പള്ളിയില്‍നിന്ന് 32 ലക്ഷം അപഹരിച്ച കേസിൽ കൈക്കാരന്‍ പിടിയില്‍

ഗാന്ധിനഗർ/ഏറ്റുമാനൂര്‍: പാറമ്പുഴ ബത്​​ലഹേം പള്ളിയില്‍നിന്ന് 32 ലക്ഷം അപഹരിച്ച കേസിൽ കൈക്കാരന്‍ കണ്ണൂരില്‍ പിടിയില്‍. തെള്ളകം കുറുപ്പന്തറ മുകളേല്‍ ദീജു ജേക്കബാണ്​ (45) ഗാന്ധിനഗര്‍ പൊലീസി​​െൻറ പിടിയിലായത്. 2019 ആഗസ്​റ്റില്‍ കൈക്കാരനായി ചുമതലയേറ്റ നാള്‍മുതല്‍ 2020 ഫെബ്രുവരിവരെയുള്ള കാലയളവില്‍ ബാങ്കില്‍ അടക്കാനുള്ള 31.5 ലക്ഷം രൂപ അടക്കാതെ അപഹരിച്ചതായാണ് പരാതി. മോഷണം പിടിക്കപ്പെട്ടതോടെ മാര്‍ച്ച് രണ്ടിന് നാട്ടില്‍നിന്ന്​ മുങ്ങിയ ഇയാള്‍ കണ്ണൂര്‍ പയ്യാവൂരില്‍ ഉണ്ടെന്നറിഞ്ഞ് ഗാന്ധിനഗര്‍ പൊലീസെത്തി പിടികൂടുകയായിരുന്നു.

പള്ളിയുടെ ബാങ്ക് അക്കൗണ്ട് കാത്തലിക് സിറിയൻ ബാങ്കി​​െൻറ കുമാരനല്ലൂർ ശാഖയിലാണ്. പള്ളിൽനിന്ന്​ ബാങ്കിൽ അടക്കാൻ കൊടുത്തുവിടുന്ന പണം അടക്കാതെ  ബാങ്കി​​െൻറ വ്യാജ സ്​റ്റേറ്റ്മ​െൻറ് ഇയാൾ പള്ളികമ്മിറ്റിക്ക്​ നൽകി വരുകയായിരുന്നു. ബാങ്കി​​െൻറ വ്യാജസീലും ഇയാൾ ഉണ്ടാക്കിയിരുന്നു.

കഴിഞ്ഞ ജനുവരിയിൽ ഇയാളെക്കുറിച്ച് പള്ളികമ്മിറ്റിക്ക്​ സംശയം തോന്നിത്തുടങ്ങി. പെരുന്നാളിനോടനുബന്ധിച്ച്  പെയിൻറ് വാങ്ങിയ ഇനത്തിൽ കട ഉടമക്ക്​ നൽകാനുണ്ടായിരുന്ന പണം പള്ളിയിൽനിന്ന്​ ഇയാളുടെ പക്കൽ കൊടുത്തുവി​െട്ടങ്കിലും നൽകിയില്ല. പിന്നീട് ബാങ്കിൽ അടക്കാൻ കൊടുത്തുവിട്ട 20 രൂപ നോട്ടി​​െൻറ കെട്ടുകളാണ് പെയിൻറ്​ കടയിൽ നൽകിയത്. ഈ വിവരം കടയുടമ പള്ളിയിൽ അറിയിച്ചു. ഇതാണ് ദീജുവിനെ കുടുക്കാൻ ഇടയാക്കിയത്. തുടർന്ന് പള്ളി കമ്മിറ്റി ബാങ്ക് അക്കൗണ്ട് പരിശോധിച്ചപ്പോൾ 32.5 ലക്ഷത്തോളം രൂപയുടെ കുറവ്​ കണ്ടെത്തി.  

പിടിക്കപ്പെടുമെന്നായപ്പോൾ ഇയാൾ മുങ്ങി. നഷ്​ടപ്പെട്ട പണം വീട്ടുകാർ നൽകാമെന്ന വ്യവസ്ഥയിൽ പള്ളി കമ്മിറ്റി പൊലീസിൽ പരാതി നൽകിയില്ല. എന്നാൽ, നിശ്ചിത സമയം കഴിഞ്ഞിട്ടും പണം നൽകാതെ വന്നതോടെ പള്ളി കമ്മിറ്റി ഗാന്ധിനഗർ പൊലീസിൽ പരാതി നൽകി.  ഇതിനിടെ ഇയാൾ കണ്ണൂരിലെ പയ്യാവൂരിൽനിന്ന്​ നാട്ടിലെത്താൻ പാസ് എടുക്കാൻ തയാറാകുന്നതായി പൊലീസിന്​ വിവരം കിട്ടി. ഉടൻ എസ്.ഐയുടെ നേതൃത്വത്തിൽ പൊലീസ് കണ്ണൂരിലെത്തി പിടികൂടുകയായിരുന്നു. വെള്ളിയാഴ്ച രാവിലെ സ്​റ്റേഷനിലെത്തിച്ച് അറസ്​റ്റ്​ രേഖപ്പെടുത്തിയ ശേഷം ഉച്ചയോടെ പള്ളിയിലെത്തിച്ച് തെളിവെടുപ്പ്​ നടത്തി. ഏറ്റുമാനൂർ കോടതിയിൽ ഹാജരാക്കിയ ദീജുവിനെ റിമാൻഡ് ചെയ്തു.