ഫ്ര​ട്ടേണിറ്റി സാഹോദര്യ രാഷ്ട്രീയ ജാഥക്ക്​ നേരേ പൊലീസ് ലാത്തിച്ചാര്‍ജ് VIDEO

തിരുവനന്തപുരം: ​ഫ്രറ്റേണിറ്റി മൂവ്മ​​െൻറി​​​െൻറ സ​ാ​േഹാദര്യ രാഷ്​ട്രീയ ജാഥക്ക്​ നേരെ പൊലീസ്​ ലാത്തിച്ചാർജ്​. സംസ്ഥാന ഭാരവാഹികളടക്കം നാലുപേർക്ക്​ പരിക്ക്​. 13 പേരെ അറസ്​റ്റ്​ ചെയ്തു. പ്രചാരണ വാഹനങ്ങളും പൊലീസ്​ പിടിച്ചെടുത്തു. പാർട്ടി സംസ്ഥാന സെക്രട്ടറി അജീഷ്​ കിളിക്കോട്ട്​, സംസ്ഥാന സെക്രട്ടറിയും ലോ​ േകാളജ്​ വിദ്യാർഥിയുമായ വസീം അലി, എ.എൽ. അഫ്​സൽ, ഷെബീർ എന്നിവർക്കാണ്​ പരിക്കേറ്റത്​. ഇവരെ മെഡിക്കൽ കോളജ്​ ആശുപത്രിയിൽ പ്രവേശിപ്പിച്ചു.

വിവേചനങ്ങൾ വിചാരണ ചെയ്യുക, വിധേയത്വങ്ങളോട്​ വിസമ്മതിക്കുക എന്നീ മുദ്രാവാക്യങ്ങളുയർത്തി​ ഫ്ര​േറ്റണിറ്റി മൂവ്​മ​​െൻറ്​ സംസ്ഥാന പ്രസിഡൻറ്​ ഷംസീർ ഇബ്രാഹിം നയിക്കുന്ന ജാഥയുടെ ഒന്നാം ദിവസം ലോ േകാളജിലെത്തിയപ്പോഴാണ്​ പൊലീസി​​​െൻറ ഏകപക്ഷീയ നടപടി. വൈകീട്ട്​ മൂന്നോടെ എത്തിയ ജാഥയെ കാമ്പസിലേക്ക്​ പ്രവേശിക്കാൻ എസ്​.എഫ്​.​െഎ പ്രവർത്തകർ അനുവദിച്ചിരുന്നില്ല. പൊലീസി​​​െൻറ സാന്നിധ്യത്തിൽ പെൺകുട്ടികളടക്കമുള്ള പ്രവർത്തകർക്ക്​ നേരെ കാമ്പസിനുള്ളിൽനിന്ന്​ കല്ലേറുണ്ടാവുകയും ചെയ്​തു.

ഇതോടെ പ്രവർത്തകർ കാമ്പസിന്​ പുറത്ത്​ മുദ്രാവാക്യം മുഴക്കി നിലയുറപ്പിച്ചു. കോളജിനുള്ളിലേക്ക്​ പ്രവേശിക്കുന്നതിനുള്ള അനുമതിക്കായി പ്രിൻസിപ്പലിനെ കാണാൻ അനുമതി ​േതടിയെങ്കിലും കാമ്പസിന്​ പുറത്തുപോലും പരിപാടി നടത്തേണ്ടെ​ന്നും പിരിഞ്ഞു പോകണമെന്നുമായിരുന്നു പൊലീസ്​ നിലപാട്​. ഒടുവിൽ സംസ്ഥാന ഭാരവാഹികളിൽ ഒരാ​െള ​പ്രിൻസിപ്പലിനെ കാണാൻ പൊലീസ്​ അനുമതി നൽകി. ഇദ്ദേഹത്തോടൊപ്പം ലോ കോളജിലെ വിദ്യാർഥി കൂടിയായ റഹ്​മാൻ അകത്തേക്ക്​ കടക്കാൻ ശ്രമിച്ചപ്പോൾ പൊലീസ്​ തടയ​ുകയും ബലം പ്രയോഗിച്ച്​ മാറ്റാൻ ശ്രമിക്കുകയുമായിരുന്നു. ഇതിനിടെയാണ്​ മുദ്രാവാക്യം മുഴക്കിനിന്ന പ്രവർത്തകരെ പൊലീസ്​ ലാത്തിച്ചാർജ്​ ചെയ്​തത്​.

കോളജിൽ നിന്ന്​ അകലെ നിർത്തിയിട്ടിരുന്ന ജാഥ​ക്കൊപ്പമുണ്ടായിരുന്ന നാടകസംഘത്തി​​​​െൻറ വാഹനത്തിനുള്ളിൽ കയറിയും പൊലീസ്​ വിദ്യാർഥികളെ മർദിച്ചു. വാഹനം പിടിച്ചെടുക്കുകയും ചെയ്​തതായി നേതാക്കൾ പറയുന്നു. കസ്​റ്റഡിയിലെടുത്ത വാഹനങ്ങൾ മ്യൂസിയം പൊലീസ്​ സ്​റ്റേഷനിലെത്തിച്ചെങ്കിലും രാത്രി വൈകി​യും വിട്ടുനൽകിയിട്ടില്ല. സംഭവത്തെ തുടർന്ന്​ വെൽഫെയർ പാർട്ടിയുടെ നേതൃത്വത്തിൽ സെ​ക്ര​േട്ടറിയറ്റിലേക്ക്​ പ്രതിഷേധമാർച്ചും നടന്നു. ജൂലൈ ഒന്നു മുതൽ 20 വരെയാണ്​ രാഷ്​ട്രീയ സാഹോദര്യ ജാഥ സംഘടിപ്പിച്ചിരിക്കുന്നത്​.

സംസ്ഥാന വ്യാപക പ്രതിഷേധത്തിന് വെൽഫെയർ പാർട്ടി
തി​രു​വ​ന​ന്ത​പു​രം: ലോ ​കോ​ള​ജി​ൽ ഫ്ര​റ്റേ​ണി​റ്റി സാ​ഹോ​ദ​ര്യ രാ​ഷ്​​ട്രീ​യ ജാ​ഥ​ക്ക് നേ​രെ​യു​ണ്ടാ​യ എ​സ്.​എ​ഫ്.​ഐ അ​ക്ര​മ​ത്തി​ലും അ​തി​നെ സ​ഹാ​യി​ക്കാ​ൻ പൊ​ലീ​സ് ന​ട​ത്തി​യ ക്രൂ​ര മ​ർ​ദ​ന​ത്തി​ലും സം​സ്ഥാ​ന വ്യാ​പ​ക പ്ര​തി​ഷേ​ധ​ത്തി​ന് വെ​ൽ​ഫെ​യ​ർ പാ​ർ​ട്ടി സം​സ്ഥാ​ന ജ​ന. സെ​ക്ര​ട്ട​റി കെ.​എ. ശ​ഫീ​ഖ് ആ​ഹ്വാ​നം ചെ​യ്​​തു.