ഗവാസ്​കറും കുടുംബവും മുഖ്യമന്ത്രിയെ കണ്ടു; അന്വേഷണം നല്ലരീതിയിലെന്ന് പിണറായി

തിരുവനന്തപുരം: എ.ഡി.ജി.പി സുദേഷ്കുമാറി​​​െൻറ മകളുടെ മർദനമേറ്റ പൊലീസ് ഡ്രൈവർ ഗവാസ്കറും ഭാര്യയും മുഖ്യമന്ത്രി പിണറായി വിജയനെ കണ്ടു. ആശുപത്രി വിടു​േമ്പാൾ തന്നെ വന്ന്​ കാണണമെന്ന മുഖ്യമന്ത്രിയുടെ നിർ​േദശപ്രകാരമാണ് ഇരുവരും ചൊവ്വാഴ്​ച ഓഫിസിലെത്തി അദ്ദേഹവുമായി കൂടിക്കാഴ്​ച നടത്തിയത്​. ​

േകസന്വേഷണം സംബന്ധിച്ച ആശങ്ക ഗവാസ്​കർ പ്രകടിപ്പിച്ചെങ്കിലും അന്വേഷണം നല്ല രീതിയിൽ മുന്നോട്ടുപോകുന്നുണ്ടെന്നും ഗവാസ്കർക്ക് ഒരു പ്രശ്നവും ഉണ്ടാകില്ലെന്നും മുഖ്യമന്ത്രി ഉറപ്പുനൽകി. പേഴ്സനൽ സ്​റ്റാഫിനെയോ പൊലീസ് ഉദ്യോഗസ്ഥരെയോ കൂടിക്കാഴ്​ചസമയത്ത്​ മുഖ്യമന്ത്രിയുടെ ഒാഫിസ്​മുറിയിൽ പ്രവേശിപ്പിച്ചില്ല. എ.ഡി.ജി.പിയുടെ മകൾക്കെതിരായ നിയമ നടപടിയുമായി ശക്തമായി മുന്നോട്ടുപോകാനുള്ള തീരുമാനത്തിലാണ്​ ഗവാസ്​കർ. കേസന്വേഷണം നീട്ടിക്കൊണ്ടുപോകാനുള്ള ശ്രമവും അണിയറയിൽ പുരോഗമിക്കുകയാണ്​. ഗവാസ്​കർക്കെതിരെ പുതിയ പരാതി ഉന്നയിക്കാനും എ.ഡി.ജി.പി ശ്രമം നടത്തുന്നുണ്ട്​​. കേസ്​ ഒത്തുതീർപ്പാക്കാനുള്ള ശ്രമവും നടക്കുന്നതായാണ്​ വിവരം.  

ഒമ്പത്​ ദിവസത്തെ ചികിത്സക്കുശേഷം കഴിഞ്ഞ ദിവസമാണ്​ ഗവാസ്കർ ആശുപത്രി വിട്ടത്. എന്നാൽ, കഴുത്തിനേറ്റ സാരമായ പരിക്കുകാരണം എഴുന്നേൽക്കുമ്പോൾ ഇപ്പോഴും തലകറക്കം ഉണ്ട്. അതിനാൽ ആയുർവേദചികിത്സ തേടാൻ ഒരുങ്ങുകയാണ്. പൂജപ്പുര പഞ്ചകർമ ഇൻസ്​റ്റിറ്റ്യൂട്ടിൽ ചികിത്സ നേടും. അടുത്തമാസം നാലുവരെ അവധിയിലാണ്. തനിക്കെതിരായ കള്ളക്കേസ് റദ്ദാക്കണമെന്ന ഗവാസ്കറുടെ ഹരജി ഹൈ​േകാടതി പരിഗണിക്കുന്നതും അന്നാണ്.  

അതേസമയം, എ.ഡി.ജി.പിയുടെ മകൾ ഗവാസ്കറെ  മർദിച്ച കേസ് അന്വേഷിക്കുന്ന ക്രൈംബ്രാഞ്ച് സംഘം ഒത്തുകളി തുടരുകയാണ്. ക്രൈംബ്രാഞ്ച് എസ്.പി  പ്രശാന്തൻ കാണിയുടെ നേതൃത്വത്തിലുള്ള സംഘമാണ് അന്വേഷണം നടത്തുന്നത്. ഗവാസ്​ക​െറ അറസ്​റ്റ്​ ചെയ്യുന്നത്​ ഹൈകോടതി തടഞ്ഞിട്ടുണ്ടെങ്കിലും എ.ഡി.ജി.പിയുടെ മകൾ അത്തരത്തിലൊരു കോടതിവിധി സമ്പാദിച്ചിട്ടില്ല. എ.ഡി.ജി.പിയുടെ മകൾക്കെതിരെ ജാമ്യമില്ലാവകുപ്പുപ്രകാരം എടുത്ത കേസിൽ രണ്ടാഴ്ചയായിട്ടും അറസ്​റ്റ്​ ചെയ്യാനോ വിളിച്ചുവരുത്തി ചോദ്യംചെയ്യാനോ അന്വേഷണസംഘം തയാറായിട്ടില്ല.

ജാതി പറഞ്ഞ് അധിക്ഷേപിച്ചെന്ന പുതിയ ആരോപണം എ.ഡി.ജി.പിയും മകളും ഗവാസ്​കർക്കെതിരെ ഉന്നയിച്ചിട്ടുണ്ട്​. അതിനാൽ  നിയമനടപടിയുമായി മുന്നോട്ടുപോയാൽ ഗവാസ്​കർക്കെതിരെ കേസ് എടുപ്പിക്കുമെന്ന സൂചനയാണ്​ നൽകിയിട്ടുള്ളത്​. അതിനിടെ എ.ഡി.ജി.പിയുടെ മകൾ മുമ്പ്​ മറ്റൊരു ഡ്രൈവ​െറയും മർദിച്ചതായ ആരോപണം പുറത്തുവന്നിട്ടുണ്ട്​. ത​​​െൻറ കേസിൽ സാക്ഷിയായി ഇൗ ഡ്രൈവർ മൊഴി നൽകുമെന്ന്​ ഗവാസ്​കർ പറയു​േമ്പാഴും മൊഴി രേഖപ്പെടുത്താനുള്ള ഒരു നടപടിയും അന്വേഷണസംഘം കൈക്കൊണ്ടിട്ടില്ല.