പൂർണ വാക്‌സിൻ എടുത്തവർക്ക് മലേഷ്യൻ യാത്രക്ക്​ കോവിഡ് പരിശോധനയും ക്വാറന്‍റീനും വേണ്ട

കൊച്ചി: പൂർണ വാക്‌സിൻ എടുത്തവർക്ക് ഇനി മലേഷ്യൻ യാത്രയിൽ ക്വാറന്റീനും കോവിഡ്​ പരിശോധനയും ആവശ്യമില്ല. മലേഷ്യൻ ഇ -വിസക്ക്​ ഓൺലൈനായി അപേക്ഷിക്കാനുള്ള സൗകര്യവും ഇപ്പോൾ ലഭ്യമാണെന്ന് ഡെപ്യൂട്ടി ടൂറിസം മന്ത്രി ഡോ. ജെ.പി. സന്താര കൊച്ചിയിൽ വാർത്ത ​സമ്മേളനത്തിൽ പറഞ്ഞു.

മലേഷ്യ എയർലൈൻസ്, ബാറ്റിക് എയർ, എയർ ഏഷ്യ, ഇൻഡിഗോ, എയർ ഇന്ത്യ എക്‌സ്​പ്രസ് എന്നിവയിൽ പ്രതിവാരം 14,000 സീറ്റുകൾ ഇന്ത്യ - മലേഷ്യ യാത്രക്ക്​ ലഭ്യമാണ്​.

മന്ത്രിയുടെ നേതൃത്വത്തിൽ കൊച്ചിയിൽ റോഡ് ഷോ സംഘടിപ്പിച്ചു.