ഗീവര്‍ഗീസ് മാര്‍ അത്തനാസിയോസ് സഫ്രഗന്‍ മെത്രാ​േപ്പാലീത്ത അന്തരിച്ചു

പത്തനംതിട്ട: മാര്‍ത്തോമ സുറിയാനി സഭ റാന്നി^നിലക്കല്‍ ഭദ്രാസനാധിപന്‍ ഗീവര്‍ഗീസ് മാര്‍ അത്തനാസിയോസ് സഫ്രഗന്‍ മെത്രാ​േപ്പാലീത്ത (73) അന്തരിച്ചു. വാർധക്യസഹജമായ അസുഖത്തെത്തുടർന്ന് എറണാകുളത്തെ സ്വകാര്യ ആശുപത്രിയിൽ ചികിത്സയിലായിരുന്നു. ബുധനാഴ്​ച പുലർച്ച 4.40നായിരുന്നു അന്ത്യം. കബറടക്കം വെള്ളിയാഴ്​ച രാവിലെ പത്തിന് ​തിരുവല്ലയിൽ. 

തിരുവല്ല നെടുമ്പ്രം മുളമൂട്ടില്‍ ചിറയിന്‍കണ്ടത്തില്‍ പരേതരായ സി.ഐ. ഇടിക്കുളയുടെയും ആച്ചിയമ്മയുടെയും മകനാണ്. സി.ഐ. ജോർജ് എന്നായിരുന്നു പേര്​. 1969 ജൂൺ 14ന് വൈദികനായി. 1989 ഡിസംബർ ഒമ്പതിന് ഡോ. അലക്‌സാണ്ടർ മാർത്തോമ മെത്രാ​േപ്പാലീത്ത മേൽപ്പട്ടസ്ഥാനത്തേക്ക് ഉയർത്തി. 2015 ഒക്ടോബർ രണ്ടിന് സഫ്രഗൻ മെത്രാ​േപ്പാലീത്തയായി.

 മികച്ച വാഗ്​മിയും കവിയുമാണ്. ആത്​മീയ പ്രവർത്തന ജീവിതത്തിനൊപ്പം പരന്ന വായനയിലും ശ്രദ്ധപുലർത്തിയ വ്യക്തിയാണ് ഇദ്ദേഹം. പരിസ്ഥിതി വിഷയങ്ങളിലും ഇടപെട്ടിരുന്നു. കവിതപോലുള്ള  പ്രഭാഷണങ്ങളായിരുന്നു മെത്രാ​േപ്പാലീത്തയുടെ പ്രത്യേകത. വായിച്ചതിൽനിന്നു പലതും കുറിച്ചു സൂക്ഷിക്കുകയും അവ പ്രഭാഷണങ്ങളിലും ലേഖനങ്ങളിലും ഉപയോഗിക്കുകയും ചെയ്തിരുന്നു. രോഗാവസ്ഥയിലും അറിവുകൾ തേടി പുതിയ പുസ്തകങ്ങൾ കണ്ടെത്തി വായിച്ചു. ഫൊട്ടോഗ്രഫിയോടും കമ്പമായിരുന്നു.

മുംബൈ-ഡൽഹി, കോട്ടയം-കൊച്ചി ഭദ്രാസനങ്ങളുടെ അധ്യക്ഷൻ, മാർത്തോമ വൈദിക സെമിനാരി ഗവേണിങ് ബോർഡ് ചെയർമാൻ, സൺഡേ സ്‌കൂൾ സമാജം പ്രസിഡൻറ്​, സുവിശേഷ പ്രസംഗസംഘം പ്രസിഡൻറ്​, നാഷനൽ മിഷനറി സൊസൈറ്റി പ്രസിഡൻറ്​ തുടങ്ങിയ നിലകളിൽ പ്രവർത്തിച്ചിട്ടുണ്ട്.