ആറംഗ സംഘം മദ്യം നൽകി വീട്ടമ്മയെ പീഡിപ്പിച്ചു

കൊടുവള്ളി: മദ്യം നൽകി വീട്ടമ്മയെ പീഡിപ്പിച്ചതായി പരാതി.  ഭർത്താവുമായി പിണങ്ങി ഒറ്റക്ക് കഴിഞ്ഞ യുവതിയെ ബന്ധുക്കൾ ഉൾപ്പെടെ ആറംഗ സംഘമാണ് ഒരു കടയുടെ മുകളിലെത്തിച്ച് പീഡിപ്പിച്ചതെന്നാണ് യുവതി കൊടുവള്ളി പൊലീസിൽ നൽകിയ പരാതിയിൽ പറയുന്നത്. 

കഴിഞ്ഞ ജനുവരി മുപ്പതിനാണ്​ സംഭവം. ഈ മാസം 24 ന് ചൊവ്വാഴ്ച വൈകീട്ടാണ്​ യുവതി കൊടുവള്ളി പൊലീസിൽ പരാതി നൽകിയത്. കേസെടുത്ത പൊലീസ് ഇവരെ ബുധനാഴ്ച മെഡിക്കൽ പരിശോധനക്ക് വിധേയമാക്കി. ആരെയും പിടികൂടിയിട്ടില്ല. അന്വേഷണം ഊർജ്ജിതമാക്കിയതായി കൊടുവള്ളി സി.ഐ. ചന്ദ്രമോഹൻ അറിയിച്ചു.