കീഴാറ്റൂർ; കേന്ദ്രത്തി​െൻറ നാറിയ രാഷ്ട്രീയക്കളി അവസാനിപ്പിക്കണം -ജി സുധാകരൻ 

തിരുവനന്തപുരം: കീഴാറ്റൂർ സംഭവത്തിൽ കേന്ദ്രത്തി​​​െൻറ നാറിയ രാഷ്ട്രീയക്കളി അവസാനിപ്പിക്കണമെന്ന് പൊതുമരാമത്ത്​ വകുപ്പ്​​ മന്ത്രി ജി. സുധാകരൻ. ഇൗ വിഷയത്തിൽ  സംസ്ഥാന സർക്കാർ ഒന്നും ചെയ്തിട്ടില്ല. അലൈൻമ​​െൻറ്​ തയ്യാറാക്കിയതും ഭൂമി ഏറ്റെടുക്കാൻ ഉത്തരവിറക്കിയതും ദേശീയ പാത അതോറിറ്റിയാണെന്നും അദ്ദേഹം പ്രതികരിച്ചു.

ഏതാണ് നല്ലതെന്ന് തീരുമാനിക്കാനുള്ള ആർജവം കേന്ദ്രത്തിനുണ്ടാകണം. കീഴാറ്റൂരി​​​െൻറ പേര് പറഞ്ഞ്​ ദേശീയപാത വികസനം തടസപ്പെടുത്താനാണെങ്കിൽ ആ രക്തത്തിൽ ഞങ്ങൾക്ക് പങ്കില്ല. കീഴാറ്റൂർ മാറ്റണമെന്നഭിപ്രായം ഞങ്ങൾക്കില്ല ഏതായാലും ഉചിതമായ തീരുമാനം കേന്ദ്രം എടുക്കണമെന്നും ജി. സുധാകരൻ പറഞ്ഞു.

ദേശീയ പാത അവിടെ വേണമെന്ന് തീരുമാനിച്ചത്​ ഞങ്ങളല്ല. അവിടെ ദേശീയ പാത പണിയുകയാണെങ്കിൽ അധികം വീടുകൾ നഷ്ടപ്പെടില്ലെന്നും അദ്ദേഹം കൂട്ടിച്ചേർത്തു.