ഗെയിൽ സമരവുമായി ബന്ധപ്പെട്ട് 33 പേർ ​ റിമാൻഡിൽ

കോഴിക്കോട്​: ഗെയിൽ സമരവുമായി ബന്ധപ്പെട്ട്​ ബുധനാഴ്​ചയുണ്ടായ സംഭവങ്ങളിൽ ​ 33 പേർ ​ റിമാൻഡിൽ. മുക്കം, അരീക്കോട്​ പൊലീസ്​ രജിസ്​റ്റർ ചെയ്​ത കേസിലാണ്​ നടപടി.. മുക്കം പൊലീസ്​ അറസ്​റ്റുചെയ്​ത 21 പേരെയും അരീ​േക്കാട്​ സ്​റ്റേഷനിലെത്തിച്ചിരുന്ന 14ൽ 12  പേരെയുമാണ്​ റിമാൻഡ്​ ചെയ്​തത്​. രണ്ടുപേരെ പ്രായപൂർത്തിയാകാത്തതിനാൽ താക്കീതുനൽകി വിട്ടയക്കുകയായിരുന്നു. 

മുക്കം പൊലീസ്​ സ്​റ്റേഷൻ സംഘടിതമായി ആ​ക്രമിക്കാൻ ശ്രമിച്ചു, ഗെയിലി​​​െൻറയും പൊലീസി​‍​​െൻറയും വാഹനങ്ങളും കെ.എസ്​.ആർ.ടി.സി ബസുകളും തകർത്തു, പൊലീസി​​​െൻറ കൃത്യനിർവഹണം തടസ്സപ്പെടുത്തുകയും ആക്രമണം നടത്തുകയും ചെയ്​തു തുടങ്ങിയ  കുറ്റങ്ങളാണ്​ ഇവർക്കെതിരെ ചുമത്തിയത്​. ഇൗ സംഭവങ്ങളിൽ കണ്ടാലറിയാവുന്ന 800ഒാളം പേർക്കെതിരെ കേസെടുത്തിട്ടുണ്ട്​.അതിനിടെ വ്യാഴാഴ്​ച രാവിലെയോടെ സമരാനുകൂലികളും പൊലീസുമായുണ്ടായ സംഘർഷത്തി​​​െൻറ ഭാഗമായി    വിവിധയിടങ്ങളിൽവെച്ച്​ പത്തോളം പേരെ പൊലീസ്​ കസ്​റ്റഡിയിലെടു​െത്തങ്കിലും ആരുടെയും അറസ്​റ്റ് ​രേഖപ്പെടുത്തിയിട്ടില്ല എന്നാണ്​ വിവരം.

ഗെയിൽസമരത്തിനെതിരെ നടപടി തുടരാനും പ്രവൃത്തിക്ക്​ സംരക്ഷണം നൽകാനും പൊലീസ്​ തീരുമാനം. സർക്കാറി​​​െൻറ ഭാഗത്തുനിന്ന്​ ഇതുമായി ബന്ധപ്പെട്ട നിർദേശമൊന്നും ലഭിക്കാത്ത പശ്ചാത്തലത്തിൽ സമരത്തെ സംയമനത്തോടെ നേരിടുമെന്ന്​ വടകര റൂറൽ എസ്​.പി എം.​െക. പുഷ്​കരൻ ‘മാധ്യമ’ത്തോട്​ പറഞ്ഞു. ഗെയിൽ സമരം നടന്ന പ്രദേശങ്ങളിൽ 300​േലറെ പൊലീസുകാർ ക്യാമ്പ്​ ചെയ്യുന്നുണ്ട്​ -അദ്ദേഹം കൂട്ടിച്ചേർത്തു. 

