ഗൗരി നേഹ: അധ്യാപകരെ തിരിച്ചെടുത്തത് ജാമ്യം ലഭിച്ചതിനാലെന്ന് മാനേജ്മെന്‍റ്

കൊ​ല്ലം: ട്രി​നി​റ്റി ലൈ​സി​യം സ്കൂ​ൾ വി​ദ്യാ​ർ​ഥി​നി ഗൗ​രി നേ​ഹ സ്കൂൾ കെട്ടിടത്തിൽനിന്ന് ചാടി ആത്മഹത്യ ചെയ്ത സംഭവത്തിൽ കുറ്റക്കാരായ അ​ധ്യാ​പ​ക​ർ​ക്ക് പി​ന്തു​ണ​യു​മാ​യി സ്കൂ​ൾ മാ​നേ​ജ്മെ​ന്‍റ്.  കോ​ട​തി കു​റ്റ​ക്കാ​രാ​യി വി​ധി​ച്ചാ​ൽ മാ​ത്ര​മേ അ​ധ്യാ​പ​ക​ർ​ക്കെ​തി​രെ ന​ട​പ​ടി​യെ​ടു​ക്കാ​ൻ ക​ഴി​യൂവെ​ന്നും ജാമ്യം ലഭിച്ചതിനാലാണ് അധ്യാപകരെ തിരിച്ചെടുത്തതെന്നും മാ​നേ​ജ്മെ​ന്‍റ് വ്യ​ക്ത​മാ​ക്കി. 

സ​സ്പെ​ൻ​ഷ​നി​ലാ​യി​രു​ന്ന അ​ധ്യാ​പി​ക​മാ​രെ ക​ഴി​ഞ്ഞ ദി​വ​സം സ്കൂ​ൾ തി​രി​ച്ചെ​ടു​ത്തി​രു​ന്നു. കേ​ക്ക് ന​ൽ​കി​യാ​ണ് സി​ന്ധു പോ​ൾ, ക്ര​സ​ന്‍റ് എ​ന്നീ അ​ധ്യാ​പി​ക​മാ​രെ മാ​നേ​ജ്മെ​ന്‍റ് സ്വീ​ക​രി​ച്ച​ത്. എന്നാൽ കേക്ക് മുറിച്ചതിനെ കുറിച്ച് അറിയില്ലെന്നാണ് മാനേജ്മെന്‍റിന്‍റെ പ്രതികരണം. അധ്യാപകർ മാനേജ്മെന്‍റിന്‍റെ അറിവോടെയല്ല കേക്ക് മുറിച്ചതെന്ന് വിദ്യാഭ്യാസ വകുപ്പിന് മാനേജ്മെന്‍റ് വിശദീകരണം നൽകി. സംഭവം വിവാദമായപ്പോൾ അധ്യാപകരോട് ലീവിൽ പോകാൻ ആവശ്യപ്പെട്ടിരിക്കുകയാണ്.  

അതേസമയം, സ​സ്പെ​ൻ​ഷ​ൻ കാ​ല​യ​ള​വി​ലെ ആ​നു​കൂ​ല്യ​ങ്ങ​ളും ശ​മ്പള​വും അ​ധ്യാ​പ​ക​ർ​ക്ക് ന​ൽ​കിയ സംഭവം വിവാദമായിട്ടുണ്ട്. 

ഒ​ക്ടോ​ബ​ർ 20ന് ​സ്കൂ​ൾ കെ​ട്ടി​ട​ത്തി​ന്‍റെ മൂ​ന്നാം നി​ല​യി​ൽ​നി​ന്ന് ചാ​ടി​യാണ് ഗൗരി ആത്മഹത്യ ചെയ്തത്. അ​ധ്യാ​പി​ക​മാ​രു​ടെ ശ​കാ​ര​ത്തെ​ത്തു​ട​ർ​ന്ന് മ​നം​നൊ​ന്താ​ണ് ഗൗ​രി ആ​ത്മ​ഹ​ത്യ ചെ​യ്ത​തെ​ന്ന് വി​ല​യി​രു​ത്തി കൊ​ല്ലം വെ​സ്റ്റ് പോ​ലീ​സ് ഇ​വ​ർ​ക്കെ​തി​രെ ആ​ത്മ​ഹ​ത്യാ പ്രേ​ര​ണ​ക്കു​റ്റ​മു​ൾ​പ്പെ​ടെ ചു​മ​ത്തി കേ​സെ​ടു​ക്കു​ക​യാ​യി​രു​ന്നു. ഇ​തേ​തു​ട​ർ​ന്നാ​ണ് അ​ധ്യാ​പ​ക​രെ സ​സ്പെ​ൻ​ഡ് ചെ​യ്യാ​ൻ മാ​നേ​ജ്മെ​ന്‍റ്നി​ർ​ബ​ന്ധി​ത​രാ​യ​ത്. 

സ​സ്പെ​ൻ​ഷ​നി​ലാ​യി​രു​ന്ന അ​ധ്യാ​പി​ക​മാ​രെ ക​ഴി​ഞ്ഞ ദി​വ​സം ട്രി​നി​റ്റി സ്കൂ​ൾ തി​രി​ച്ചെ​ടു​ത്തി​രു​ന്നു. കേ​ക്ക് ന​ൽ​കി​യാ​ണ് സി​ന്ധു പോ​ൾ, ക്ര​സ​ന്‍റ് എ​ന്നീ അ​ധ്യാ​പി​ക​മാ​രെ മാ​നേ​ജ്മെ​ന്‍റ് സ്വീ​ക​രി​ച്ച​ത്.