മാർത്തോമ സഭ സഫ്രഗൻ മെത്രാപ്പൊലീത്ത ഗീവർഗീസ്​ മാർ അത്തനാസിയോസ്​ അന്തരിച്ചു

കൊച്ചി: മാർത്തോമ സുറിയാനി സഭ സഫ്രഗൻ മെത്രാപ്പോലീത്ത ഗീവർഗീസ് മാർ അത്തനാസിയോസ് അന്തരിച്ചു. 74 വയസ്സായിരുന്നു. മാർത്തോമ സഭയുടെ റാന്നി നിലക്കൽ ഭദ്രാസന അധിപനായിരുന്നു. ഏറെ നാളായി വൃക്ക സംബന്ധമായ അസുഖങ്ങളെ തുടർന്ന്​ ചികിത്​സയിലായിരുന്നു. ഇന്ന്​ പുലർച്ചെ നാലയോടെ കൊച്ചിയിലെ സ്വകാര്യ ആശുപത്രിയിൽ ചികിത്സയിലിരിക്കെയാണ്​ അന്ത്യം. 

തിരുവല്ല നെടുമ്പ്രം മുളമൂട്ടില്‍ ചിറയില്‍കണ്ടത്തില്‍ പരേതരായ സി.ഐ.ഇടിക്കുളയുടെയും ആച്ചിയമ്മയുടെയും മകനാണ് ഗീവര്‍ഗീസ് മാര്‍ അത്തനാസിയോസ്.  

റാന്നി-നിലയ്ക്കല്‍ ഭദ്രാസനാധ്യക്ഷനായ ഗീവര്‍ഗീസ് മാര്‍ അത്തനാസിയോസ്  1969 ജൂണ്‍ 14 നാണ്​ വൈദികനായത്​. 1989 ഡിസംബര്‍ 9 ന് ഡോ.അലക്സാണ്ടര്‍ മാര്‍ത്തോമ്മാമെത്രാപ്പോലീത്ത മേല്‍പ്പട്ടസ്ഥാനത്തേക്ക് ഉയര്‍ത്തി. 2015 ഒക്ടോബറിലാണ് സഫ്രഗന്‍ മെത്രാപ്പൊലീത്തയായി ഉയര്‍ത്തപ്പെട്ടത്. 

മുംബൈ, ഡല്‍ഹി, കോട്ടയം, കൊച്ചി ഭദ്രാസനങ്ങളുടെ അധ്യക്ഷന്‍, മാര്‍ത്തോമ്മാ വൈദിക സെമിനാരി ഗവേണിങ് ബോര്‍ഡ് ചെയര്‍മാന്‍, നാഷണല്‍ മിഷനറി സൊസൈറ്റി പ്രസിഡൻറ്​ എന്നീ സ്ഥാനങ്ങളില്‍ ഇരുന്നിട്ടുണ്ട്. വെള്ളിയാഴ്​ച 10 മണിക്ക്​ തുടങ്ങുന്ന സംസ്​കാരചടങ്ങിൽ മറ്റ്​ സഭാധ്യക്ഷൻമാരും പ​െങ്കടുക്കും.