഗ​ത്തി​ൽ മു​നീ​ർ ചോ​ദി​ച്ചു. ജെ​ൻ​ഡ​ർ ന്യൂ​ട്രാ​ലി​റ്റി ദു​രു​പ​യോ​ഗം ചെ​യ്യു​മെ​ന്നും ആ​ൺ​കു​ട്ടി​ക​ൾ​ക്കു​നേ​രെ പീ​ഡ​നം ഉ​ണ്ടാ​കു​മെ​ന്നും മു​നീ​ർ പ​റ​ഞ്ഞു.

''ഭൂ​രി​പ​ക്ഷം​വ​രു​ന്ന മ​ത​വി​ശ്വാ​സി​ക​ൾ​ക്കു​നേ​രെ​യു​ള്ള വെ​ല്ലു​വി​ളി​യാ​ണ് ജെ​ൻ​ഡ​ർ ന്യൂ​ട്രാ​ലി​റ്റി. പാ​ശ്ചാ​ത്യ രാ​ജ്യ​ങ്ങ​ൾ പോ​ലും ത​ള്ളി​ക്ക​ള​ഞ്ഞ ആ​ശ​യ​മാ​ണി​ത്. ലിം​ഗ​നീ​തി​യാ​ണ് ന​ട​പ്പാ​ക്കേ​ണ്ട​ത്. ജെ​ൻ​ഡ​ർ ന്യൂ​ട്രാ​ലി​റ്റി​യ​ല്ല. പൊ​ലീ​സു​കാ​ർ തൊ​ട്ട് ജ​ഡ്ജി​മാ​ർ​ക്കു മു​ന്നി​ൽ​വ​രെ സ്ത്രീ​ക​ൾ നീ​തി​ക്കാ​യി യാ​ചി​ച്ചു​നി​ൽ​ക്കു​ന്ന നാ​ടാ​ണ് കേ​ര​ളം. സെ​ലി​ബ്രി​റ്റി​ക​ൾ പോ​ലും നീ​തി​ക്കാ​യി കാ​ത്തു​കി​​ട​ക്കേ​ണ്ടി​വ​രു​ന്നു. പാ​ന്റ്സും ഷ​ർ​ട്ടു​മി​ട്ടാ​ൽ അ​വ​ർ​ക്ക് നീ​തി കി​ട്ടു​മെ​ന്ന് ഉ​റ​പ്പു​ണ്ടോ''-​മു​നീ​ർ ചോ​ദി​ച്ചു.

ജെ​ൻ​ഡ​ർ ന്യൂ​ട്രാ​ലി​റ്റി​ക്കെ​തി​രെ സം​സാ​രി​ച്ചാ​ൽ ത​ന്നെ ഇ​സ്‍ലാ​മി​സ്റ്റാ​യി ചി​ത്രീ​ക​രി​ക്കു​ന്നു. എ​ല്ലാ മ​ത​മൂ​ല്യ​ങ്ങ​ൾ​ക്കും എ​തി​രാ​ണ് ജെ​ൻ​ഡ​ർ ന്യൂ​ട്രാ​ലി​റ്റി. എ​ല്ലാ മ​ത​ങ്ങ​ൾ​ക്കും വേ​ണ്ടി​യാ​ണ് താ​ൻ സം​സാ​രി​ക്കു​ന്ന​ത്. അ​തു​കൊ​ണ്ട് താ​ൻ ഇ​സ്‍ലാ​മി​സ്റ്റും ക്രി​സ്ത്യാ​നി​യും ഹി​ന്ദു​വി​സ്റ്റു​മാ​ണെ​ന്ന് മു​നീ​ർ പ​റ​ഞ്ഞു. ലിം​ഗാ​വ​ബോ​ധ​വും ലിം​ഗ​നീ​തി​യു​മാ​ണ് ന​ട​പ്പാ​ക്കേ​ണ്ട​തെ​ന്നും അ​ദ്ദേ​ഹം വ്യ​ക്ത​മാ​ക്കി.

തുടർന്ന് പ​രാ​മ​ർ​ശം വി​വാ​ദ​മാ​യ​പ്പോ​ൾ വി​ശ​ദീ​ക​ര​ണ​വു​മാ​യി മു​നീ​ർ രം​ഗ​ത്തെ​ത്തി. ത​ന്റെ പ​രാ​മ​ർ​ശ​ങ്ങ​ൾ മാ​ധ്യ​മ​ങ്ങ​ൾ വ​ള​ച്ചൊ​ടി​ക്കു​ക​യാ​യി​രു​ന്നു​വെ​ന്നും പോ​ക്സോ കേ​സു​ക​ൾ നി​ല​നി​ൽ​ക്ക​ണ​മെ​ന്നു​ത​ന്നെ​യാ​ണ് താ​ൻ ഉ​ദ്ദേ​ശി​ച്ച​തെ​ന്നും ട്രാ​ൻ​സ്ജെ​ൻ​ഡ​റു​ക​ൾ​ക്കാ​യി നി​ല​കൊ​ണ്ട​യാ​ളാ​ണ് താ​നെ​ന്നും മു​നീ​ർ വിശദീകരിച്ചു.