തുള്ളൽകലയെ ജനകീയമാക്കിയ കലാപ്രതിഭാശാലി

തൃശൂർ: തുള്ളൽകലയെ ഇത്രമേൽ ജനകീയമാക്കിയതിൽ കലാമണ്ഡലം ഗീതാനന്ദ​​െൻറ പങ്ക് നിർണായകമാണ്. കൈവെച്ച എല്ലാമേഖലയെയും വിജയിപ്പിക്കാനായ ഗീതാനന്ദൻ കലയിലെ പ്രതിഭാശാലിയാണ്. തുള്ളലിനെ ഇന്നത്തെ നിലവാരത്തിലേക്ക് ഉയർത്തുന്നത് ശ്രമകരമായ ദൗത്യമായിരുന്നു. വെല്ലുവിളിയോടെയും ഏറെ പ്രതിസന്ധികളെയും അതിജീവിച്ചായിരുന്നു അതിനുള്ള ഗീതാനന്ദ​​െൻറ പരിശ്രമം. എല്ലാ തടസ്സങ്ങളെയും അതിജീവിച്ച് ഗീതാനന്ദൻ അതിൽ വിജയിക്കുകയും ചെയ്തു. 

എല്ലാ വിഭാഗം ആളുകളും ഗീതാനന്ദനെ ഇഷ്​ടപ്പെട്ടിരുന്നു. കലാകാരൻ മനസ്സിലും പ്രവൃത്തിയിലും കാത്ത് സൂക്ഷിക്കേണ്ട നന്മയും വിശുദ്ധിയും വാക്കിലും നോക്കിലും പ്രവൃത്തിയിലും പാലിച്ച അതുല്യ വ്യക്​തിയായിരുന്നു. കലയോടും കലാകാരനോടും ചെയ്യുന്ന പ്രവൃത്തികളോടുമുള്ള നീതി പ്രവർത്തനം വിജയിപ്പിക്കാൻ വേണ്ടി ഏതറ്റം വരെയുമുള്ള പരിശ്രമവും ഗീതാനന്ദ​​െൻറ പ്രത്യേകതയായിരുന്നു. എല്ലാവർക്കും തൃപ്തികരമാവുന്നതായിരുന്നു അദ്ദേഹത്തി​െൻറ കലാസപര്യ. 

വിദ്യാർഥികൾ ഗീതാനന്ദ​​െൻറ ശിഷ്യത്വം സ്വീകരിക്കാൻ മത്സരിക്കുന്നത് കണ്ട് അത്ഭുതപ്പെട്ടിട്ടുണ്ട്. കലോത്സവ മത്സരത്തിനും അതിൽ ലഭിക്കുന്ന ഗ്രേസ്മാർക്കിനും വേണ്ടിയായിരുന്നില്ല അത്. ശിഷ്യരോടും കലയോടും ഗുരുനാഥൻ എന്ന നിലയിലും കലാകാരൻ എന്ന നിലയിലും കാണിക്കുന്ന ആത്മാർഥതയായിരുന്നു അതി​െൻറ കാരണം. സിനിമാ സീരിയൽ രംഗത്തും ത​​െൻറ കഴിവ് പ്രകടമാക്കിയ ഗീതാനന്ദൻ കടന്നു പോവുന്നത് തുള്ളൽ കലക്ക് മാത്രമല്ല, കലാലോകത്തിനും,കലാപ്രേമികൾക്കും, കലാകാരന്മാർക്കും പരിഹരിക്കാനാവാത്ത നഷ്​ടമാവും.