നെല്ലിക്കാപറമ്പിൽ പൊലീസ്​ സംഘം വീട് വളയുന്നു

 

സംഘർഷമുണ്ടായത്​ ചിലരുടെ ഇടപെടലിനാലെന്ന്​ റിപ്പോർട്ട്​ 
കോഴിക്കോട്​: ഗെയിൽസമരം സംഘർഷത്തിൽ കലാശിച്ചത്​ തീവ്രവാദസ്വഭാവമുള്ള സംഘടനകളിലെ ചിലരുടെ ഇടപെടലി​െനതുടർന്നെന്ന്​ സ്​പെഷൽ ​ബ്രാഞ്ച്​ റിപ്പോർട്ട്​. സമാധാനപരമായ സമരത്തിൽ ഇക്കൂട്ടർ നുഴഞ്ഞുകയറിയതാണ്​ പ്രശ്​നം സങ്കീർണമാക്കിയത്​​. സാധാരണരീതിയിൽ എരഞ്ഞിമാവിൽ സമരം നടക്കുന്നതിനിടെ ഗെയിലി​​​െൻറ വാഹനത്തിനുനേരെ ചിലർ കല്ലെറിയുകയായിരുന്നു. ഇതുമായി ബന്ധപ്പെട്ട്​ ​പൊലീസ്​ നടപടിക്കെതിരെ ഉണ്ടായ പ്രതിഷേധപരിപാടികളിൽ ചിലർ നുഴഞ്ഞുകയറുകയാണുണ്ടായത്​. കസ്​റ്റഡിയിലെടുത്തവ​െ​ര വിട്ടയക്കണമെന്നാവശ്യപ്പെട്ട്​ എം.​െഎ. ഷാനവാസ്​ എം.പി അടക്കമുള്ള നേതാക്കൾ മുക്കം സ്​റ്റേഷനുമുന്നിൽ എത്തിയപ്പോൾ സ്​റ്റേഷനടുത്തെത്തി പ്രശ്​നം ആളിക്കത്തിക്കാൻ സമൂഹമാധ്യമങ്ങളിലൂടെ പ്രചാരണം ഉണ്ടായി എന്നാണ്​ റിപ്പോർട്ടിൽ വ്യക്​തമാക്കുന്നത്​. വൈകീ​േട്ടാടെ സ്​റ്റേഷനുമുന്നിൽ സംഘടി​െച്ചത്തിയവരെ ഒഴിപ്പിച്ചില്ലെങ്കിൽ സ്​റ്റേഷൻ ആക്രമി​ക്കാൻ സാധ്യതയുണ്ടായിരുന്നുവെന്നും റിപ്പോർട്ട്​ ചൂണ്ടിക്കാട്ടുന്നു. അതേസമയം, പൊലീസ്​ സംശയിക്കുന്ന തീ​വ്രവാദസ്വഭാവമുള്ള സംഘടനകൾ ഏതൊക്കെയെന്ന ചോദ്യത്തിന്​ അത്​ അ​േന്വഷിക്കുകയാണ്​ എന്നാണ്​ ഉന്നത പൊലീസ്​ ഉദ്യോഗസ്​ഥൻ വ്യക്​തമാക്കിയത്​. 

ഗെയിൽ പൈപ്പ്​ പ്രക്ഷോഭത്തിന്​ പിന്നിൽ തൽപര കക്ഷികളുണ്ടോ എന്ന്​ അന്വേഷിക്കും -ഡി.ജി.പി
ഗുരുവായൂർ: ഗെയിൽ വാതക പൈപ്പ് ലൈനിനെതിരെ മുക്കത്ത് നടന്ന പ്രക്ഷോഭത്തിന്  പിന്നിൽ തൽപര കക്ഷികളുണ്ടോയെന്ന് അന്വേഷിക്കുമെന്ന് ഡി.ജി.പി ലോക്​നാഥ് ബെഹ്റ. ഗുരുവായൂരിൽ മാധ്യമപ്രവർത്തകരോട്​ സംസാരിക്കുകയായിരുന്നു ബെഹ്റ. സംഭവത്തെ കുറിച്ച് ഉത്തരമേഖല ഡി.ജി.പിയോടും ഇൻറലിജൻസ് വിഭാഗത്തിനോടും റിപ്പോർട്ട് ആവശ്യപ്പെട്ടിട്ടുണ്ട്.  ഗെയിൽ കേരളത്തി​​​െൻറ വികസനത്തിനുള്ള പദ്ധതിയാണ്. ഇതിന് സംരക്ഷണം നൽകുന്നത് പൊലീസി​​​െൻറ ചുമതലയാണെന്നും ബെഹ്റ പറഞ്ഞു.