സുഹൃത്തിനെ മർദിച്ച്​ കൊലപ്പെടുത്തിയ യുവാവ്​ അറസ്​റ്റിൽ

റാന്നി: സുഹൃത്തിനെ മർദിച്ച്​ കൊലപ്പെടുത്തിയ കേസിൽ യുവാവിനെ റാന്നി പൊലീസ് അറസ്​റ്റ്​ ചെയ്തു. റാന്നി ബ്ലോക്കുപടി വടക്കേടത്ത് വീട്ടിൽ അതുൽ സത്യനെയാണ് (25) അറസ്​റ്റ് ചെയ്തത്.

സുഹൃത്തായ റാന്നി ബ്ലോക്കുപടി പൗവത്ത് വീട്ടിൽ രാജീവ് കുമാറാണ്​ (38) മരണപ്പെട്ടത്. ബുധനാഴ്ച രാത്രി ഒമ്പതോടെയാണ് സംഭവം. അതുലി​െൻറ വീടി​െൻറ മുറ്റത്ത് നടന്ന വാക്​തർക്കം മർദനത്തിൽ കലാശിക്കുകയായിരുന്നു.

ഗുരുതര പരിക്കേറ്റ രാജീവ് കുമാർ മരണപ്പെട്ടു. റാന്നി താലൂക്ക്​ ആശുപത്രിയിൽ ബുധനാഴ്ച രാത്രിതന്നെ എത്തിച്ചിരുന്നു. മൃതദേഹം കോട്ടയം മെഡിക്കൽ കോളജിൽ പോസ്​റ്റ്​​േമാർട്ടം നടത്തി ബന്ധുക്കൾക്ക് വിട്ടുകൊടുത്തു. രാജീവ് അവിവാഹിതനാണ്. പ്രതിയെ റിമാൻഡ്​ ചെയ്തു.