Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഇന്ധന വിലവർധന:...

ഇന്ധന വിലവർധന: കോൺഗ്രസ്​ ഉപരോധത്തിനിടെ രോഷാകുലനായി നടൻ ജോജു; കാറിന്‍റെ ചില്ല്​ തകർത്തു

text_fields
bookmark_border
joju george congress
cancel
camera_alt

എറണാകുളത്ത്​ കോൺഗ്രസ്​ നടത്തിയ റോഡ് ഉപരോധ സമര‍ത്തിനിടെ  കാറിലെത്തിയ നടൻ ജോജു ജോർജ്​ സമരക്കാർക്കെതിരെ രോഷാകുലനാകുന്നു

കൊച്ചി: ഇന്ധന വിലവർധനയ്ക്കെതിരെ കോൺഗ്രസ്​ നടത്തിയ റോഡ് ഉപരോധ സമര‍ത്തിൽ നാടകീയ സംഭവങ്ങൾ. ഉപരോധ സ്​ഥലത്ത്​ കാറിലെത്തിയ നടൻ ജോജു ജോർജ്​ സമരക്കാർക്കെതിരെ രോഷാകുലനായി. വാക്കേറ്റത്തിനിടെ സമരക്കാർ നടന്‍റെ കാറിന്‍റെ ചില്ല്​ തകർത്തു.

ജോജുവിനെ പൊലീസ്​ കസ്റ്റഡിയി​െലടുത്തു. നടൻ മദ്യപിച്ചിരുന്നതായി സമരക്കാർ പരാതിപ്പെട്ടതിനാൽ വൈദ്യ പരിശോധനക്ക്​ വിധേയമാക്കുമെന്ന്​ പൊലീസ്​ അറിയിച്ചു.

അരമണിക്കൂറിൽ ഏറെനേരം ഇടപ്പള്ളി മുതൽ വൈറ്റില വരെയുള്ള റോഡിന്‍റെ ഇടതു ഭാഗം അടച്ചിട്ട് പ്രതിഷേധ സമരം നടത്തുന്നതിന് എതിരെയാണ് ജോജു പ്രതിഷേധിച്ചത്​. ദേശീയ പാതയിൽ വൻ ഗതാഗത തടസമാണ് ഉണ്ടായത്. ഇതിനെതിരെ റോഡിൽ ഇറങ്ങിയ ജോജുവും സമരത്തെ അനുകൂലിക്കുന്നവരും തമ്മിൽ വാക്കു തർക്കമുണ്ടാവുകയായിരുന്നു.

ജോജുവിന്‍റെ കാർ തകർത്ത നിലയിൽ

അര മണിക്കൂർ ഉപരോധിക്കും എന്നായിരുന്നു കോൺഗ്രസ്​ നേതാക്കൾ അറിയിച്ചിരുന്നതെന്ന്​ എറണാകുളം ഡി.സി.പി ഐശ്വര്യ ഡോംഗ്രെ അറിയിച്ചു. സമരം അതിലേറെ നീണ്ടുപോയതായാണ്​ ഗതാഗതക്കുരുക്ക്​ രൂക്ഷമാക്കിയത്​. അതേസമയം, സമരം മുന്നിൽ കണ്ട്​ നഗരത്തിൽ ഗതാഗത നിയന്ത്രണം ഏർപ്പെടുത്തിയിരുന്നു.

ജോജു മദ്യപിച്ചിരുന്നതായി ഡി.സി.സി പ്രസിഡന്‍റ്​ മുഹമ്മദ്​ ഷിയാസ്​ അരോപിച്ചു. സമരത്തിലുണ്ടായിരുന്ന സ്​ത്രീകളെ ​​ജോജു അധിക്ഷേപിച്ചതായി മഹിളാ കോൺഗ്രസും പൊലീസിൽ പരാതി നൽകി. അതേസമയം, കാറിന്‍റെ ചില്ല്​ തകർത്ത സംഭവത്തിൽ കണ്ടാലറിയാവുന്നവർക്കെതിരെ പൊലീസ്​ കേസെടുത്തു.


തുടർച്ചയായി ഉണ്ടാകുന്ന ഇന്ധനവില വർധനയ്ക്കെതിരെയാണ് കോൺഗ്രസ് പ്രത്യക്ഷ സമരം നടത്തിയത്​. ജനങ്ങൾക്കു മേൽ അധികഭാരം അടിച്ചേൽപ്പിക്കുന്ന കേന്ദ്ര, സംസ്ഥാന സർക്കാർ നിലപാടുകൾക്കെതിരെ എറണാകുളം ജില്ലാ കോൺഗ്രസ് കമ്മിറ്റിയുടെ നേതൃത്വത്തിലാണ്​ സമരം.

കെ.പി.സി.സി വർക്കിങ് പ്രസിഡൻ്റ് കൊടിക്കുന്നിൽ സുരേഷ് എം.പി ഉപരോധ സമരം ഉദ്ഘാടനം ചെയ്തു. കാറുകളും മുച്ചക്ര വാഹനങ്ങളും ഉൾപ്പടെ 1500 ഓളം വാഹനങ്ങൾ നിരത്തിലിറക്കിയാണ് ഉപരോധിച്ചത്​. അതേസമയം വലിയ വാഹനങ്ങൾ പൊലീസ് ഇടപെട്ട് ഇടപ്പള്ളിയിൽനിന്ന് വഴിതിരിച്ചു വിട്ടു.

അതേസമയം, കോണ്‍ഗ്രസിന്‍റെ സമരത്തെ ചോദ്യം ചെയ്ത നടന്‍ ജോജു ജോര്‍ജ് മദ്യപിച്ചിട്ടില്ലെന്ന് പൊലീസിന്‍റെ റിപ്പോർട്ട് . വൈദ്യപരിശോധനയില്‍ ജോജു മദ്യപിച്ചിട്ടില്ലെന്ന് തെളിഞ്ഞു. തൃപ്പൂണിത്തറ താലൂക്ക് ആശുപത്രിയിലെത്തിയാണ് താരം വൈദ്യപരിശോധനക്ക് വിധേയനായത്. അഞ്ച് വർഷം മദ്യപാനം പൂർണമായും ഉപേക്ഷിച്ചതായി ജോജു ജോർജ് മാധ്യമങ്ങളോട് നേരത്തേ വ്യക്തമാക്കിയിരുന്നു.

Show Full Article
TAGS:Joju George congress 
News Summary - Fuel price hike: Actor Joju george angry over Congress protests
Next Story