പിയൂഷ്​ ഗോയലിന്​ അഹങ്കാരമെന്ന്​ ജി.സുധാകരൻ

തിരുവനന്തപുരം: കേന്ദ്ര റെയിൽവേ മന്ത്രി പിയൂഷ്​ ഗോയലിന്​ അഹങ്കാരമാണെന്ന്​ പൊതുമരാമ്മത്ത്​ വകുപ്പ്​ മന്ത്രി ജി.സുധാകരൻ പ്രതികരിച്ചു. ആകാശത്ത്​ കൂടി റെയിൽവേ പണിയണോ എന്ന ചോദ്യം കേരളത്തോ​ട്​ വേണ്ട. സ്ഥലം ഏറ്റെടുത്ത്​ കൊടുക്കാൻ തയാറാണ്​. ഇതിനുള്ള നടപടികളും സ്വീകരിച്ചിട്ടുണ്ടെന്ന്​ സുധാകരൻ പറഞ്ഞു.

കേന്ദ്രം പറയുന്നത്​ പോലെ കേരളത്തിൽ സ്ഥലമേറ്റെടുക്കാൻ ആവില്ല. കേരളം വെള്ളരിക്കാപട്ടണമല്ലെന്നും സുധാകരൻ പ്രതികരിച്ചു. വി.എസ്​ അച്യുതാനന്ദൻ പിയുഷ്​ ഗോയലിനെ കണ്ടത്​ വിവാദ​മാക്കേണ്ട. മുഖ്യമന്ത്രിക്ക്​ പകരമല്ല വി.എസ്,​ വി.എസിന്​ പകരമല്ല മുഖ്യമന്ത്രിയെന്നും സുധാകരൻ പറഞ്ഞു.