ഗെയ്​ൽ പൈപ്പ്​ലൈൻ: തെറ്റിദ്ധാരണ സൃഷ്​ടിക്കുന്നത്​ തീവ്രവാദികൾ - സി.പി.എം

കോഴിക്കോട്​ : ഗെയ്​ൽ വാതക പൈപ്പ്​ലൈൻ പദ്ധതിക്കെതിരായ പ്രചരണം നടത്തുന്നത്​ വികസന വിരോധികളാണെന്ന്​ സി.പി.എം ജില്ലാ സ​മ്മേളനം. ഇത്തരം പ്രചാരണങ്ങളെ തള്ളിക്കളയണം​. ചില നിക്ഷിപ്​ത താത്​പര്യക്കാരും വർഗീയ തീവ്രവാദ സംഘടനകളും ജില്ലയിലെ മുക്കം, തിരുവമ്പാടി പ്രദേശങ്ങളിൽ തെറ്റിദ്ധാരണ സൃഷ്​ടിച്ച്​ ജനങ്ങളെ പദ്ധതിക്കെതിരെ ഇളക്കി വിടുകയാണ്​. സർക്കാറിനെതിരെ കലാപം സൃഷ്​ടിക്കാനാണ്​ ഇവരുടെ ശ്രമം.  ഇതിന്​ ഒരു വിഭാഗം ​യു.ഡി.എഫ്​ നേതാക്കളുടെ പിന്തുണയും ലഭിക്കുന്നുണ്ട്​.  സങ്കുചിത താത്​പര്യങ്ങൾക്കായി നാടി​​​െൻറ വികസനത്തെ എതിർക്കുന്ന വികസന വിരോധികളെ തിരിച്ചറിയണമെന്നും ഒറ്റപ്പെടുത്തണമെന്നും സമ്മേളനം അംഗീകരിച്ച പ്രമേയത്തിൽ പറയുന്നു. 

കോഴിക്കോടിനേക്കാൾ ജനസാന്ദ്രത കൂടിയ എറണാകുളത്ത്​ ജനവാസമേഖലയിലൂടെയാണ്​ ഗെയ്​ൽ പൈപ്പ്​ ലൈൻ പോയത്​. അവിടെ ആർക്കും പ്രശ്​നമുണ്ടായിരുന്നില്ല. ഇത്​ അണുബോംബൊന്നുമല്ല. ലോകത്തൊരിടത്തും പ്രകൃതി വാതക പൈപ്പ്​ ​ൈലൻ കാടുകളിലൂടെയോ മലകളിലൂടെയോ അല്ല പോകുന്നത്​. ജനവാസ മേഖലയിലൂടെയാണ്​ എന്നും ഇറാനി​​​െൻറയും ഖത്തറി​​​െൻറയും ഉദാഹരണം ചൂണ്ടിക്കാട്ടി വിശദീകരിക്കുന്നുമുണ്ട്​ പ്രമേയം.