ജി. സുധാകരൻെറ വിശ്വസ്​തനായ ലോക്കൽ സെക്രട്ടറിയെ മാറ്റി

ആലപ്പുഴ: മുൻ മ​ന്ത്രി ജി. സുധാകര​െൻറ വിശ്വസ്​തനായ ലോക്കൽ സെക്രട്ടറിയെ സി.പി.എം മാറ്റി. പുന്നപ്ര നോർത്ത്​ ലോക്കൽ കമ്മിറ്റി സെക്രട്ടറി കെ.​ േമാഹൻകുമാറിനെയാണ്​ സ്ഥാനത്തുനിന്ന്​ ​നീക്കിയത്​. ശനിയാഴ്​ച അമ്പലപ്പുഴ ഏരിയ കമ്മിറ്റി ഓഫിസിൽ ചേർന്ന എൽ.സി യോഗത്തിലാണ്​ തീരുമാനമുണ്ടായത്​.

Also Read:ദേശീയപാത നിർമാണത്തിൽ വീഴ്ചയുണ്ടെങ്കില്‍ ചോദിക്കേണ്ടത് ഉദ്യോഗസ്ഥരോട് -ജി. സുധാകരൻ

നിയമസഭ തെരഞ്ഞെടുപ്പിൽ അമ്പലപ്പുഴയിൽ വീഴ്​ചയുണ്ടായെന്ന ആരോപണത്തിൽ മുൻമന്ത്രിയും സംസ്ഥാന കമ്മിറ്റി അംഗവുമായ സുധാകരനെത​ിരെ പാർട്ടി അന്വേഷണ കമീഷൻ തെളിവെടുപ്പ്​ പൂർത്തിയാക്കി റിപ്പോർട്ട്​ സമർപ്പിക്കാനിരി​െക്കയാണ്​ ഈ നീക്കം​.

കഴിഞ്ഞ സമ്മേളനം തെരഞ്ഞെടുത്ത രഘുവിനാണ്​ ചുമതല​ നൽകിയിരിക്കുന്നത്​. അമ്പലപ്പുഴ ഏരിയ സെൻറർ അംഗംകൂടിയായ മോഹൻകുമാറിനെ കഴിഞ്ഞ തദ്ദേശ തെരഞ്ഞെടുപ്പുകാലത്താണ്​ ലോക്കൽ സെക്രട്ടറിയാക്കിയത്​. അന്ന്​ എൽ.സി സെക്രട്ടറിയായിരുന്ന രഘുവിനെതിരെ ചില ആരോപണങ്ങൾ ഉയർന്ന സാഹചര്യത്തിലായിരുന്നു മാറ്റം.

Also Read:ജി. സുധാകരൻ പൊതുമരാമത്ത്​ മന്ത്രിയായിരിക്കെ നടത്തിയ റോഡ്​ നിർമാണത്തിൽ അപാകതയുണ്ടെന്ന്​ എ.എം.ആരിഫ്​

എന്നാൽ, പാർട്ടി സമ്മേളനം ആരംഭിക്കുന്നതിന്​ മ​ുന്നോടിയായി താൽക്കാലിക ചുമതലയിൽനിന്ന്​ ഒഴിവാക്കിയതായാണ്​ ഔദ്യോഗിക വിശദീകരണം. അതേസമയം, സുധാകര​ൻ താമസിക്കുന്ന പ്രദേശത്തെ ലോക്കൽ കമ്മിറ്റിയിലെ സെക്രട്ടറിയെ മാറ്റിയതിൽ​ ഒരുവിഭാഗത്തി​ന്​ എതിർപ്പുണ്ട്​. അമ്പലപ്പുഴയിലെ തെരഞ്ഞെടുപ്പുമായി ബന്ധപ്പെട്ടുണ്ടായ പാർട്ടിതല ചർച്ചയിൽ സുധാകരനുവേണ്ടി ഉറച്ച നിലപാട്​ സ്വീകരിച്ച ആളായിരുന്നു​ മോഹൻകുമാർ.