പെരുമാറ്റച്ചട്ടത്തിന്റെ പേരിൽ മാലിന്യനീക്ക കരാർ സ്തംഭിക്കരുത്​ -ഹൈകോടതി

കൊ​ച്ചി: തെ​ര​ഞ്ഞെ​ടു​പ്പ് പെ​രു​മാ​റ്റ​ച്ച​ട്ട​ത്തി​ന്റെ പേ​രി​ൽ സം​സ്ഥാ​ന​ത്തെ മാ​ലി​ന്യ​നീ​ക്ക​വു​മാ​യി ബ​ന്ധ​പ്പെ​ട്ട ക​രാ​ർ ന​ട​പ​ടി​ക​ൾ സ്തം​ഭി​ക്ക​രു​തെ​ന്ന് ഹൈ​കോ​ട​തി. മാ​ലി​ന്യ​നീ​ക്കം അ​ടി​യ​ന്ത​ര ആ​വ​ശ്യ​മാ​ണ്. തെ​ര​ഞ്ഞെ​ടു​പ്പി​ന്റെ പേ​രി​ൽ ഇ​ത്​ ത​ട​സ്സ​പ്പെ​ട്ടാ​ൽ കോ​ട​തി​ക്ക്​ ഇ​ട​പെ​ടേ​ണ്ടി​വ​രു​മെ​ന്നും ജ​സ്റ്റി​സ് ബെ​ച്ചു കു​ര്യ​ൻ തോ​മ​സ്, ജ​സ്റ്റി​സ് പി. ​ഗോ​പി​നാ​ഥ് എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ച് വ്യ​ക്ത​മാ​ക്കി. ബ്ര​ഹ്മ​പു​രം പ്ലാ​ന്റി​ലെ അ​ഗ്​​നി​ബാ​ധ​യും മാ​ലി​ന്യ നീ​ക്ക​വു​മാ​യി ബ​ന്ധ​പ്പെ​ട്ട്​ സ്വ​മേ​ധ​യാ സ്വീ​ക​രി​ച്ച ഹ​ര​ജി​യി​ലാ​ണ്​ കോ​ട​തി​യു​ടെ നി​ർ​ദേ​ശം.

മാ​ലി​ന്യ​പ്ര​ശ്ന​വു​മാ​യി ബ​ന്ധ​പ്പെ​ട്ട് കോ​ട​തി​യി​ൽ ഓ​ൺ​ലൈ​നാ​യി ഹാ​ജ​രാ​യ ത​ദ്ദേ​ശ​ഭ​ര​ണ അ​ഡീ. ചീ​ഫ് സെ​ക്ര​ട്ട​റി ശാ​ര​ദ മു​ര​ളീ​ധ​ര​ൻ പെ​രു​മാ​റ്റ​ച്ച​ട്ടം നി​ല​വി​ൽ​വ​ന്ന​താ​യും അ​ടി​യ​ന്ത​ര ആ​വ​ശ്യ​ങ്ങ​ൾ തെ​ര​ഞ്ഞെ​ടു​പ്പ് ക​മീ​ഷ​ന്റെ അ​നു​മ​തി​യോ​ടെ ന​ട​പ്പാ​ക്കാ​നാ​കു​മെ​ന്നും കോ​ട​തി​യെ അ​റി​യി​ച്ചു.

ഈ ​ഘ​ട്ട​ത്തി​ലാ​ണ്​ മാ​ലി​ന്യ​നീ​ക്ക​ത്തി​ന്​ ത​ട​സ്സ​മു​ണ്ടാ​ക​രു​തെ​ന്ന പ​രാ​മ​ർ​ശം കോ​ട​തി​യി​ൽ​നി​ന്നു​ണ്ടാ​യ​ത്. സ്ഥാ​നാ​ർ​ഥി​ക​ളു​ടെ പ്ര​ചാ​ര​ണ​ത്തി​ന് നി​രോ​ധി​ത ഫ്ല​ക്സും പ്ലാ​സ്റ്റി​ക് ഉ​ൽ​പ​ന്ന​ങ്ങ​ളും ഉ​പ​യോ​ഗി​ക്കു​ന്നി​ല്ലെ​ന്ന് ത​ദ്ദേ​ശ​വ​കു​പ്പ് ഉ​റ​പ്പാ​ക്ക​ണം. ബ്ര​ഹ്മ​പു​രം പ്ലാ​ന്റി​ലെ മാ​ലി​ന്യ സം​സ്ക​ര​ണ ന​ട​പ​ടി​ക​ൾ നി​ല​വി​ൽ പ്ര​ശം​സ​നീ​യ​മാ​യ രീ​തി​യി​ലാ​ണു​ള്ള​ത്. അ​തേ​സ​മ​യം, തീ​പി​ടി​ത്ത​മു​ണ്ടാ​കു​മ്പോ​ൾ ഫ​യ​ർ​എ​ൻ​ജി​നു​ക​ൾ​ക്ക് സു​ഗ​മ​മാ​യി നീ​ങ്ങാ​ൻ ബ്ര​ഹ്മ​പു​ര​ത്ത്​ നി​ല​വി​ൽ അ​സൗ​ക​ര്യ​മു​ണ്ട്. ഇ​തി​ന് ഉ​ട​ൻ താ​ൽ​ക്കാ​ലി​ക പാ​ത​ക​ളെ​ങ്കി​ലും സ​ജ്ജ​മാ​ക്ക​ണം.

