Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightമുഖ്യമന്ത്രിയെ...

മുഖ്യമന്ത്രിയെ ഡൽഹിക്ക്​ ക്ഷണിച്ച്​ ഗഡ്​കരി; സ്വാഗതം ചെയ്​ത്​ പിണറായി

text_fields
bookmark_border
മുഖ്യമന്ത്രിയെ ഡൽഹിക്ക്​ ക്ഷണിച്ച്​ ഗഡ്​കരി; സ്വാഗതം ചെയ്​ത്​ പിണറായി
cancel


ആലപ്പുഴ: സംസ്ഥാനത്തെ റോഡ് വികസനവുമായി ബന്ധപ്പെട്ട വിഷയങ്ങൾ ചർച്ച ചെയ്യാൻ മുഖ്യമന്ത്രിയേയും മന്ത്രിമാരെയും ബന്ധപ്പെട്ട ഉദ്യോഗസ്ഥരേയും ഡൽഹിയിലേക്ക്​ ക്ഷണിച്ച് കേന്ദ്ര ഉപരിതല ഗതാഗത വകുപ്പ് മന്ത്രി നിതിൻ ഗഡ്കരി. ആ​ല​പ്പു​ഴ ബൈ​പാ​സ് ഉദ്​ഘാടന ചടങ്ങിനിടെയാണ്​ കേ​ന്ദ്രമ​ന്ത്രിയുടെ ക്ഷണം. ഗ​ഡ്​​ക​രി​യും മു​ഖ്യ​മ​ന്ത്രി പി​ണ​റാ​യി വി​ജ​യ​നും ചേ​ർ​ന്ന്​ വി​ഡി​യോ കോ​ൺ​​ഫ​റ​ൻ​സ്​ വ​ഴിയാണ് ബൈപാസിന്‍റെ ഉ​ദ്​​ഘാ​ട​നം നിർവഹിച്ചത്. മന്ത്രിയുടെ ക്ഷണം സ്വാഗതം ചെയ്ത മുഖ്യമന്ത്രി, അടുത്ത വട്ടം ദില്ലിയിൽ എത്തിയാൽ യോഗം ചേർന്ന്​ കാര്യങ്ങൾ വിലയിരുത്താമെന്ന്​ ഉറപ്പ് നൽകി.

കേരളം രാജ്യത്തിന് നി‍ർണായകമായ സംസ്ഥാനമാണെന്നും ടൂറിസത്തിന് വലിയ പ്രാധാന്യമുള്ള സംസ്ഥാനത്ത് അടിസ്ഥാന സൗകര്യങ്ങൾ ഒരുക്കേണ്ടത്​ അനിവാര്യമാണെന്നും ഗഡ്​കരി വ്യക്​തമാക്കി. മുഖ്യമന്ത്രിയും മന്ത്രിമാരും ഇനി ഡൽഹിയിൽ എത്തുമ്പോൾ കേരളത്തിലെ ​​ദേശീയപാതാ വികസന പദ്ധതികളുമായി ബന്ധപ്പെട്ട പ്രശ്നങ്ങൾ പരിഹരിക്കാൻ ച‍ർച്ച നടത്താം. കൂട്ടായ ച‍ർച്ചകളിലൂടെ ഏതു പ്രശ്നവും പരിഹരിക്കാവുന്നതേയുള്ളൂ. കേരളത്തിലെ അടിസ്ഥാന സൗകര്യവികസനത്തിൽ പുരോ​ഗതി വേണമെന്ന് ആത്മ‍ാ‍ത്ഥമായി ഞങ്ങൾക്ക് ആ​ഗ്രഹമുണ്ട്. ദേശീയപാതയി​ലെ മണ്ണിടിച്ചിൽ തടയാൻ കയ‍ർ ഭൂവസ്ത്രം വിരിക്കുന്നതടക്കമുള്ള പദ്ധതികൾ കേന്ദ്ര ഉപരിതല മന്ത്രാലയം പരി​ഗണിക്കുന്നുണ്ട്​. കേരളത്തിലേയും തമിഴ്നാട്ടിലേയും കയ‍ർ വിപണിക്ക് ഇത്​ ഊ‍ർജ്ജം നൽകും. റോഡ്​ നി‍‍ർമ്മാണത്തിൽ റബ്ബറും കയറും കൂടുതലായി ഉപയോ​ഗിക്കാൻ സാധിച്ചാൽ കേരളത്തിലെ കാ‍ർഷിക വിപണിക്ക് ഗുണം ചെയ്യും. കേന്ദ്ര സ‍ർക്കാ‍ർ നടപ്പാക്കുന്ന ആത്മനി‍ർഭ‍ർ ഭാരത് പദ്ധതിയുമായി ഇതിനെ ബന്ധിപ്പിക്കാമെന്നും കേന്ദ്രമന്ത്രി വാഗ്​ദാനം നൽകി.

കയറും കയർ അനുബന്ധ ഉത്പന്നങ്ങളും റബ്ബറും നിലവിൽ കേരളത്തിൽ റോഡ് നിർമ്മാണത്തിനായി ഉപയോഗിക്കുന്നുണ്ടെന്നും മന്ത്രിയുടെ നിർദേശപ്രകാരം വിപുലമായ രീതിയിൽ പ്രാദേശിക അസംസ്കൃത വസ്തുകൾ ഉപയോഗിക്കാൻ പദ്ധതി തയ്യാറാക്കാമെന്നും മുഖ്യമന്ത്രി പ്രതികരിച്ചു.

കേന്ദ്രസർക്കാർ മിക്കകാര്യങ്ങളിലും സംസ്​ഥാന സർക്കാറിനോട്​ ഉടക്കു​േമ്പാഴും ബി.ജെ.പി മുൻ ദേശീയ അധ്യക്ഷൻ കൂടിയായ നിതിൻ ഗഡ്​കരി മുഖ്യമന്ത്രി പിണറായിയുമായും സംസ്​​ഥാന സർക്കാറുമായും ഊഷ്​മള ബന്ധമാണ്​ പുലർത്തുന്നത്​. കീഴാറ്റൂർ ബൈപാസ്​ വിഷയത്തിലടക്കം ബിജെ.പി സംസ്​ഥാന കമ്മറ്റിയുടെ നിലപാടിനെ തള്ളി പിണറായി വിജയന്‍റെ നിലപാടിനൊപ്പമാണ്​ ഗഡ്​കരി നിലയുറപ്പിച്ചത്​. ഇത്​ കേരളത്തിലെ ബി.ജെ.പി നേതാക്കൾക്കിടയിൽ കടുത്ത അസംതൃപ്​തിക്കിടയാക്കിയിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Nitin GadkaricpmAlappuzha bypassPinarayi VijayanPinarayi VijayanBJP
News Summary - Gadkari invites CM Pinarayi to Delhi
Next Story