ഗെയിൽ സമരം: ഹർത്താലിൽ മുക്കത്ത്​ സംഘർഷം, പൊലീസ്​ ലാത്തിവീശി

മുക്കം: ഗെയിൽ വാതക പൈപ്പ്​ ലൈനിനെതിരായ ജനകീയസമരത്തിനുനേരെയുണ്ടായ പൊലീസ്​ അതിക്രമങ്ങളിൽ പ്രതിഷേധിച്ച്​ നടന്ന ഹർത്താലിൽ പലയിടങ്ങളിലും സംഘർഷം. പൊലീസുകാർ വീടുകളിൽ കയറി ഭീകരാന്തരീക്ഷം സൃഷ്​ടിച്ചതും സമരക്കാർ റോഡിൽ തടസമുണ്ടാക്കിയതും സംഘർഷം വർധിപ്പിച്ചു.  നെല്ലിക്കാപറമ്പിലും, വലിയപറമ്പിലും എരിഞ്ഞിമാവിലും ഹർത്താലനുകൂലികൾക്കുനേരെ പൊലീസ്​ ലാത്തിവീശി. സമരക്കാർ നെല്ലിക്കാപറമ്പിൽ റോഡിൽ ടയറുകളും മരത്തടികളും കത്തിച്ച്​ ഗതാഗതം തടസ്സപ്പെടുത്തി. തിരുവമ്പാടി നിയോജക മണ്ഡലത്തിലും മലപ്പുറം ജില്ലയിലെ കീഴുപറമ്പ്,​ അരീക്കോട്,​ കാവന്നൂർ പഞ്ചായത്തുകളിലുമായിരുന്നു ഹർത്താൽ.

രാവിലെ ഒമ്പതോടെ വലിയപറമ്പിലും നെല്ലിക്കാപറമ്പിലും ഹർത്താലനുകൂലികൾ വാഹനങ്ങൾ തടഞ്ഞു. നെല്ലിക്കാപറമ്പിൽ പൊലീസിനുനേരെ കല്ലേറുണ്ടായി. മുക്കത്ത് നിന്നെത്തിയ അഗ്നിശമന സേനയും റോഡിലെ തടസ്സങ്ങ​െളാഴിവാക്കിയെങ്കിലും സമരക്കാർ വീണ്ടും തടസ്സം സൃഷ്​ടിച്ചു. ഇതിനിടയിൽ പൊലീസുകാർക്കെതിരെ കല്ലേറുണ്ടായതിനെ തുടർന്ന്​ ലാത്തിവിശി. നെല്ലിക്കാപറമ്പ് റോഡി​​െൻറ വശങ്ങളിൽ നിർത്തിയിട്ട ബൈക്കുകൾ പൊലീസ്​ തകർത്ത്​ തോട്ടിലിട്ടു. 

പ്രതികളെ പിടികൂടാനെത്തിയ പൊലീസ്​ പ്രദേശങ്ങളിലെ വീടുകളിൽകയറി ഭീതിപരത്തി. നെല്ലിക്കാപറമ്പിലെ മുനീറി​​െൻറ വീട്ടിലേക്ക് 15ഒാളം പൊലീസ് കുതിച്ച് വന്നത് സംഘർഷത്തിനിടയാക്കി. മുറ്റത്ത് നിന്നിരുന്ന മുനീറും ഭാര്യ ഷമീമയും അനുജ​​െൻറ മകൻ മുഹമ്മദ് നബീലും ​െപാലീസിനെ കണ്ട് വീട്ടിനകത്ത് കയറി വാതിലടക്ക​ുകയായിരുന്നു. പൊലീസ്​ വീടി​​െൻറ ജനൽ ചില്ലുകൾ അടിച്ച് തകർത്തതായി ഇവർ പരാതിപ്പെട്ടു. അതിനിടയിൽ മുനീറും ഭാര്യയും വീടി​​െൻറ പിറകുവശത്തിലൂടെ സമീപത്തെ സഹോദര​​െൻറ വീട്ടിൽ അഭയം തേടി. എൻജിനീയറിങ്​ വിദ്യാർഥിയായ മുഹമ്മദ് നബീൽ വീടി​​െൻറ മുകളിൽ കയറി ഒളിച്ചിരുന്നു. പിൻഭാഗത്തെ ഗ്രിൽസ് തള്ളി മുകളിൽനിന്ന്​ നബീലിനെ പിടികൂടി. മുക്കം പൊലീസ്​ സ്​റ്റേഷനിലെത്തുന്നതുവരെ നബീലിനെ മർദിച്ചതായി പരാതിയുണ്ട്​.വലിയപറമ്പ്, കറുത്ത പറമ്പ്, ചെറുവാടി, എരഞ്ഞിമാവ്​ തുടങ്ങി ഭാഗങ്ങളിലും സമരക്കാർ റോഡിൽ തടസ്സം സൃഷ്​ടിച്ചു. സംഘർഷം കണക്കിലെടുത്ത്​ കോഴിക്കോട്, മലപ്പുറം ജില്ലകളിൽ നിന്ന്​ വൻ പൊലീസ് സംഘത്തെ വിന്യസിച്ചിരുന്നു.


എ.ഡി.ജി.പി സന്ദർശിച്ചു
ഉത്തര കേരള എ.ഡി.ജി.പി രാജേഷ് ദിവാൻ ഗെയിൽ വാതക പൈപ്പ് ലൈൻ കടന്നുപോകുന്ന കുളങ്ങര പന്നിക്കോട്ട് പ്രദേശങ്ങൾ സന്ദർശിച്ചു. തിരിച്ചറിയൽ കാർഡ്, നികുതി രസീത്​, ആധാരത്തി​​െൻറ കോപ്പികൾ, കൈവശാവകാശ സർട്ടിഫിക്കറ്റുകൾ എന്നീ രേഖകൾ ഹാജരാക്കിയവർക്ക്​ നഷ്​ടപരിഹാര തുകക്കുള്ള ചെക്കുകൾ നൽകിത്തുടങ്ങിയതായി അദ്ദേഹം പറഞ്ഞു. എന്നാൽ, മാധ്യമപ്രവർത്തകരുടെ കൂടുതൽ ചോദ്യങ്ങൾക്ക് മറുപടി പറയാതെ എ.ഡി.ജി.പി ഒഴിഞ്ഞുമാറി.ഡിവൈ.എസ്.പി പുഷ്​കരൻ, വിവിധ സ്​റ്റേഷനുകളിലെ പൊലീസ്​ ഓഫിസർമാർ തുടങ്ങിയവർ അദ്ദേഹത്തോടൊപ്പമുണ്ടായിരുന്നു.അതിനിടെ പൊലീസ്​ സംരക്ഷണത്തോടെ വ്യാഴാഴ്ച്ച ഉച്ച ഒരു മണിയോടെ വാതക പൈപ്പിൽ പണികൾ ആരംഭിച്ചിട്ടുണ്ട്​.