Begin typing your search above and press return to search.
exit_to_app
exit_to_app
hyderali thangal and jifri muthukoya thangal
cancel
Homechevron_rightNewschevron_rightKeralachevron_rightമുസ്​ലിം ലീഗുമായുള്ള...

മുസ്​ലിം ലീഗുമായുള്ള സൗഹൃദബന്ധം സുദൃഢം, നിലനിർത്തേണ്ടത് എല്ലാവരുടെയും ബാധ്യത -സമസ്​ത

text_fields
bookmark_border

മലപ്പുറം: പൂർവീക മഹത്തുക്കളിലൂടെ തുടർന്നുവന്ന സമസ്ത കേരള ജംഇയ്യത്തുൽ ഉലമായും മുസ്​ലിം ലീഗും തമ്മിലെ സൗഹൃദ ബന്ധം സുദൃഢമാണെന്നും, പ്രസ്തുത ബന്ധം നിലനിർത്തേണ്ടത് എല്ലാവരുടേയും ബാധ്യതയാണെന്നും പാണക്കാട് ഹൈദരലി ശിഹാബ് തങ്ങളുടെ വസതിയിൽ ഞായറാഴ്​ച ചേർന്ന ഇരു സംഘടനകളുടെയും നേതൃയോഗം സംയുക്ത പ്രസ്താവനയിൽ അറിയിച്ചു.

പ്രസ്തുത ബന്ധത്തിന് വിഘാതം സൃഷ്​ടിക്കുന്ന യാതൊരുവിധ പ്രവർത്തനങ്ങളും പ്രസ്താവനകളും ഇരുഭാഗത്ത് നിന്നും ഉണ്ടാകരുതെന്ന്​ നേതാക്കൾ ഉപദേശിച്ചു. ഇരു സംഘടനകളുടെയും അണികളിൽ നിന്നോ, പ്രവർത്തകരിൽ നിന്നോ ഈ നിലപാടിന് നിരക്കാത്ത വല്ലതും ഉണ്ടായാൽ അത് നേതാക്കളുമായി ബന്ധപ്പെട്ട് പരിഹരിക്കുകയാണ് വേണ്ടതെന്നും യോഗം തീരുമാനിച്ചു.

പാണക്കാട് ഹൈദരലി ശിഹാബ് തങ്ങൾ അധ്യക്ഷത വഹിച്ചു. സയ്യിദ് മുഹമ്മദ് ജിഫ്രി മുത്തുക്കോയ ദ്ഘാടനം ചെയ്തു. പ്രഫ. കെ. ആലിക്കുട്ടി മുസ്​ലിയാർ പ്രഭാഷണം നടത്തി. പി.കെ. കുഞ്ഞാലിക്കുട്ടി എം.പി വിഷയാവതരണം നടത്തി.

സയ്യിദ് സ്വാദിഖലി ശിഹാബ് തങ്ങൾ, സയ്യിദ് ഹമീദലി ശിഹാബ് തങ്ങൾ, എം.ടി. അബ്​ദുല്ല മുസ്​ലിയാർ, എം.പി. അബ്​ദുസ്സമദ് സമദാനി, കെ. ഉമർ ഫൈസി മുക്കം, എം.കെ. മുനീർ, പി.വി. അബ്​ദുൽ വഹാബ് എം.പി, കെ.പി.എ. മജീദ്, എം.സി. മായിൻ ഹാജി, അബ്​ദു റഹ്മാൻ കല്ലായി, അബ്​ദുൽ ഹമീദ് ഫൈസി അമ്പലക്കടവ്, അബ്​ദുസ്സമദ് പൂക്കോട്ടൂർ, നാസർ ഫൈസി കൂടത്തായി, ഓണംപിള്ളി മുഹമ്മദ് ഫൈസി, അബൂബക്കർ ഫൈസി മലയമ്മ എന്നിവർ ചർച്ചയിൽ പങ്കെടുത്തു.

Show Full Article
TAGS:muslim league samastha hyderali thangal jifri thangal 
News Summary - Friendship with the Muslim League is strong and it is everyone's responsibility to maintain it
Next Story