മാ​ലി​ന്യ​ങ്ങ​ൾ ഞെ​രു​ക്കി​യൊ​തു​ക്കു​ന്ന 13 റെ​ഫ്യൂ​സ് കോം​പാ​ക്ട​റു​ക​ളും ത​ക​രാ​റി​ലാ​ണെ​ന്ന്​ ക​ഴി​ഞ്ഞ ദി​വ​സം പ്ലാ​ന്റ് സ​ന്ദ​ർ​ശി​ച്ച ബെ​ഞ്ചി​ലെ ര​ണ്ട്​ ജ​ഡ്​​ജി​മാ​രും ചൂ​ണ്ടി​ക്കാ​ട്ടി. റെ​ഫ്യൂ​സ് കോം​പാ​ക്ട​റു​ക​ളി​ൽ 11 എ​ണ്ണം ന​ന്നാ​ക്കി​യെ​ടു​ക്കാ​മെ​ന്ന് ശാ​ര​ദ മു​ര​ളീ​ധ​ര​ൻ അ​റി​യി​ച്ചു. ബ്ര​ഹ്മ​പു​ര​ത്ത് ത​ള്ളി​യ 686 ട​ൺ കെ​ട്ടി​ട മാ​ലി​ന്യ​ങ്ങ​ൾ എ​ന്തു​ചെ​യ്യാ​നാ​കു​മെ​ന്ന് ആ​ലോ​ചി​ക്ക​ണ​മെ​ന്നും കോ​ട​തി പ​റ​ഞ്ഞു. റെ​യി​ൽ​വേ ട്രാ​ക്കി​ലും സ​മീ​പ​ത്തെ ച​തു​പ്പു​ക​ളി​ലും കു​മി​ഞ്ഞു​കൂ​ടു​ന്ന പ്ലാ​സ്റ്റി​ക് മാ​ലി​ന്യ​ങ്ങ​ൾ നീ​ക്കം​ചെ​യ്യാ​ൻ ന​ട​പ​ടി​ക​ൾ​ക്കാ​യി റെ​യി​ൽ​വേ അ​ട​ക്കം വ​കു​പ്പു​ക​ളു​ടെ യോ​ഗം വി​ളി​ച്ചി​ട്ടു​ണ്ടെ​ന്ന് അ​ഡീ. ചീ​ഫ് സെ​ക്ര​ട്ട​റി അ​റി​യി​ച്ചു.

ജ​ന​ങ്ങ​ളും ഇ​ക്കാ​ര്യ​ത്തി​ൽ ഉ​ത്ത​ര​വാ​ദി​ത്തം കാ​ട്ട​ണ​​മെ​ന്ന്​ വ്യ​ക്ത​മാ​ക്കി​യ കോ​ട​തി, ദ​ക്ഷി​ണ റെ​യി​ൽ​വേ ജ​ന​റ​ൽ മാ​നേ​ജ​രെ കേ​സി​ൽ ക​ക്ഷി​ചേ​ർ​ക്കാ​ൻ നി​ർ​ദേ​ശി​ച്ചു. ബീ​ച്ചു​ക​ളി​ൽ പ്ലാ​സ്റ്റി​ക് വ്യാ​പി​ക്കു​ന്ന കാ​ര്യ​വും ജ​സ്റ്റി​സ് ബെ​ച്ചു ചൂ​ണ്ടി​ക്കാ​ട്ടി. തീ​ര​ശു​ചീ​ക​ര​ണ​ത്തി​ന് ന​ട​പ​ടി​യെ​ടു​ക്കു​മെ​ന്ന് അ​ഡീ. ചീ​ഫ് സെ​ക്ര​ട്ട​റി ഉ​റ​പ്പു​ന​ൽ​കി. തു​ട​ർ​ന്ന്​ ഹ​ര​ജി​ക​ൾ ഏ​പ്രി​ൽ ഒ​മ്പ​തി​ന്​ വീ​ണ്ടും പ​രി​ഗ​ണി​ക്കാ​ൻ മാ​റ്റി.