ഗജ ലക്ഷദ്വീപിലേക്ക്​; മത്സ്യത്തൊഴിലാളികൾ കടലിൽ പോകരുത്​

തിരുവനന്തപുരം: തെക്കു കിഴക്കൻ അറബിക്കടലിൽ ന്യൂനമർദ്ദമായി ശക്തി കുറഞ്ഞ് എത്തിയ ഗജ ചുഴലിക്കാറ്റ് ശക്തി പ്രാപിച്ച്​ പടിഞ്ഞാറന്‍ ദിശയില്‍ സഞ്ചരിക്കുമെന്ന്​ കേന്ദ്ര കാലാവസ്ഥാ നിരീക്ഷണ കേന്ദ്രത്തി​​​​െൻറ അനുമാനം.

തെക്കു കിഴക്കു അറബിക്കടലിലും ലക്ഷദ്വീപ് പ്രദേശങ്ങളിലും 55 മുതൽ 65 കി. മീ വേഗത്തിലും ചില അവസരങ്ങളിൽ മണിക്കൂറിൽ 90 കി. മീ വേഗത്തിലും കാറ്റ്​ വീശാൻ സാധ്യതയുള്ളതിനാൽ ചൊവ്വാഴ്​ച വരെ മത്സ്യത്തൊഴിലാളികൾ കടലിൽ പോകരുതെന്നും നിർദ്ദേശമുണ്ട്​. ചീഫ്​ സെക്രട്ടറിയാണ്​ ഇതു സംബന്ധിച്ച്​ അടിയന്തര സന്ദേശം പുറപ്പെടുവിച്ചത്​.

കേരളതീരത്ത് മണിക്കൂറിൽ 40 മുതൽ 50 കി. മീ വേഗതയിലും ചില അവസരങ്ങളിൽ 60 കി. മീ വേഗത്തിലും ശക്തമായ കാറ്റടിക്കുവാൻ സാധ്യത ഉള്ളതിനാൽ മരങ്ങൾ, വൈദ്യുത തൂണുകൾ, ടവറുകൾ എന്നിവിടങ്ങളിൽ അധികസമയം ചിലവഴിക്കുകയോ, വാഹനങ്ങൾ നിർത്തി ഇടുകയോ ചെയ്യരുതെന്നും നിർദേശമുണ്ട്​.