ചെ​റു​കി​ട ഫ​ർ​ണി​ച്ച​ർ നി​ർ​മാ​ണ മേ​ഖ​ല​ക്ക് ചെ​റു​ത​ല്ല പ്ര​തി​സ​ന്ധി

പ​ത്തി​രി​പ്പാ​ല: ചെ​റു​കി​ട ഫ​ർ​ണി​ച്ച​ർ നി​ർ​മാ​ണ മേ​ഖ​ല പ്ര​തി​സ​ന്ധി​യി​ലാ​യ​തോ​ടെ പ​ര​മ്പ​രാ​ഗ​ത തൊ​ഴി​ലു​മാ​യി ഉ​പ​ജീ​വ​ന​മാ​ർ​ഗം ക​ഴി​യു​ന്ന തൊ​ഴി​ലാ​ളി​ക​ളു​ടെ ജീ​വി​ത​വും ദു​രി​ത​ത്തി​ലാ​യി. ഇ​രു​മ്പ്, മെ​റ്റ​ൽ, ഫൈ​ബ​റു​ക​ൾ എ​ന്നി​വ​യു​ടെ ക​ട​ന്നു​ക​യ​റ്റ​മാ​ണ് ഫ​ർ​ണി​ച്ച​ർ നി​ർ​മാ​ണ മേ​ഖ​ല​യെ പൂ​ർ​ണ​മാ​യും പ്ര​തി​സ​ന്ധി​യി​ലാ​ക്കി​യ​ത്. പ്ര​ധാ​ന​മാ​യും ഫൈ​ബ​റി​ന്റെ​യും ഇ​രു​മ്പി​ന്റെ​യും സാ​ധ​ന​ങ്ങ​ളു​ഖെ ക​ട​ന്ന​ു​ക​യ​റ്റ​മാ​ണ് മ​രം കൊ​ണ്ടു​ള്ള ഉ​രു​പ്പ​ടി​ക​ൾ​ക്കും ഉ​പ​ക​ര​ണ​ങ്ങ​ൾ​ക്കും ആ​വ​ശ്യ​ക്കാ​ർ ഇ​ല്ലാ​താ​യ​ത്.

നി​ല​വി​ൽ ആ​ഴ്ച​യി​ൽ ഒ​ന്നോ ര​ണ്ടോ ദി​വ​സം മാ​ത്ര​മാ​ണ് തൊ​ഴി​ലു​ള്ള​ത്. ബാ​ക്കി​യു​ള്ള ദി​വ​സ​ങ്ങ​ളി​ലാ​ക​ട്ടെ സ്ഥാ​പ​നം തു​റ​ന്നി​രി​പ്പാ​ണ്. പ​ത്തി​രി​പ്പാ​ല, മ​ങ്ക​ര, മേ​ഖ​ല​യി​ൽ ഏ​ക​ദേ​ശം 30തോ​ളം വ​രു​ന്ന ചെ​റു​കി​ട ഫ​ർ​ണീ​ച്ച​ർ യൂ​നി​റ്റു​ക​ൾ പ്ര​വ​ർ​ത്തി​ച്ച് വ​രു​ന്നു​ണ്ട്. ഓ​രോ യൂ​നി​റ്റി​ലും ര​ണ്ടോ മൂ​ന്നോ തൊ​ഴി​ലാ​ളി​ക​ൾ ജോ​ലി​ചെ​യ്യു​ന്ന കാ​ല​മു​ണ്ടാ​യി​രു​ന്നു. ഇ​ന്ന് ഉ​ട​മ മാ​ത്ര​മാ​ണ് ജോ​ലി​ക്കു​ള്ള​ത്. മു​മ്പൊ​ക്കെ ആ​ളു​ക​ൾ ഇ​വ​രു​ടെ വീ​ടു​ക​ൾ തേ​ടി​വ​രു​ന്ന കാ​ല​മു​ണ്ടാ​യി​രു​ന്നു. അ​തെ​ല്ലാം നി​ല​ച്ചു. നി​ർ​മാ​ണ​ത്തി​നു​ള്ള ഉ​രു​പ്പ​ടി​ക​ൾ എ​ത്താ​ത്ത​തി​നാ​ൽ ഇ​ത്ത​രം ചെ​റു​കി​ട നി​ർ​മാ​ണ യൂ​നി​റ്റു​ക​ൾ പ​ല​തും അ​ട​ച്ചു​പൂ​ട്ടേ​ണ്ട അ​വ​സ്ഥ​യാ​ണ​ന്ന് മ​ങ്ക​ര കൂ​ട്ടു​പാ​ത​യി​ൽ ഫ​ർ​ണി​ച്ച​ർ തൊ​ഴി​ൽ ചെ​യ്യു​ന്ന ഉ​ത്ത​മ​ൻ പ​റ​യു​ന്നു.

പ​ല​രും ഈ ​തൊ​ഴി​ലി​ൽ​നി​ന്നും മാ​റി മ​റ്റു പ​ല​മേ​ഖ​ല​ക​ളി​ലേ​ക്കും മാ​റു​ക​യാ​ണ്. ചെ​റു​കി​ട ഫ​ർ​ണി​ച്ച​ർ നി​ർ​മാ​ണ മേ​ഖ​ല​യെ ര​ക്ഷി​ക്കാ​ൻ സ​ർ​ക്കാ​ർ ഇ​ട​പെ​ട​ണ​മെ​ന്നാ​വ​ശ്യ​വും ശ​ക്ത​മാ​ണ്. സ​ർ​ക്കാ​റി​ന്റെ ഭാ​ഗ​ത്ത് നി​ന്നും ന​ട​പ​ടി​യൊ​ന്നും ആ​യി​ല്ലെ​ങ്കി​ൽ വൈ​കാ​തെ ത​ന്നെ ഈ ​തൊ​ഴി​ൽ മേ​ഖ​ല നി​ല​ച്ചു​പോ​കാ​നാ​ണ് സാ​ധ്യ​ത.