മു​ല്ല​പ്പെ​രി​യാ​ര്‍: അ​ണ​ക്കെ​ട്ടി​​ന്‍റെ സു​ര​ക്ഷി​ത​ത്വം പു​തു​താ​യി വി​ല​യി​രു​ത്തണമെന്ന്​ ഉ​ന്ന​ത​ത​ല സ​മി​തി

ന്യൂ​ഡ​ൽ​ഹി: മു​ല്ല​പ്പെ​രി​യാ​ര്‍ ഹ​ര​ജി​ക​ളി​ല്‍ സു​പ്രീം​കോ​ട​തി പ​രി​ഗ​ണി​ക്കേ​ണ്ട വി​ഷ​യ​ങ്ങ​ളു​ടെ കാ​ര്യ​ത്തി​ൽ ഉ​ന്ന​ത​ത​ല സ​മി​തി ധാ​ര​ണ​യി​ലെ​ത്തി. റൂ​ള്‍ ക​ര്‍വ്, ഗേ​റ്റ്​ ഓ​പ​റേ​ഷ​ന്‍ എ​ന്നി​വ​യ​ട​ക്കം നാ​ല് വി​ഷ​യ​ങ്ങ​ള്‍ പ​രി​ഗ​ണി​ക്കു​ന്ന​തി​ല്‍ ര​ണ്ടു സം​സ്ഥാ​ന​ങ്ങ​ള്‍ക്കും യോ​ജി​പ്പു​ണ്ട്. അ​തേ​സ​മ​യം, സു​ര​ക്ഷ​യ​ട​ക്ക​മു​ള്ള വി​യോ​ജി​പ്പു​ള്ള വി​ഷ​യ​ങ്ങ​ള്‍ പ്ര​ത്യേ​കം കോ​ട​തി അ​റി​യി​ക്കാ​നും ധാ​ര​ണ​യാ​യി.

126 വ​ർ​ഷം പ​ഴ​ക്ക​മു​ള്ള മു​ല്ല​പ്പെ​രി​യാ​ർ അ​ണ​ക്കെ​ട്ടി​​ന്‍റെ സു​ര​ക്ഷി​ത​ത്വം പു​തു​താ​യി വി​ല​യി​രു​ത്തേ​ണ്ട​തു​ണ്ടെ​ന്ന്​ കേ​ന്ദ്ര ജ​ല ക​മീ​ഷ​നും കേ​ര​ള, ത​മി​ഴ്​​നാ​ട്​ സ​ർ​ക്കാ​ർ പ്ര​തി​നി​ധി​ക​ളും ഉ​ൾ​പ്പെ​ട്ട മേ​ൽ​നോ​ട്ട സ​മി​തി സു​പ്രീം​കോ​ട​തി​യെ അ​റി​യി​ച്ചു. അ​ണ​ക്കെ​ട്ടി​ന്‍റെ നി​ല​വി​ലെ സ്ഥി​തി സം​ബ​ന്ധി​ച്ച്​ ന​ൽ​കി​യ റി​പ്പോ​ർ​ട്ടി​ലാ​ണി​ത്. സു​പ്രീം​കോ​ട​തി നി​ർ​ദേ​ശ പ്ര​കാ​രം നി​യോ​ഗി​ച്ച ഉ​ന്ന​താ​ധി​കാ​ര സ​മി​തി 2010ലും 2012​ലും സു​ര​ക്ഷ വ​ശ​ങ്ങ​ൾ പ​രി​ശോ​ധി​ച്ചി​രു​ന്നു. മേ​ൽ​നോ​ട്ട സ​മി​തി 14 യോ​ഗ​ങ്ങ​ൾ ചേ​ർ​ന്നി​ട്ടു​ണ്ട്.

ഡാം ​എ​ല്ലാ വി​ധ​ത്തി​ലും സു​ര​ക്ഷി​ത​മെ​ന്നാ​ണ്​ വി​ദ​ഗ്​​ധാ​ഭി​പ്രാ​യം. ​എ​ന്നി​രു​ന്നാ​ലും ഡാ​മി​ന്‍റെ സു​ര​ക്ഷി​ത​ത്വം പു​തു​താ​യി വി​ല​യി​രു​ത്താ​ൻ സ​മ​യ​മാ​യി. അ​ത്​ ന​ട​ത്തേ​ണ്ട​തു​മു​ണ്ട്. ക​ഴി​ഞ്ഞ മാ​സം എ​ട്ടി​ന്​ ന​ട​ന്ന മേ​ൽ​നോ​ട്ട സ​മി​തി യോ​ഗ​ത്തി​ൽ സ്പി​ൽ​വേ ഷ​ട്ട​ർ പ്ര​വ​ർ​ത്ത​ന കാ​ര്യ​ത്തി​ലും വെ​ള്ളം തു​റ​ന്നു​വി​ടു​ന്ന രീ​തി​യി​ലും കേ​ര​ളം അ​തൃ​പ്തി പ്ര​ക​ടി​പ്പി​ച്ച കാ​ര്യം റി​പ്പോ​ർ​ട്ടി​ൽ പ​റ​ഞ്ഞു.

മ​ഴ​​​ സം​ബ​ന്ധി​ച്ച ക​ണ​ക്കു​ക​ൾ മ​ണി​ക്കൂ​ർ ഇ​ട​വി​ട്ട്​ ന​ൽ​കു​ന്ന​തി​നു പ​ക​രം പ്ര​തി​ദി​നാ​ടി​സ്ഥാ​ന​ത്തി​ൽ കേ​ര​ളം ന​ൽ​കു​ന്ന​തി​നാ​ൽ തീ​രു​മാ​ന​ങ്ങ​ൾ മു​ൻ​കൂ​ട്ടി എ​ടു​ക്കാ​ൻ മ​തി​യാ​യ സ​മ​യം കി​ട്ടു​ന്നി​ല്ലെ​ന്ന്​ ത​മി​ഴ്​​നാ​ടും ബോ​ധി​പ്പി​ച്ചു. ടെ​ലി​മെ​ട്രി സ്​​റ്റേ​ഷ​നു​ക​ൾ ആ​വ​ശ്യ​ത്തി​ന്​ സ്ഥാ​പി​ക്കാ​ൻ മേ​ൽ​നോ​ട്ട സ​മി​തി നി​ർ​ദേ​ശി​ച്ചെ​ങ്കി​ലും ഇ​തു​വ​രെ കേ​ര​ളം ന​ട​പ​ടി സ്വീ​ക​രി​ച്ചി​ട്ടി​ല്ലെ​ന്ന്​ മേ​ൽ​നോ​ട്ട സ​മി​തി ​പ​റ​ഞ്ഞു. ​അ​ടു​ത്ത മാ​സം ര​ണ്ടാം​വാ​രം കേ​സ്​ പ​രി​ഗ​ണി​ക്കാ​നി​രി​ക്കേ​യാ​ണ്​ ത​ൽ​സ്ഥി​തി റി​പ്പോ​ർ​ട്ട്​ സ​മ​ർ​പ്പി​ച്ച​ത്.