വയനാട്ടിൽ 2016 മുതൽ 2024 വരെ കാട്ടാന ആക്രമണത്തിൽ കൊല്ലപ്പെട്ടത് 33 പേർ

തിരുവനന്തപുരം: വയനാട്ടിൽ 2016 മുതൽ 2024 ഡിസംബർ വരെ കാട്ടാന ആക്രമണത്തിൽ 33 പേർ കൊല്ലപ്പെട്ടുവെന്ന് മന്ത്രി എ.കെ.ശശീന്ദ്രൻ. 2016 ൽ അഞ്ച്, 2017ൽ മൂന്ന്, 2018ൽ നാല്, 2019ൽ മൂന്ന്, 2020ൽ രണ്ട്, 2021ൽ നാല് 2022 രണ്ട്, 2023ൽ അഞ്ച്, 2024ൽ അഞ്ച് എന്നിങ്ങനെയാണ് മരണപ്പെട്ടവരുടെ കണക്ക്.

ഇതേ കാലത്ത് കാട്ടാന ആക്രമണത്തിൽ 87 പേർക്ക് പരിക്കേറ്റു. 2016 ൽ എട്ട്, 2017ൽ 17, 2018ൽ 17, 2019ൽ എട്ട്, 2020ൽ എട്ട്, 2021ൽ ആറ്, 2022ൽ 10, 2023ൽ അഞ്ച്, 2024ൽ എട്ട് എന്നിങ്ങനെയാണ് പരിക്കേറ്റവരുടെ കണക്കെന്നും മന്ത്രി നിയമസഭയിൽ ടി. സിദ്ദീഖിന്റെ ചോദ്യത്തിന് രേഖാമൂലം മറുപടി നൽകി.